Tbilisidə Ukraynaya dəstək aksiyası keçiriləcək

Tbilisidə Ukraynaya dəstək aksiyası keçiriləcək

23 Yanvar 2022 - 13:04

134486

Yanvarın 23-də Ukrayna səfirliyi qarşısında Ukraynaya dəstək aksiyası keçiriləcək.

Aksiyanı “Utancdır” hərəkatı təşkil edir və orada vətəndaş fəalları və müxtəlif təşkilatlar, ictimai şəxslər və siyasi partiyalar iştirak edəcək.

Aksiyanın təşkilatçıları Ukraynanın Gürcüstandakı səfirliyinə açıq məktubla müraciət edir və səfirliyin əməkdaşlarını aksiyaya dəvət edirlər.

“Mövcud hadisələr və Rusiyanın Ukraynaya qarşı hərbi və hibrid təcavüz riskinin artması gürcü xalqını dərindən təşvişə salıb. 100 mindən çox rus əsgərinin və hərbi texnikasının Ukrayna sərhədləri boyunca necə səfərbər edildiyini izləmək bizim üçün inanılmaz dərəcədə çətindir. Gürcüstan bu faciəvi reallığı bölüşür. Rusiya qoşunları hələ də Gürcüstanın işğal olunmuş ərazilərində yerləşdirilib, işğal, Gürcüstan vətəndaşlarının qanunsuz qaçırılması, saxlanması və öldürülməsi davam edir. Eyni zamanda, biz rəsmi Tbilisidən Ukrayna xalqına nəzərəçarpacaq dəstək görmürük ki, bu da xüsusilə məyusedicidir.

Qərb Ukraynaya dəstək üçün yumruqlarını qaldırdığı bir vaxtda, 2008-ci ildə Ukrayna Prezidentinin gürcü xalqının yanında olduğu kimi, bu çətin zamanda sizin yanınızda olmağın xüsusi məsuliyyətini hiss edirik.

Biz Ukraynanın Gürcüstanın ərazi bütövlüyü və suverenliyinə sarsılmaz dəstəyini yüksək qiymətləndiririk. Biz təsdiq edirik ki, gürcü xalqının Ukraynaya dəstəyi sarsılmaz və ölçüyəgəlməzdir.

Sizi bazar günü Tbilisi vaxtı ilə saat 16:00-da Ukrayna səfirliyi qarşısında Ukraynaya dəstək aksiyasına dəvət etmək istərdik. Aksiyada “Utancdır” hərəkatı ilə birlikdə vətəndaş fəalları və təşkilatları, ictimai şəxslər və siyasi partiyalar iştirak edəcək. Aksiyamızda iştirak etmək bizim səmimi dəstəyimizi nümayiş etdirəcək və dünyaya Ukrayna və Gürcüstanın sülh, təhlükəsizlik, demokratiya və Avro-Atlantik gələcəyi üçün birlikdə olduqlarına dair aydın mesaj verəcək", - bəyanatda deyilir.

mənbə: interpress

Xəbər lenti

Ərini qətlə yetirmək ittihamı ilə saxlanılan qadın azadlığa buraxıldı
2024-04-16 14:20

Tbilisidə etiraz aksiyası başladı
2024-04-16 12:57

Bismillah və salavatın təsirləri
2024-04-16 12:47

Hesab edirəm ki, Zurabişvilinin prezident vəzifəsində olmasının istənilən legitimliyi bitib
2024-04-16 12:36

Oxanaşvili müxalifətdən olan bəzi deputatları komitədən qovub
2024-04-16 12:21

İran XİN: İsrail hücuma cəhd edərsə, dərhal cavab verəcəyik
2024-04-16 11:55

Mamuka Mdinaradzeyə hücum əvvəlcədən planlaşdırılmış bir hərəkət idi
2024-04-16 11:31

Yeni qanunun Gürcüstanın Avropaya yolundan sapdıracağından narahatıq"
2024-04-16 10:48

Gürcüstan parlamentində xüsusi təhlükəsizlik rejimi tətbiq edilib
2024-04-16 10:07

Bu gün parlament qarşısında aksiya yenidən başlayacaq
2024-04-16 10:03