Qulaqlıqdan istifadə 1 milyard insanın eşitmə qabiliyyətini itirməsinə səbəb ola bilər

Qulaqlıqdan istifadə 1 milyard insanın eşitmə qabiliyyətini itirməsinə səbəb ola bilər

22 Noyabr 2022 - 06:32

134666

Alimlərin apardıqları araşdırma qulaqlıqlardan istifadə nəticəsində 1 milyarddan çox insanın eşitmə itkisi riski altında olduğunu ortaya çıxarıb.

Xeber.ge xəbər verir ki, elmi tədqiqatın nəticələri “BMJ Global Health”da dərc olunub.

Araşdırmaya görə, qulaqlıqdan istifadə gənclərdə eşitmə qabiliyyətinin itirilməsinə səbəb olur. Qeyd edilir ki, bu səbəbdən gələcəkdə bir çox insan eşitmə qabiliyyətini itirəcək.

Tədqiqatçılar bu qənaətə gəliblər ki, yüksək səs qulağa zərər verir. Qulaqlıqla musiqi dinləməyin və konsertdə yüksək səsin erkən yaşlarda eşitmə qabiliyyətinin itirilməsinə səbəb ola biləcəyini vurğulayan alimlər 12-34 yaş arası şəxslərin qulaqlıqdan sağlamlığa zərərli şəkildə istifadə etdiyini ortaya çıxarıblar.

Cənubi Karolina Universitetinin tədqiqatçısı Lauran Dillard yüksək səsin duyğu hüceyrələrini zədələdiyini və qulağa təhlükə törətdiyini bildirib. Dillard, yüksək səsə məruz qalmanın davam etdiyi təqdirdə qulağın ağır zədələndiyini və insanın eşitmə qabiliyyətindən məhrum olduğunu vurğulayıb.

Mütəxəssislər, qulaqlıqlı telefonda dinlənilən musiqinin səsinin 105 desibelə çata biləcəyini, konsert məkanlarında orta səs səviyyəsinin isə 104-112 desibel arasında olduğunu bildiriblər.

Alimlər tövsiyə edirlər ki, eşitmə sağlamlığı üçün musiqi təhlükəsiz səsdə dinlənilməli və səs insan sağlamlığı üçün təhlükəsiz səviyyədə saxlanılmalıdır.

Tədqiqatçılar hesab edirlər ki, qulaqlıqdan istifadəni tamamilə aradan qaldırmaq əvəzinə bəzi ehtiyat tədbirləri görülməlidir.

Tinnitusun (qulaqlarda səs-küy, yəni xaricdə səs olmadan qulaqlarda səs-küyün eşidilməsi – red.), musiqi səviyyəsinin çox yüksək olmasının eşitmə qabiliyyəti üçün ciddi əlamət olduğunu ifadə edən mütəxəssislər, bəzi telefonlarda səsi tənzimləmək funksiyasının mövcudluğunu diqqətə çatdırıblar.

Qeyd edilir ki, dinləmə müddətini və səsi azaltmaq eşitmə qabiliyyəti itkisinin qarşısını almaq üçün ən yaxşı tədbirdir.

mənbə: report.az

Xəbər lenti

Öllkəyə və xalqa qarşı sanksiyalar tətbiq etmək yanaşması yanlışdır
2024-05-18 18:20

Bizimlə kim, hansı qüvvə danışır? - İnsanları zorlayan, öldürən, işgəncə verənlər!
2024-05-18 17:04

ABŞ Nümayəndələr Palatasının Xarici Əlaqələr Komitəsinin üzvü Gürcüstanda baş verən hadisələrə cavab olaraq qanun layihəsi təqdim etməyi planlaşdırır
2024-05-18 16:55

Rusiya Ukraynada yaşayış məntəqəsini ələ keçirdiyini açıqlayıb
2024-05-18 15:20

Bu gün Tbilisidə bir sıra yürüş və aksiya keçiriləcək
2024-05-18 15:10

Kurs dəyişmədən Gürcüstan yenidən Rusiya İmperiyasının quberniyasına çevriləcək
2024-05-18 15:05

Gürcüstan Prezidenti əcnəbi agentlər haqqında qanuna dəyişiklik etməyəcək
2024-05-18 13:49

Bu qanunu səhv hesab etmişdim və heç nə dəyişməyib
2024-05-18 13:40

Rus qanununu vasitəsilə fiziki şəxsləri də cərimələmək mümkün olacaq
2024-05-18 13:31