Böyük Britaniya da “Gürcü Arzusu” rus qanununu tənqid edir

Böyük Britaniya da “Gürcü Arzusu” rus qanununu tənqid edir

13 Aprel 2024 - 14:19

132

Böyük Britaniya da “Gürcü Arzusu” partiyasının yenidən irəli sürdüyü rus qanununu tənqid edir və bildirir ki, bu, Gürcüstanın dostlarının və strateji tərəfdaşlarının ölkəyə yardımını davam etdirməsinə mane olacaq.

“Böyük Britaniya Gürcüstanda xarici təsirin şəffaflığı haqqında qanun layihəsinin yenidən təqdim olunmasından və Gürcüstanın daxili siyasətinə donorların müdaxiləsi ilə bağlı ritorikadan narahatdır.

Böyük Britaniyanın vətəndaş cəmiyyətinə və müstəqil mediaya dəstəyi uzun müddətdir ki, Böyük Britaniyanın Gürcüstanla tərəfdaşlığının əsas sütunu olub. Təklif olunan qanun, nəhayət qəbul olunarsa, Gürcüstanın dostlarını və strateji tərəfdaşlarını Gürcüstanın demokratik və iqtisadi inkişafını təşviq etməyə davam etməsinə təhlükə yaradacaq.

Böyük Britaniya Gürcüstanın Avro-Atlantika institutlarına gələcək üzvlüyü üçün zəruri olan bütün qanunvericilik və digər islahatların həyata keçirilməsində Gürcüstana dəstəyini davam etdirəcək”, - Britaniya səfirliyinin yaydığı bəyanatda deyilir.

"Gürcü Arzusu” bir il əvvəl genişmiqyaslı ictimai etirazlar nəticəsində ləğv etdiyi “Xarici agentlər haqqında” qanun layihəsini “qeyd-şərtsiz” parlamentdən geri götürdüyü barədə söz verdikdən sonra, onu təkrardan geri qaytarıb. Qanun layihəsinin mətni olduğu kimi qalıb – yalnız “xarici təsir agenti” “xarici dövlətin maraqlarını daşıyan təşkilat” ifadəsi ilə əvəz edilib.

Rus qanunu Amerika Birləşmiş Ştatları, Avropa İttifaqı, NATO, BMT və ABŞ Beynəlxalq İnkişaf Agentliyi (USAID) tərəfindən tənqid edilib. Onlar hesab edirlər ki, belə bir qanun Gürcüstanı Avropa yolundan döndərəcək, müstəqil qeyri-hökumət təşkilatları və media qurumlarının işinə mənfi təsir göstərəcək.

Bu gün, aprelin 12-də Almaniya kansleri Olaf Şoltz Gürcüstanın baş naziri İrakli Kobaxidze ilə görüşündə Gürcüstan parlamentinin xarici agentlər haqqında qanunu qəbul etməyəcəyinə və Avropa İttifaqının və Gürcüstan əhalisinin tənqidi mövqeyini nəzərə alacağına ümid etdiyini bildirib.

mənbə: sakartvelosambebi

Xəbər lenti

Daxili İşlər Nazirliyində təcili brifinq təyin edildi
2024-05-02 00:12

Zurabişvilidən etirazçılara: Bundan əl çəkin!
2024-05-02 00:11

Etirazçıların bir hissəsi Ədliyyə Evi yaxınlığındakı yolu bağlayıb
2024-05-02 00:02

Tbilisidə güllə səsləri: Yaralanan var - VİDEO
2024-05-01 23:51

Parlament yaxınlığında aksiya iştirakçılarına qarşı rezin güllələrdən və gözyaşardıcı qazdan istifadə edilib
2024-05-01 22:44

Mitinq iştirakçılarının bir hissəsi parlamentin qapısını sındırmağa cəhd edib
2024-05-01 22:14

Kaladze Gürcüstan müxalifətinə səsləndi: “Heç kimə sabitliyi pozmağa imkan verməyəcəyik”
2024-05-01 20:09

Gürcüstanın hakim partiyası etirazlara rəğmən xarici agentlər haqqında qanunu qəbul etmək niyyətindədir
2024-05-01 20:05

“Sanki dostumuzu itiririk” – Avropa İttifaqında Gürcüstan hakimiyyətini tənqid edirlər
2024-05-01 19:59

Xabeişvili polisə müqavimət göstərib, bu zaman xəsarət alıb
2024-05-01 19:55