Gürcüstanda Avropa kitabxanalarından qiymətli kitablar oğurlayan dörd nəfər saxlanılıb

Gürcüstanda Avropa kitabxanalarından qiymətli kitablar oğurlayan dörd nəfər saxlanılıb

26 Aprel 2024 - 06:51

106

Gürcüstanda mütəşəkkil cinayətkar qruplaşmanın 4 üzvü Avropa İttifaqı ölkələrinin kitabxanalarından bahalı kitablar oğurlamaqda ittiham edilərək həbs edilib.

Cinayət şəbəkəsinin aşkarlanması ilə bağlı məlumatı Avropa İttifaqı ölkələrinin cinayət hüququ sahəsində əməkdaşlıq orqanı olan Eurogast da yayıb.

"İddialara görə, mütəşəkkil cinayətkar qrup Avropanın bir neçə ölkəsində yüksək tarixi və mədəni dəyərə malik 170 kitabı oğurlayıb. Oğurlanan kitabların dəyəri təxminən 2,5 milyon avrodur və Puşkin, Qoqol və Lermontov kimi məşhur rus yazıçıları tərəfindən yazılmışdır"

Eurogast qeyd edir ki, gürcü əsilli cinayətkarlar kitabxanaları Fransa, Almaniya, Litva, Polşa, Latviya, Estoniya və İsveçrədə qarət ediblər.

Gürcüstan Prokurorluğunun məlumatına görə, istintaq müəyyən edib ki, Gürcüstan vətəndaşları 2022-ci ilin əvvəlindən mütəşəkkil cinayətkar qrup yaradaraq, sonradan satış üçün bütün Avropada 19-cu əsrə aid müxtəlif müəlliflərin bahalı kitablarını gizli şəkildə əldə etmək niyyətində olublar.

İş materiallarına əsasən, onlar saxta şəxsiyyət vəsiqələrindən, qondarma adlardan və əvvəlcədən hazırlanmış saxta kitab nümunələrindən istifadə edərək, orijinalları əvəz ediblər.

"Əvvəlcədən planlaşdırılmış cinayət planına əsasən, mütəşəkkil dəstə üzvləri 19-cu əsrin klassik yazıçılarının kitablarını Fransa, Almaniya, Latviya, Litva, Estoniya, İsveçrə, Polşa və Çexiyadakı milli və üniversitet kitabxanalarında 19-cu əsrin klassik yazıçılarının gizli şəkildə əldə etdikləri kitabları oxumaq üçün götürür və onları orijinal kitabların yüksək keyfiyyətli nüsxələri ilə əvəz edirdilər.

Yuxarıda qeyd olunan cinayət sxeminə uyğun olaraq, mütəşəkkil dəstənin üzvləri 2022-23-cü illərdə Avropanın müxtəlif şəhərlərinin kitabxanalarından yüz minlərlə avro dəyərində kitabları gizli şəkildə ələ keçiriblər", - Baş Prokurorluq məlumat yayıb.

Saxlanılan şəxslərə Gürcüstan Cinayət Məcəlləsinin 177-ci maddəsinin 4-cü hissəsinin “a” və “b” bəndləri (mütəşəkkil dəstə tərəfindən və külli miqdarda oğurluq) ilə ittiham irəli sürülüb. Suçları sübuta yetirilərsə, onları 6 ildən 10 ilə qədər həbs gözləyir.

Faktla bağlı istintaq davam edir.

Ötən ildən xarici mətbuatda Avropa ölkələrinin kitabxanalarından qiymətli kitabların oğurlanması ilə bağlı məlumatlar yayılırdı.

mənbə: sakartvelosambebi

Xəbər lenti

Verada silahlı atışma olub
2024-05-06 22:20

Marneulidə "Coca-Cola" daşıyan maşın mebel mağazasına çırpılıb
2024-05-06 22:16

Gənc qadın avtomobil qəzasında həlak olub
2024-05-06 20:09

Qərb Gürcüstana əsassız təzyiqlər edir, amma bu, lazımsız təlaşdır
2024-05-06 19:59

Pedaqoq Lado Apxazava və övladına hücum olunub
2024-05-06 19:54

Marneulidə avtomobil qəzası baş verdi
2024-05-06 19:50

“Bidzina İvanişvilini sanksiyalarla şantaj etməyin mənası yoxdur”
2024-05-06 19:48

May ayının 7 -dək olan hava proqnozu açıqlandı
2024-05-06 19:16