Əfsanəvi generala qarşı terror aktından üç il ötür

Əfsanəvi generala qarşı terror aktından üç il ötür

03 Yanvar 2023 - 07:23

134562

İranın İslam İnqilabı Keşikçilər Ordusunun Qüds Korpusunun komandanı general Qasim Süleymaninin və tanınmış digər iraqlı və iranlı hərbçilərin ABŞ tərəfindən terrora məruz qalmasından üç il ötür. Bu terror aktı bölgəni yeni dəhşətli müharibənin astanasına qədər aparıb çıxartdı.

Xeber.ge xəbər verir ki, yanvarın üçü əfsanəvi general Qasim Süleymaninin şəhadətinin ildönümüdür. 2020-ci ilin yanvarın ikisindən üçünə keçən gecə general Qasim Süleymani, digər İran və İraq rəsmilərilə birgə Bağdad hava limanı ətrafında ABŞ Ordusu tərəfindən terrora məruz qaldı. ABŞ prezidenti Donald Tramp terror aktından dərhal sonra bu hücumla bağlı göstərişin şəxsən onun tərəfindən verildiyini və ABŞ Ordusu tərəfindən icra edildiyini bildirdi. Görünür Donald Tramp, bu hücumdan üç gün öncə Bağdadda ABŞ səfirliyi qarşısında keçirilən etiraz aksiyalardan qəzəbli idi və əfsanəvi generalın bölgədə olan gücünü həzm edə bilmirdi.

Bu terror hadisəsi nəticəsində İranın İslam İnqilabı Keşikçilər Ordusunun Qüds Korpusunun komandanı Qasim Süleymanidən əlavə, İraqın, İŞİD-ə qarşı mübarizə məqsədilə yaradılan Xalq Səfərbər Qüvvələrinin, yəni Haşd-Şabi-nin rəhbər müavini Əbu-Mehdi əl-Müəhəndis və onlarla birgə daha 7 hərbi rəsmi şəhid oldu. Terror aktını əksər bölgə ölkələri pislədi və qınadı, Azərbaycan Respublikası da bu hadisə ilə bağlı İran tərəfinə başsağlığı verdi. Dünya liderləri bu birtərəfli, düşünülməmiş və xain terror aktının Yaxın Şərqə gətirəcəyi acı nəticələri barədə xəbərdarlıq verdilər.

Terror aktı siyasi müstəvidə şok anı yaratmışdı. Çünki Qasim Süleymani bir ölkənin rəsmi qurumunun yüksək çinli rəsmisi olmaqla yanaşı, onun İraqa səfəri də rəsmi və açıq şəkildə həyata keçirilirdi. Terror aktında İranla yanaşı İraq hərbi rəsmiləri də var idi. ABŞ Administrasiyasının bu addımı çoxları üçün gözlənilməz idi. İraqın baş naziri Adil-Əbdül-Mehdi Qasim Süleymaninin bu səfərdə onunla görüşə gəldiyini bildirdi. İraq hökuməti ABŞ-a nota verdi və az keçməmiş ölkə parlamenti əcnəbi qüvvələrin İraqdan çıxmasına səs verdi. Qasim Süleymaninin terror edilməsinin ABŞ-a vurduğu ilk siyasi zərbə də məhz bu idi.

Qasim Süleymaninin namərdcəsinə gözlənilmədən terror edilməsi İran hökumətilə yanaşı ölkə ictimaiyyətini də sarsıtmışdı. Qasim Süleymaninin dəfnində İranda böyük izdiham yaşandı. Onun və Əbu-Mehdi əl-Mühəndisin nəşi İranda şəhər bə şəhər gəzdirildi. Daha sonra doğulduğu Kerman şəhərində dəfn edildi. Əbu-Mehdi əl-Mühəndisin nəşi isə Bağdada aparıldı. Qasim Süleyminin şəhid edilməsinə görə İran intiqam hissi içində yanırdı. Hadisədən 5 gün sonra İran “intiqamın ilk mərhələsi” və ya Ayətullah Xameneinin bildirdiyi kimi “birinci şillə” olaraq ABŞ-ın İraqdakı iki bazasını ortamənzilli ballistik raketlərlə hədəfə aldı. “Şəhid Qasim Süleymani” adlı bu əməliyyat zamanı ABŞ-ın əl-Ənbar əyalətində yerləşən Eynul-Əsəd hərbi bazasında böyük dağıntılar baş verdi. Həmin gün ərzində ABŞ, yüzdən çox xəsarət almış əsgərini İraqdan təxliyə edərək müalicə üçün Almaniyaya, Küveytə və sair ölkələrə apardı. Əməliyyatı kafi bilməyən İran intiqamın davam edəcəyini, onların təkcə hərbi deyil digər müstəvilərdə də həyata keçiriləcəyini və yekun intiqamın ABŞ qüvvələrinin tamamilə İraqdan çıxması olacağını bildirdi. Bundan savayı İran və İraq məhkəmələri bu cinayətlə bağlı bütün göstəriş verən və icra edənlərin cəzalarına çatana qədər təqib edəcəyini bildirdilər.

mənbə: salamnews.org

Xəbər lenti

Zurabişvili Makronu Gürcüstana dəvət edib
2024-05-19 13:09

Nəhəng meteorit görənləri heyrətə gətirdi - VİDEO
2024-05-19 13:04

Gürcüstan parlamenti Prezidentin mübahisəli qanunla bağlı vetosunu dəf edə biləcək
2024-05-19 12:55

Gecə saatlarında evə silhalı şəxslər girib - Bir nəfər ölüb iki nəfər yaralanıb
2024-05-19 12:18

Sabah parlamentdə prezidentin ofşor qanun layihəsinə veto qoyması müzakirə olunacaq
2024-05-19 11:53

“Gördüklərimizin şəffaflıqla heç bir əlaqəsi yoxdur”
2024-05-18 22:28

Etiraz aksiyasının davam etdiyi Tbilisidə Rusiya və “Gürcü Arzusu”nun bayraqları yandırıldı- VİDEO
2024-05-18 22:25

“Prezident Salome Zurabişvilinin şəffaflıq haqqında qanuna veto qoyması sonrakı müzakirələr üçün imkan yaradır”
2024-05-18 22:22

Qardabanidə bacısını qətlə yetirən şəxsə həbs cəzası verildi
2024-05-18 22:19

Parlament Zurabişvilinin qoyduğu vetonu ləğv edə bilər, amma...
2024-05-18 22:15