Mütəxəssisdən xəbərdarlıq: Xurma faydalıdır, yoxsa zərərli?

Mütəxəssisdən xəbərdarlıq: Xurma faydalıdır, yoxsa zərərli?

12 Oktyabr 2021 - 09:29

134525

Vitaminlərlə zəngin xurma pəhriz xüsusiyyətlərinə malik olmasına baxmayaraq, onu çox yemək təhlükəlidir.

Bu barədə rusiyalı endokrinoloq-dietoloq Ulyana Rumyantseva xəbərdarlıq edib.

“Xurmanın kalori miqdarı 100 qramda cəmi 50-55 kilokaloridir. Giləmeyvə yod, dəmir, maqnezium, kalium, kalsium, fosfor, manqan və A, E, C, B qrupu vitaminləri, beta-karoten və pektinlər kimi mikroelementlərlə zəngindir.

Buna əsaslansaq, aydın olur ki, bu giləmeyvənin müntəzəm istifadəsi qalxanvari vəzin işinə faydalı təsir göstərir, qan təzyiqini aşağı salmağa, mərkəzi sinir sistemini tənzimləməyə, əzələləri rahatlamağa və damar spazmını azaltmağa, xolesterolu aşağı salmağa, görmə qabiliyyətini yaxşılaşdırmağa kömək edir, qəbizliyin qarşısını alır və ümumiyyətlə bağırsaq hərəkətliliyini və həzm fermentlərinin ifrazını yaxşılaşdırır, eyni zamanda az miqdarda meyvə turşusu ehtiva etdiyi üçün mədə-bağırsaq xəstəliklərini yüksək turşuluqla gücləndirmir, yüngül sidikqovucu təsir göstərir, şişkinliyi azaldır”, - deyə Rumyantseva xurmanın faydalı xüsusiyyətlərini sadalayıb.

Bununla belə, həkim bu meyvənin çox miqdarda istehlakının mədə pozulmasına səbəb ola biləcəyi barədə xəbərdarlıq edib. Onun sözlərinə görə, buna səbəb giləmeyvənin əsasən qabığında ehtiva etdiyi tanendir, bu maddə mədədə şişkinlik, meteorizm, ağrı və qəbizlik yaradır.

“Şəkərli diabet xəstələri, həmçinin hemoroid, qəbizlik və ishaldan əziyyət çəkən insanlar onu yeməkdən çəkinməlidirlər”, - deyən mütəxəssis, gündə orta hesabla bir xurma yeməyi tövsiyə edir.

“Mədə bağırsaq xəstəliklərindən əziyyət çəkənlər onu qabıqdan təmizləyib yeməli, çiy halda digər qidalarla istehlak etməməlidir. Yaxşı olar ki, yeməkdən 1,5-2 saat ya əvvəl, ya da sonra istehlak edilsin. Termik işlənmiş (bişmiş) xurma ət və quş əti ilə hazırlanan yeməklərə əlavə edildikdə həzm sisteminə o qədər də zərərli təsir göstərmir. Xurma ayrı bir yemək - desert kimi digər meyvələrlə, həmçinin tərəvəz, qoz -fındıq və pendirlərlə salatlarda birləşdirilə bilər”, - deyə həkim sözlərini yekunlaşdırıb.

Mənbə:Oxu.az

Xəbər lenti

Gürcüstanda qeydiyyatdan keçmiş şirkətlərdən yalnız 27%-i işləyir - 60,9 min şirkətin fəaliyyəti məlum deyil
2024-04-20 15:55

Gürcüstan hakimiyyəti xarici agentlər haqqında qanuna yenidən baxa bilər
2024-04-20 15:33

"Rus qanunu"na qarşı keçirilən aksiya bu gün də davam edəcək
2024-04-20 12:29

Gürcüstanda buğda istehsalı azalıb
2024-04-20 12:19

Gürcüstanda ikinci əl avtomobil bazarında böhran yaşanır
2024-04-20 12:04

Mişa siyasi mübarizəyə başlayır: Məni sədr seçin!
2024-04-20 11:30

ABŞ-dən İsrailə qarşı sanksiyalar
2024-04-19 22:05

Qazaxın 4 kəndi Azərbaycana qaytarıldı
2024-04-19 22:00

Tbilisidə keçirilən etiraz aksiyaları zamanı beş polis yaralanıb
2024-04-19 20:35

Liluaşvili: Zuqdidi və Rustavi Sakrebulolarında Milli Hərəkat və Gürcü arzusu arasında razılaşma əldə olunub
2024-04-19 20:32