ABŞ-da ilk virtual Azərbaycan məktəbi təsis edildi

ABŞ-da ilk virtual Azərbaycan məktəbi təsis edildi

16 Dekabr 2020 - 21:22

134441

ABŞ-ın Florida ştatında fəaliyyət göstərən Azərbaycan-Amerika Mədəniyyət Mərkəzinin təşəbbüsü ilə ABŞ-da ilk virtual Azərbaycan məktəbi təsis edilib.

Xeber.ge saytı xəbər verir ki, “Vətən” adı verilən məktəbin təsis olunmasında məqsəd Azərbaycan dilinin təbliği, ABŞ-da yaşayan soydaşlarımıza, xüsusilə uşaq və gənclərə doğma dilimizin, mədəniyyətimizin və tariximizin öyrədilməsidir.

Məktəbin təsisçisi Azərbaycan-Amerika Mədəniyyət Assosiasiyasının prezidenti Töhfə Eminovanın sözlərinə görə, pandemiya şəraitində mövcud tələblərə uyğun olaraq, məktəbin təntənəli açılış mərasimi virtual formatda baş tutub və bu həftədən etibarən Azərbaycan dili dərslərinin onlayn tədrisi başlayıb: “Dərslər xüsusi hazırlanmış proqram üzrə peşəkar müəllimlər tərəfindən aparılır. Bakı şəhəri ilə digər ölkələr arasında saat fərqinə görə virtual dərslər uyğunlaşdırılmış saatlarda 2 növbə üzrə həftədə 1 və ya 2 dəfə olmaqla 1 saat ərzində keçirilir. Virtual dərslər 7-11, 12-16 yaş kateqoriyaları üzrə nəzərdə tutulub. Valideynlər də övladları ilə bərabər dərslərə qatıla bilirlər.

Azərbaycanın Dövlət Himninin səsləndirilməsi ilə başlayan dərslərdə, ilk olaraq, uşaqlara Azərbaycan əlifbası öyrədilir. Gələcəkdə mövcud təhsil ocağını daha da təkmilləşdirəcəyik və dərslərimiz sinif otaqlarında keçiriləcək.”.

T.Eminova deyib ki, Azərbaycan reallıqlarının dünya ölkələrində təbliği istiqamətində ciddi işlər görülür və bu sahədə xaricdə yaşayan azərbaycanlı uşaq və gənclərin fəallığının, inkişaf rolunun gücləndirilməsinə ehtiyac var: “Yaxın gələcəkdə bununla bağlı böyük layihələrin reallaşmasını nəzərdə tutmuşuq. Belə ki, Təhsil Nazirliyi Respublika Uşaq-Gənclər İnkişaf Mərkəzinin təşəbbüsü və təşkilatçılığı, Diasporla İş üzrə Dövlət Komitəsinin tərəfdaşlığı ilə 2020-2021-ci tədris ilində dünyanın müxtəlif ölkələrində yaşayan azərbaycanlı uşaq və gənclərə vətənpərvərliyin təbliği, Azərbaycanın mədəni irsinin dünya səviyyəsində tanıdılması və qorunması, Azərbaycan mədəniyyətinin, tarixinin, turizminin tanıdılması və diasporlarla iş əlaqələrinin gücləndirilməsi istiqamətində “Azərbaycanı tanıyaq” adlı proqramın tərkibinə onlayn klublar şəbəkəsi daxil olmaqla vebinarlar və virtual dərslər keçiriləcək. “Azərbaycanı tanıyaq” layihəsi çərçivəsində “Diyarşünaslıq”, “Ekoturizm”, “Azərbaycan mədəniyyəti və tarixi”, “Milli rəqslər”, “Milli musiqi alətləri”, “Azərbaycan mətbəxi”, “Azərbaycan dili”, “Azərbaycan ədəbiyyatı”, “Sənətkarlıq” (xalçaçılıq, qurama, toxuma, dizayn), “Azərbaycan muğamı” daxil olmaqla, 10 fərqli istiqamət üzrə onlayn klubların tərkibində virtual dərslərin tədris olunması nəzərdə tutulub”.

Virtual dərslər xüsusi hazırlanmış proqram üzrə respublikanın tanınmış müəllimləri daxil olmaqla peşəkar təlimçilər tərəfindən keçiriləcək və qeyd olunan istiqamətlər üzrə onlayn dərslərə xarici ölkə vətəndaşları olan uşaq və gənclərin də cəlb edilməsi nəzərdə tutulub.

mənbə: qazet.az

Xəbər lenti

Bu tarixdən ölkədə havanın temperaturu yüksələcək
2024-05-12 23:19

Rustaveli prospekti etirazçılar tərəfindən bağlandı
2024-05-12 22:56

Xüsusi təyinatlılar Parlament yaxınlığına səfərbər olunub
2024-05-12 21:57

Gürcüstanın daxili işlər naziri nümayişçilərə xəbərdarlıq edib
2024-05-12 21:55

Prezident “Xarici təsirin şəffaflığı haqqında” qanuna veto qoyacaq
2024-05-12 20:29

Gürcüstan parlamenti mayın 14-də qalmaqallı qanuna üçüncü oxunuşda baxacaq
2024-05-12 20:21

Zurabişvili "xarici təsirin şəffaflığı haqqında" qanunun icrasını noyabra qədər təxirə salmağı təklif edib
2024-05-12 20:16

Gürcüstan Prezidenti Tbilisidə etiraz iştrakçilarını diqqətli olmağa çağırıb
2024-05-12 20:07

Strateji tərəfdaşlıq konkret addımlarla ifadə edilməlidir
2024-05-12 18:52

Gürcüstanın Baş naziri: Radikal müxalifət parlamentə və polisə qarşı zorakılıqlar planlaşdırır
2024-05-12 18:25