İnsanın dəyəri nə qədərdir?

İnsanın dəyəri nə qədərdir?

27 Avqust 2021 - 09:18

134791

İnsan əslində iki mənliyə malikdir. Biri – ən ali dərəcədir ki, ona insan deyilir. O birisi isə bitki və ya heyvani dərəcədir ki, onu əslində tam mənasında insan adlandırmaq olmaz.

İnsanların əksər hissəsi insan olmağı unudub, bitki və ya heyvani həyatda yaşayırlar. Belə həyatda yaşamaq o deməkdir ki, bu cür insanların bütün səyləri – ancaq yemək, içmək və geyinmək olar. Bu mərhələdə olanlar əslində rifah içində mövcudiyyət sürürlər. Yaxşı qidalanır, yaxşı geyinirlər. Ancaq onları insan adlandırmaq olarmı?

“Başqa bir dəstə isə yalnız öz canının hayında idi, Allah barəsində nahaq gümana – cahiliyyət dövrünə xas zənnə qapılırdılar. (Üzdə sənə) «görəsən, bu işdən (qələbədən) bizə də bir şey düşür?» deyirdilər”. (“Ali-İmran” 154).

Hər kim daha çox heyvani həyatda yaşayar, insan həyatından uzaqlaşar. “Yoxsa onların çoxunun (sənin dediklərini) eşitdiyini və ya düşündüyünü güman edirsən? (Xeyr,) onlar yalnız heyvanlar kimidirlər, hətta daha azğındırlar. (Çünki heyvanlar yaradılışın hədəf və məqsədi istiqamətindəki yollarını instinktlə düzgün gedirlər, bunlar isə yox!)”. (“Furqan” 44).

Hər kim Allahı unudarsa, əslində iki mühüm ziyana düşər:

1. Allahı unutmaq insana özünü unutdurar. “Allahı unutduqlarına görə, Allahın da onları özlərinə unutdurduğu kəslər kimi olmayın! Onlar həmin fasiqlərdirlər!”. (“Həşr” 19).

2. Elmdən bəhrə aparmazlar. “Və (Biz) belə məsələləri insanlar üçün çəkirik. Lakin onları alimlərdən başqa heç kim anlamır (və dərinliyinə, həqiqətinə varmır)”. (“Ənkəbut” 43).

İnsanın təkamül etməsinə şərait yaradan amillərdən biri də elmdir. Hər kim alim olar – bu dünyaya nə üçün gəldiyini araşdırar və bu haqda elmlər əldə edər.

Ustad Əllamə Cəfəri nəql edir: “Dünyanın tanınmış insanları Danimarkada toplaşmışdılar ki, mühüm bir mövzunu tədqiq etsinlər.

Mövzu isə “İnsanın həqiqi dəyəri nədədir” barədə idi. Hər bir ölkə bu mövzu ilə bağlı öz nəzərini bildirdi. Bəziləri onu qızılda, bəziləri neftdə, bəziləri mal-dəvlətdə gördülər.

O zaman ki, növbə mənə gəlib çatdı, dedim: “Əgər insanın dəyərini öyrənmək istəyirsinizsə, gərək onun nəyə meyli vardır – onları biləsəniz. Hansı şeyə eşq bəsləyir – onları öyrənəsiniz. Hər kimin eşqi ikimərtəbəli bina olarsa – onun dəyəri elə həmin bina qədər olacaqdır. Hər kim maşına eşq bəsləyər – dəyəri də o miqdarda olar.

Ancaq o kəsin ki, eşqi Allah Təala olar – dəyəri Allah qədər olar”.

Mən bunu dedim və aşağı endim. Bu sözləri eşidən insanlar bir neçə dəqiqə susdular və düşündülər. Ondan sonra mənə əl çaldılar.

O zaman ki, onların səsləri kəsildi, mən yenə qalxdım və dedim: “Əzizlərim, bu, mənim sözlərim deyildir. Əslində İmam Əlinin (ə) sözləridir. Bu böyük insan “Nəhcul-bəlağə”də buyurur: “Hər insanın dəyəri – sevdiyi şey qədərdir””.

Bu sözdən sonra hamı ayağa qalxdı və yenə əl çalmağa başladılar”.

Bəli, insan olmaq Allah sevgisi ilə müəyyən olunur. Əgər Allah sevgisi onu hərəkətə gətirir və yaxşı əməllərə tərəf sövq edirsə, deməli bu varlıq insandır və ibtidai məxluq olmaqdan çıxmışdır.

Mənbə: Deyerler

Xəbər lenti

Dünyada bu qədər qida zibilliyə atılır - Şok hesabat
2024-04-23 21:42

Azərbaycan Prezidenti quru sərhədlərlə bağlı açıqlama verdi
2024-04-23 20:53

Gürcüstan MSK parlament seçkilərində iştirak edəcək ilk partiyanı qeydə alıb
2024-04-23 20:45

Avropa Parlamenti Bidzina İvanişviliyə və qanun layihəsini dəstəkləyən deputatlara sanksiya tətbiq edilməsi ilə bağlı qətnamə layihəsinə baxacaq
2024-04-23 20:08

Yol kənarı zonalarında bu nəqliyyat vasitələrinə baxış keçiriləcək
2024-04-23 19:46

"Xarici təsirin şəffaflığı haqqında" qanun layihəsi Gürcüstanın namizəd statusuna ziddir
2024-04-23 19:33

24 aprel üçün xarici valyutanın rəsmi məzənnəsi
2024-04-23 19:12

Gürcüstan-Rusiya sərhədi istiqamətində ən uzun tunelin çəkilməsi rəsmən başa çatıb
2024-04-23 16:23

Poniçalada din xadimini bıçaqlayıblar
2024-04-23 14:34

Saxta sürücülük vəsiqəsi verən 4 nəfər saxlanıldı
2024-04-23 12:26