Çinin yeni kəşfi: Ət və tərəvəz tullantıları ilə uçan təyyarələr

Çinin yeni kəşfi: Ət və tərəvəz tullantıları ilə uçan təyyarələr

28 Noyabr 2023 - 05:23

258

Xeber.ge xəbər verir ki, Çində hər il ət və tərəvəz qalıqlarından əldə edilən 150 min tullantı dayanıqlı yanacaq əldə edilməsi üçün təkrar emal edilir və daha sonra hava yolu şirkətlərinə satılır.

Dayanıqlı aviasiya yanacağı adlanan bu yanacaq növü hazırda istismarda olan təyyarələrdə istifadə edilə bildiyi üçün bu sahənin karbondan təmizlənməsində ən sadə üsul hesab olunur. Bu üsul vasitəsilə CO2 emissiyalarında (tullantılarında - red.) 80 faiz nisbətində əhəmiyyətli azalma təmin edilir.

Ən maraqlısı isə odur ki, bu yanacaq çox müxtəlif tullantılardan əldə edilə bilir. Məsələn, ağacdan və ya kənd təsərrüfatı qalıqlarından, yosunlardan, biokütlədən və ya, hətta emal edilmiş yağdan istehsal oluna bilər ki, bu da onları daha da səmərəli edir.

Bu yağlar bəzi bölgələrdə, məsələn, ət və tərəvəz qalıqlarının yüksək qiymətləndirildiyi Çində qızıl mədənləri hesab oluna bilər. Çinin cənub-qərbindəki Çenqduda bu emal edilmiş yağlar “Jet” təyyarələr üçün yanacaq kimi istifadə olunur.

Şəhərdəki restoranlarda hər il qırmızı, yağlı maye şəklində 150 min ton tullantı istehsal edilir.

“Jinshang” şirkəti bu tullantıları toplayır, emal edir və filtrasiya edir. Tullantılar daha sonra nəhəng çəlləklərə tökülür, qalan su və yad maddələrin təmizlənməsi üçün saflaşdırma proseduruna məruz qalır. Nəticədə açıq sari rəngli, sənaye tipli yağ əldə edilir.

Bu məhsul daha sonra əsasən Avropa, ABŞ və Sinqapura ixrac edilir. Onlar da bu məhsulu hava yollarına satılan dayanıqlı aviasiya yanacağına çevirirlər.

“Şüarımız: Qoyun, emal edilmiş yağ uçsun!” - deyə “Jinshang” şirkətinin rəhbəri Ye Bin bununla bağlı bildirib.

Qeyd edək ki, “Air France” aviaşirkətinin təyyarəsi “Total” tərəfindən istehsal edilən və 16 faizini bu qəbildən yanacağın təşkil etdiyi yanacaqla ilk uzun məsafəli uçuşunu 2021-ci ildə Paris və Kanada arasında həyata keçirib.

“Airbus” şirkəti 2022-ci ildə 100 faiz emal edilmiş qida yağından əldə edilən dayanıqlı yanacaqla “A380” təyyarəsini havaya qaldırıb və bu uçuş üç saat davam edib.

mənbə: oxu.az

Xəbər lenti

"Şəffaflıq Qanunu" ətrafında gedən mübahisələri ürək ağrısı ilə izləyirik - Yepiskop Şio
2024-05-17 22:59

Mayın 21, 23 və 24-də Qori tunelində xüsusi hərəkət rejimi qüvvədə olacaq
2024-05-17 22:57

26 yaşlı qadının qeysəriyyə əməliyyatından sonra halı pisləşib - Valideynləri etiraz edir
2024-05-17 22:54

Gürcüstandakı aksiyalarda azı 180 nəfər saxlanılıb
2024-05-17 20:57

Siyasi böhran “xristian sevgisinin köməyi ilə” həll olunacaq - KOBAXİDZE
2024-05-17 20:40

Biz viza liberallaşdırılmasına təkrardan baxa bilərik, məsuliyyət hökumətin üzərinə düşür - Tsahkna
2024-05-17 20:34

Mekelister, Kalyurand və Mikser Aİ-Gürcüstan münasibətlərinə yenidən baxılmasını tələb edirlər
2024-05-17 20:29

Rusiya Şurasının vitse-spikeri və “Gürcü Arzusu”nun bəyanatları tam üst-üstə düşür
2024-05-17 20:21

Baş nazir gənclərə “Xarici təsirin şəffaflığı haqqında” qanun layihəsi ilə bağlı ictimai müzakirə təklif edir
2024-05-17 20:18

Seçkinin nəticələri Aİ-nin Gürcüstan üçün viza liberallaşdırılmasını və ya digər prosesləri dayandırıb- dayandırmayacağına qərar verəcək
2024-05-17 20:15