Fəxrizadə sui-qəsdi barədə yeni iddialar ortaya atıldı

Fəxrizadə sui-qəsdi barədə yeni iddialar ortaya atıldı

11 Fevral 2021 - 10:35

134473

Xeber.ge saytı xəbər verir ki, iranlı alim və nüvə proqramının qurucularından olan Möhsün Fəxrizadənin İsrail kəşfiyyat təşkilatı MOSSAD tərəfindən İrana hissə-hissə gətirilən bir tonluq məsafədən idarə olunan silahla öldürüldüyü iddia edilib. İngiltərədə yayımlanan "The Jewish Chronicle" qəzetinin kəşfiyyat mənbələrinə əsaslanan xəbərinə görə, sui-qəsd qərarı 2018-ci ildə İranda bir əməliyyat zamanı MOSSAD-ın ələ keçirdiyi sənədlərdə Fəxrizadənin nüvə proqramının arxasındakı əsas ad olduğu müəyyən edildikdən sonra verilib.

Sui-qəsd planı 2020-ci ilin martında qüvvəyə minib. Əvvəlcə bir qrup İsrail casusu yerli casuslarla işləmək üçün İrana göndərilib. Həm israillilər, həm də iranlılardan təşkil olunan 20-dən çox casusdan ibarət komanda Fəxrizadəni izləməyə başlayıb.

Bir mənbə "Komanda çox detallı, dəqiqəlik bir plan qurdu. 8 ay ərzində bu adamla (Fəxrizadə) nəfəs aldılar, onunla oyandılar, onunla yatdılar, onunla səyahət etdilər. Təraş losyonu istifadə etmiş olsaydı, təraşın qoxusunu belə ala bilərdilər", - deyib.

Fəxrizadənin cümə günlərindən birində Tehranın şərqindəki evinə gedərkən öldürülməsinə qərar verildi. Yolu, sürəti, saatı və hətta istifadə etdiyi qapıları bəlli olan Fəxrizadənin marşrutuna üzərinə məsafədən idarə olunan bomba bərkidilmiş bir silah yerləşdirilib. Partlayıcı maddələr də daxil olmaqla bir ton ağırlığında silah İrana qaçaqmalçılıq yolu ilə gətirilib. Yol kənarındakı yük maşınına yerləşdirilən silah Fəxrizadə yaxınlaşarkən onu izləyən casuslar tərəfindən uzaqdan aktivləşdirilib. Fəxrizadə 13 güllə ilə öldürülüb, MOSSAD qrupu silahı üstünə bərkidilmiş bomba ilə partladaraq, hadisə yerindən qaçıb. Qəzetə danışan bir mənbə casusların hamısının İrandan çıxmağı bacardığını söyləyib.

Sui-qəsdin İsrail tərəfindən ABŞ-ın müdaxiləsi olmadan həyata keçirildiyini və hücumdan əvvəl Vaşinqtona çox kiçik bir ipucu verildiyini bildirən mənbə MOSSAD tərəfindən əlavə sui-qəsdlərin planlaşdırıldığını da bildirib.

mənbə: eastnews.org

Xəbər lenti

“Gördüklərimizin şəffaflıqla heç bir əlaqəsi yoxdur”
2024-05-18 22:28

Etiraz aksiyasının davam etdiyi Tbilisidə Rusiya və “Gürcü Arzusu”nun bayraqları yandırıldı- VİDEO
2024-05-18 22:25

“Prezident Salome Zurabişvilinin şəffaflıq haqqında qanuna veto qoyması sonrakı müzakirələr üçün imkan yaradır”
2024-05-18 22:22

Qardabanidə bacısını qətlə yetirən şəxsə həbs cəzası verildi
2024-05-18 22:19

Parlament Zurabişvilinin qoyduğu vetonu ləğv edə bilər, amma...
2024-05-18 22:15

Zurabişvili xarici agentlər haqqında qanuna veto qoyub
2024-05-18 22:06

Öllkəyə və xalqa qarşı sanksiyalar tətbiq etmək yanaşması yanlışdır
2024-05-18 18:20

Bizimlə kim, hansı qüvvə danışır? - İnsanları zorlayan, öldürən, işgəncə verənlər!
2024-05-18 17:04

ABŞ Nümayəndələr Palatasının Xarici Əlaqələr Komitəsinin üzvü Gürcüstanda baş verən hadisələrə cavab olaraq qanun layihəsi təqdim etməyi planlaşdırır
2024-05-18 16:55

Rusiya Ukraynada yaşayış məntəqəsini ələ keçirdiyini açıqlayıb
2024-05-18 15:20