Finlandiya və İsveç NATO-ya üzvlük ərizələrini təqdim etdi

Finlandiya və İsveç NATO-ya üzvlük ərizələrini təqdim etdi

18 May 2022 - 08:06

134601

Finlandiya və İsveçin NATO-dakı səfirləri Klaus Korxonen və Aksel Vernxoff NATO-nun Baş katibi Yens Stoltenberqə ölkələrinin NATO-ya üzv olması üçün ərizələri rəsmi olaraq təqdim ediblər.

Xeber.ge xəbər verir ki, mərasim Alyansın mətbuat xidməti tərəfindən onlayn yayımlanıb.

“İsveç və Finlandiyanın NATO-ya üzv olmaq xahişini ürəkdən alqışlayıram. Bu gün verdiyiniz təkliflər tarixi addımdır. Alyans indi NATO yolunda növbəti addımları müzakirə edəcək. Bütün ölkələrin təhlükəsizlik maraqları nəzərə alınmalıdır və biz bütün sualları həll etmək və qəbul prosesinin tez bir zamanda tamamlanmasına nail olmaq əzmindəyik”, - Stoltenberq bildirib.

NATO baş katibi əlavə edib ki, Alyans hazırda Baltik dənizində təhlükəsizlik sistemini uyğunlaşdırır. “NATO Baltikyanı regionda artıq çox sayıqdır, Təşkilat qüvvələri və Alyans ölkələri lazım gəldikdə uyğunlaşmağa davam edəcəklər. Bütün üzv ölkələr NATO-nun genişlənməsinin vacibliyində həmfikirdirlər, onlar razılaşır ki, biz bir yerdə olmalıyıq və bu, tarixi məqamdır, qaçırılmamalıdır”, - baş katib qeyd edib.

Qeyd edək ki, dünən Finlandiya parlamenti NATO-ya üzvlük təklifini dəstəkləyib, 188 deputat lehinə, 8-i təşkilata üzvlük müraciətinə qarşı çıxıb. İsveç hökuməti isə mayın 16-da Alyansa üzvlüyü dəstəkləyib. NATO-nun baş katibi bundan əvvəl hər iki ölkənin “Alyansın ən yaxın tərəfdaşları” və “nümunəvi demokratik ölkələr” olduğunu və onların silahlı qüvvələrinin NATO qüvvələri ilə uyğunluğunun onilliklər ərzində keçirilən çoxsaylı birgə təlimlərdə işlənib hazırlandığını bildirib. NATO üzvü olan ölkələrdən yalnız Türkiyə İsveç və Finlandiyanın qəbuluna etiraz edir, xüsusilə də Stokholm və Helsinkidən Ankaranın terrorçu hesab etdiyi Türkiyə, İraq və Suriyadakı kürd strukturlarını dəstəkləməkdən imtina etməyi və ölkəyə tədarük edilən silahlara qoyulan birtərəfli embarqonu ləğv etməyi tələb edir. Bu etirazlar aradan qaldırılarsa, Alyans 28-30 iyunda Madriddə keçiriləcək sammitdə İsveç və Finlandiyanın NATO-ya qəbulunu elan etmək niyyətindədir.

mənbə: publika.az

Xəbər lenti

Yol hərəkəti qaydalarının pozulmasına görə cərimələrin məbləği artıb
2024-04-24 22:51

Gürcüstanda və qonşu ölkələrdə orta əməkhaqqı nə qədərdir?
2024-04-24 22:05

Tbilisidə etiraz aksiyası başlayır
2024-04-24 21:10

Batumidə avtomobil azyaşlını vurub
2024-04-24 21:05

Gürcüstandan Ukrayna vətəndaşlarına böyük jest: 3 il ərzində...
2024-04-24 19:32

Co Bayden yenə hava ilə “salam”laşdı - Video
2024-04-24 19:24

Bu ölkənin əsas qərbyönlü müxalifət lideri Mixail Saakaşvilidir
2024-04-24 19:11

25 aprel üçün xarici valyutanın rəsmi məzənnəsi
2024-04-24 18:50

Mamuka Mdinaradze sanksiya ilə bağlı olan suala belə cavab verdi
2024-04-24 15:54

Telegramda şəxsi həyatı əks etdirən fotoları yayan şəxs saxlanıldı
2024-04-24 15:49