Gürcüstanda kurortların inkişafı dövlət proqramına başlanılır

Gürcüstanda kurortların inkişafı dövlət proqramına başlanılır

18 Aprel 2023 - 11:44

382

“Şəhərlərin və kurortların inkişafı üçün genişmiqyaslı dövlət proqramına başlayırıq, bu, 5 il davam edəcək və büdcədən 1 milyard lari ayrılacaq”.

Bu barədə Gürcüstanın baş naziri İrakli Ğaribaşvili hökumətin iclasında bildirib.

Baş nazirin qeyd etdiyinə görə, proqram çərçivəsində Borjomi, Bakuriani, Kutaisi, Tskaltubo, Telavi, Zuqdidi, Batumi, Mtsxeta, Stephantsminda, Mestia və Kazbegidə binalar, mədəni və tarixi obyektlər bərpa ediləcək və yenidən qurulacaq, yeni istirahət məkanları təşkil olunacaq, mövcudları isə təmir ediləcək.

“Mən bir neçə məsələyə münasibət bildirmək və bu gün rəsmi olaraq başlayacağımız və elan edəcəyimiz çox mühüm bir təşəbbüslə sizi tanış etmək istərdim. Bundan əvvəl sizə deyim ki, iki il bundan əvvəl biz bütün bələdiyyələrdə şəhərsalma proqramına başlamışıq. Qeyd olunan işlər 63 bələdiyyədə aparılıb, mərkəzlər abadlaşdırılıb, meydanlar təşkil olunub və çox genişmiqyaslı işlər həyata keçirilib. Xatırlayırsınız ki, biz bu proqrama 500 milyon lari ayırmışdıq, bir neçə bələdiyyədə qeyd olunan proqram hələ də davam edir və indi biz daha böyük dövlət proqramına, şəhərlərin və kurortların inkişaf proqramına başlayırıq ki, bu da 5 il davam edəcək və büdcədən 1 milyard lari ayrılacaq. Biz bu il bu məqsədlə artıq 200 milyon lari ayırmışıq. Biz 11 yer seçmişik, bu barədə sizə məlumat vermək istərdim: bunlar Borjomi, Bakuriani, Kutaisi, Tskaltubo, Telavi, Zuqdidi, Batumi, Mtsxeta, Stephantsminda, Mestia və Kazbegi bələdiyyələridir. Tezliklə işlərə başlayacağıq, bu barədə sizə daha sonra ətraflı məlumat verəcəyik, konsepsiyalar hazırlanacaq, Bələdiyyələrin İnkişafı Fondu bu proqramın həyata keçirilməsi istiqamətində fəal işə başlayacaq, ən yaxşı memar və inşaatçıları seçəcəyik. Binalar, mədəniyyət və tarixi obyektlər bərpa ediləcək və yenidən qurulacaq. Həmçinin, yeni və mövcud istirahət yerləri təşkil olunacaq, təmir olunacaq, o cümlədən insanların toplaşdığı yerlər və yeni turistik məkanlar yaradılacaq. Bizim əsas vəzifəmiz ölkəmizi mərhələli şəkildə əsl Avropa tipli dövlətə çevirmək olmalıdır. Baxımlı, inkişaf etmiş, gözəl dövlət, şəhər, rayon, kənd olmalıdır. Bu bizim planımızdır. Sizə dediyim kimi, bu il 200 milyon lari ayrılacaq, Regional İnkişaf və İnfrastruktur Nazirliyi, Bələdiyyələrin İnkişafı Fondu işə başlayacaq və biz tezliklə nəticələrini görəcəyik”, - deyə İrakli Ğaribaşvili bildirib.

mənbə: interpress

Xəbər lenti

Bu tarixdən ölkədə havanın temperaturu yüksələcək
2024-05-12 23:19

Rustaveli prospekti etirazçılar tərəfindən bağlandı
2024-05-12 22:56

Xüsusi təyinatlılar Parlament yaxınlığına səfərbər olunub
2024-05-12 21:57

Gürcüstanın daxili işlər naziri nümayişçilərə xəbərdarlıq edib
2024-05-12 21:55

Prezident “Xarici təsirin şəffaflığı haqqında” qanuna veto qoyacaq
2024-05-12 20:29

Gürcüstan parlamenti mayın 14-də qalmaqallı qanuna üçüncü oxunuşda baxacaq
2024-05-12 20:21

Zurabişvili "xarici təsirin şəffaflığı haqqında" qanunun icrasını noyabra qədər təxirə salmağı təklif edib
2024-05-12 20:16

Gürcüstan Prezidenti Tbilisidə etiraz iştrakçilarını diqqətli olmağa çağırıb
2024-05-12 20:07

Strateji tərəfdaşlıq konkret addımlarla ifadə edilməlidir
2024-05-12 18:52

Gürcüstanın Baş naziri: Radikal müxalifət parlamentə və polisə qarşı zorakılıqlar planlaşdırır
2024-05-12 18:25