Tbilisidə Xocalı soyqırımına həsr olunan anım mərasimi keçirilib

Tbilisidə Xocalı soyqırımına həsr olunan anım mərasimi keçirilib

24 Fevral 2021 - 15:19

134460

Tbilisidə Azərbaycanın Gürcüstandakı səfirliyi və Mirzə Fətəli Axundov adına Azərbaycan Mədəniyyəti Muzeyinin birgə təşkilatçılığı ilə Xocalı faciəsinin 29-cu ildönümünə həsr olunan tədbir keçirilib.

Tədbir iştirakçıları ilk öncə Xocalı qurbanlarının xatirəsini bir dəqiqəlik sükutla yad ediblər. Daha sonra “Xocalıya ədalət” beynəlxalq kampaniyası çərçivəsində çəkilən sənədli filmin nümayişi olub.

Muzeyin direktoru Leyla Əliyeva açılış nitqi ilə çıxış edərək 29 il öncə Xocalıda törədilən qeyri-insani vəhşiliklər barədə danışıb. O, bu cinayətin yalnız Azərbaycana qarşı deyil, bütün insanlığa qarşı yönəldiyini qeyd edib. L.Əliyevanın sözlərinə görə, Azərbaycan 30 ilə yaxın davam edən işğala şanlı qələbə ilə son qoyaraq beynəlxalq ədalətin təntənəsinə nail oldu.

Azərbaycanın Gürcüstandakı səfiri Faiq Quliyev çıxışında Xocalının işğalı tarixindən və şəhərdə mülki insanlara qarşı törədilən kütləvi qırğından söz açıb.

O, Xocalı soyqırımının Azərbaycanın tarixində qara səhifə və XX əsrin ən dəhşətli cinayəti adlandırıb.

F.Quliyev Azərbaycanın tarixi ərazilərini azad etmək üçün aparılan 44 günlük müharibədən də danışıb. O qeyd edib ki, Ermənistan bu müharibədə də beynəlxalq humanitar hüquq normalarını pozub.

Daha sonra çıxış edən Türkiyənin Gürcüstandakı səfiri Fatma Ceren Yazqan Xocall qurbanlarına və şəhidlərə Allahdan rəhmət diləyib. O, tezliklə Xocalı qurbanları üçün də ədalətin tam bərpa oluncağına inam ifadə edib.

Mərasimdə Heydər Əliyev adına Tbilisi Azərbaycan Dövlət Dram Teatrının gürcü dilində hazırladığı “Ana fəryadı” adlı teatrlaşdırılmış səhnə təqdim olunub. Səhnə əsərində işğaldan azad olunan yurduna qayıdan gənc qızın taleyindən bəhs edilir. Xocalı şahidi olan həmin qız faciə barədə acı xatirələrini danışır. Sonda qızın anası səhnədə görünür. Qadının ruh və ya sağ olması fikri tamaşaçıların ixtiyarına buraxılır. Kiçik tamaşa ana və balanın sülhə çağırışları ilə bitir. Quruluşçu rejissoru Turqay Vəlizadə olan səhnə əsərində rolları aktrisalar - Aida Tağıyeva və Leyla Qasımova canlandırıblar.

Tədbirdə Səudiyyə Ərəbistanının səfiri, Türkmənistan, Ukrayna, Belarus, Qazaxıstan səfirliklərinin nümayəndələri, gürcü ictimai xadimlər iştirak ediblər. Qonaqlara Xocalı faciəsi haqqında buklet, üzərilərində "Xocalıya ədalət" yazısı olan qoruyucu maska və döş nişanları paylanılıb.

Xəbər lenti

Poniçalada din xadimini bıçaqlayıblar
2024-04-23 14:34

Saxta sürücülük vəsiqəsi verən 4 nəfər saxlanıldı
2024-04-23 12:26

Gürcüstan hökumətinin qanun layihəsi Aİ dəyərlərinə uyğun gəlmir
2024-04-23 11:03

Ayaqüstə su içmək olmaz? – İslamda su içməklə bağlı tövsiyələr…
2024-04-23 11:00

Quranda izzəti-nəfs (ləyaqət) və emosional nizam-intizam
2024-04-23 10:57

Tbilisidə Rusiya xüsusi xidmət orqanları ilə əlaqəli təşkilat konfrans keçirib
2024-04-23 10:52

İşğalçı qüvvələrin nümayəndələri 2 Gürcüstan vətəndaşını həbs ediblər
2024-04-23 10:45

Rus qanununun qəbulu ilə Gürcüstan Almaniyada “təhlükəsiz ölkə” statusunu itirə bilər
2024-04-23 10:38

Aİ-yə kim, gürcü xalqı yoxsa “Gürcü Arzusu” hazır deyil?
2024-04-23 10:25

Qardabanidə mağaza qarət edilib
2024-04-23 09:56

Parlament yaxınlığında “Xarici təsirin şəffaflığı haqqında” qanun layihəsinə etiraz aksiyası davam edir
2024-04-22 22:26