Saakaşviliyə kömək edən məmurlar işdən çıxarıldı

Saakaşviliyə kömək edən məmurlar işdən çıxarıldı

10 Dekabr 2021 - 21:12

134494

Gürcüstanın eks-prezidenti Mixail Saakaşvilinin Ukraynanı tərk etməsi ilə bağlı keçirilən rəsmi yoxlama nəticəsində ölkənin dövlət sərhəd xidmətinin bir neçə əməkdaşı intizam məsuliyyətinə cəlb edilib.

Bu barədə idarənin mətbuat katibi Andriy Demçenko bildirib.

O qeyd edib ki, Saakaşvili oktyabrın 2-də keçiriləcək bələdiyyə seçkiləri öncəsi Ukraynadan gizli şəkildə Gürcüstana gedib.

Gürcüstan prokurorluğunun məlumatına görə, eks-prezident Ukraynanın Çernomorsk şəhərindən Gürcüstanın Poti limanına gələn bərədə yük konteynerində gizlənərək, Ukraynanın dövlət sərhədini qanunsuz keçib.

Oktyabr ayında sərhəd xidməti Saakaşvilinin ölkədən getməsi faktı ilə bağlı rəsmi yoxlamaya başlayıb, bir neçə məmur istintaq müddətində vəzifəsindən kənarlaşdırılıb.

“Mən istintaqın bütün təfərrüatını açıqlaya bilmərəm, çünki materiallarda məhdud çıxışı olan məlumatlar var, lakin qeyd edirəm ki, onlar müvafiq ibtidai istintaq orqanına göndərilib və bu faktla bağlı cinayət işi açılıb. İntizam məsuliyyətinə cəlb edilib”, - Demçenko "Ukrayna həqiqəti" nəşrinə bildirib.

O, intizam cəzasının nə olduğunu və neçə nəfəri əhatə etdiyini açıqlamayıb.

Qəzetin yazdığına görə, adətən, belə hallarda söhbət töhmətdən, rütbə və ya vəzifənin aşağı salınmasından gedir.

Həmçinin, sərhədçilər işin araşdırılmasına istinad edərək, Saakaşvilinin sərhədi qanunsuz keçmə faktının müəyyən edilib-edilməməsinə cavab verməyiblər.

Qeyd edək ki, Gürcüstanda bir neçə cinayət işi üzrə axtarılan Saakaşvili sentyabrın 29-da qanunsuz olaraq vətəninə qayıdıb və oktyabrın 1-də Tbilisidə saxlanılıb. Hazırda Giorgi Narimanidze, Elquja Tsomaya, Zurab və Şalva Tsotsoria eks-prezidentə ölkəyə qanunsuz daxil olmaqda kömək etməkdə ittiham olunurlar. Onlar istintaq müddətində həbsdədirlər.

mənbə: qafqazinfo

Xəbər lenti

Anonymous 4 hökumət saytını bağlayıb
2024-05-06 15:09

Sürixdə mebel mağazasından oğurluq edən Gürcüstan vətəndaşı saxlanılıb
2024-05-06 13:55

Qurani-Kərimdə yaradılış nəzmi
2024-05-06 11:12

Ən zərərli tərəvəzin adı açıqlandı
2024-05-06 10:56

Bu gün “rus qanunu”na qarşı növbəti aksiya baş tutacaq
2024-05-05 18:56

Qəhrəmanlar meydanında saxlanılanlardan bəziləri həbsxananı tərk edib
2024-05-05 18:53

Avtomobillə çaya düşən üç yeniyetmədən birinin meyiti tapıldı
2024-05-05 18:49

Qərb və ABŞ təzyiq göstərərək Gürcüstanı öz oyuncağına çevirmək istəyirlər
2024-05-05 15:18

Asiya İnkişaf Bankının prezidenti: Regional mərkəzin yaradılmasında Gürcüstanı dəstəkləyirik
2024-05-05 15:14

ABŞ Əl Qaidə lideri əvəzinə çobanı vurdu
2024-05-05 13:41