İslam təlimlərində orucun təsiri və faydaları

İslam təlimlərində orucun təsiri və faydaları

08 Aprel 2024 - 06:11

Allah Rəsulu (s) bir kəlamında belə buyurur: "Oruc tutun ki, sağlam olun". Bu gün oruc tutmaq həkimlər tərəfindən müalicə üsulu kimi tanınır.

Oruc tutmaq insanın bədəninə və ruhuna çoxlu faydalar gətirir. Elə buna görə də İslam orucu vacib etmişdir ki, heç kəs bu nemətlərdən məhrum olmasın. Həzrət Peyğəmbərin (s) kəlamı ilə desək, oruc tutmaq üçün çoxlu faydalar və fəzilətlər var.

Allah Rəsulu (s) bir kəlamında belə buyurur: "Oruc tutun ki, sağlam olun". Bu gün oruc tutmaq həkimlər tərəfindən müalicə üsulu kimi tanınır. Tibbi biliklərə görə, bütün növ xəstəliklər mədədən keçən və bədəndə istifadə olunmayan əlavə qidalardan yaranır. Bu əlavə qidalar bakteriya və mikrobların inkişafı üçün ən yaxşı şərait olan infeksiyalar yaradır. Odur ki, bütün bu xəstəliklərin müalicəsinin əsası aclıq və oruc tutmaqla həmin əlavə maddələrin istifadəsi və məhv edilməsidir. Allah Rəsulu (s) də bu elmi həqiqətə işarə edərək, bir kəlamında buyurmuşdur: "Mədə bütün xəstəliklərin evidir, və pərhiz etmək ən üstün dərmandır".

Oruc tutmaq cinsi şəhvəti kontrol etməyin yollarından biridir və iffətlə oruc tutmaq arasında birbaşa əlaqə vardır. Qurani-Kərim buyurur: "Evlənmə imkanı tapmayanlar iffətli olsunlar ki, Allah onları Öz lütfü ilə imkanlı etsin" (Nur, 33). Həzrət Peyğəmbər (s) bir kəlamında hələ ailə qura bilməyən gənclərə oruc tutmağı tövsiyə etmişdir.

İslam təlimlərində oruc tutanın aclıq və susuzluğa dözərək qiyamət gününün aclıq və susuzluğunu xatırladığı və bu yolla özünü islah etdiyi vurğulanmışdır. Həzrət Peyğəmbər (s) mübarək Ramazan ayı başlamazdan əvvəl səhabələrinə buyurduğu xütbədə bu həqiqəti qeyd etmişdir: "Orucun aclığı və susuzluğu ilə Qiyamət gününün aclığını və susuzluğunu xatırlayın və (sonra) fəqir və yoxsullara sədəqə verin". Cəmiyyətdəki imkanlı insanlar istədikləri zaman istədikləri yeməkləri hazırlayıb yeyə bilərlər. Amma yoxsulların belə bir imkanı yoxdur və ömrü boyu çoxlu yeməklərdən istifadə etmirlər. Bu səbəbdən cəmiyyətdə varlı ilə kasıb arasında bir növ bərabərlik yaratmaq üçün oruc vacib olmuşdur. Həmçinin varlılar neşə gün olsa da kasıbların çəkdiyi aclığı yaşayırlar.

mənbə: iqna

Xəbər lenti

Aksiyada bibər qazından istifadə edilməsi nəticəsində bir neçə vətəndaş xəsarət alıb
2024-04-30 23:04

Tbilisidə aksiya iştirakçıları ilə hüquq-mühafizə orqanlarının əməkdaşları arasında növbəti qarşıdurma baş verdi- VİDEO
2024-04-30 22:36

Aksiya iştirakçıları hökumət administrasiyasına doğru hərəkət edir
2024-04-30 22:01

Hakim qətlə yetirilən Aytac Şahmarovanın anası və dayısını həbs cəzasına məhkum edib
2024-04-30 21:25

Tbilisidə etiraz aksiyası bərpa olunub, əraziyə xüsusi təyinatlılar cəlb edilib
2024-04-30 21:23

Putinin antidemokratik alətinə bənzəyən qanun narahatlıq doğurur
2024-04-30 19:46

“Kreml tərəfindən təyin olunan oliqarx bütün kartları masanın üstünə qoydu"
2024-04-30 19:37

Georgi Kalandarişvili yenidən Gürcüstan MSK-nın sədri seçilib
2024-04-30 19:32

1 may üçün xarici valyutanın rəsmi məzənnəsi
2024-04-30 19:15

Gürcüstanın turizm gəlirləri rekord həddə çatıb, azərbaycanlılar 40 milyon dollar xərcləyib
2024-04-30 16:09