Allahın haqqı nədir?

Allahın haqqı nədir?

21 Sentyabr 2022 - 07:34

134549

Maddi təfəkkürlü insanlar gücü, var-dövləti, şöhrəti və s. bunun kimi şeyləri sevərlər. Bunlarla yanaşı Allahı da sevirlər. Lakin bu, Allahın haqqı deyil.

“Allahın kəlamına əsasən Allah” adlı mühazirə həftəlik təqdim olunur. Bütün Quran hafizi Məhəmməd Mehdi Həqquyanın “Allahın haqqını necə yerinə yetirmək olar” mövzusunda sözlərini diqqətinizə çatdırırıq:

Allah çox mehribandır. Özü bu barədə buyurur: “Mərhəmətim hər şeyi ehtiva etmişdir” (Əraf, 156). Həmçinin vurğulayır ki, rəhmətimdən ümidinizi kəsməyin. Hətta onun cəhənnəmi də bizim şəfa və müalicəmiz üçündür. Biz necə davranırıq?

Allah eləmisin elə bir gün olsun ki, mərhəmətlə dolu Allahın qarşısında etdiyimiz səhvlərə görə peşman olaq. Mübarək "Zümər" surəsinin 56-cı ayəsində buyurulur: "(Elə edin ki, sonradan) bir kəs: Allaha itaət barəsində etdiyim təqsirlərə görə vay halıma! Həqiqətən, mən (Allahın hökmlərinə, Qurana, Peyğəmbərə və möminlərə) istehza edirdim! -deməsin." Elə olmasın ki, sizdən biriniz o gün təəssüflə desin ki, vay olsun mənə ki, Allahın haqqında nə qədər səhlənkarlıq etdim. Belə bir vəziyyət çox çətin olur. Xüsusən də şeytan insana dedikdə: “İndi məni yox, özünüzü qınayın” (İbrahim, 22). Məni qınama, sən özün dəvət etdiyim tərəfə getdin. Allah sənə haqqı vəd etdi, amma boş yerə aldandın.

"Zümər" surəsinin 67-ci ayəsində buyurulur: "Allahı lazımınca qiymətləndirmədilər (uca tutmadılar)". Əgər biz Allahın qədrini bilmək istəyiriksə və bu kimi ayənin nümunəsi olmaq istəmiriksə, Allaha ən böyük sevgi bizdə olmalıdır.

“Bəqərə” surəsinin 165-ci ayəsində buyurulur: "İnsanların içərisində Allahdan qeyrilərini (Allaha) şərik qoşub, onları Allahı sevən kimi sevənlər də vardır. Halbuki iman gətirənlərin Allaha məhəbbəti daha qüvvətlidir". Bəzi insanlar var ki, dünyada bəzi şeyləri var və Allahı o şeylər qədər sevirlər. Lakin mömin belə deyil və Allahı hamıdan çox sevir. Maddi təfəkkürlü insanlar gücü, var-dövləti, şöhrəti və s. bunun kimi şeyləri sevirlər. Bunlardan əlavə Allahı da sevirlər. Amma Allahın haqqı bu deyil. Allahın Haqqı üstün olmaq və ən çox məhəbbətin Ona olmasıdır. "Halbuki iman gətirənlərin Allaha məhəbbəti daha qüvvətlidir".

Allah buyurur: “(Allah) onları, onlar da (Allahı) sevərlər” (Maidə, 54). Əgər biz Allahı seviriksə və Allahın məhəbbəti sizin qəlbinizdədirsə, Allah da sizi sevir və Onun məhəbbəti sizinlədir. Ona görə də diqqətli olmalıyıq. “Bəqərə” surəsinin 200-cü ayəsində buyurulur: “Atalarınızı xatırladığınız qədər Allahı yad edin”.

Əgər biz Allahın qədrini bilmək və qəlbimizi Allah sevgisi ilə doldurmaq istəyiriksə, Quran ayələrini az da olsa oxumalı və Quran ayələri ilə ünsiyyət qurmalıyıq. Həmçinin Əhli-beytə (ə) təvəssül etməklə, Muhəmməd (s) və ailəsinə salavat göndərərək və tövsiyə edilən zikrləri deyərək yavaş-yavaş Allah sevgisini, Allahı sevməyi, Allahın məhəbbətini və Ona diqqəti qəlbimizə sala bilərik .

Qurandan və Əhli-beytdən kömək alaq ki, bir gün Allahın haqqına etinasızlıq etdiyimizə görə peşman olacağımız yerə gəlməyək. O zaman peşmançılıq faydasızdır. İş bitəndə şeytan peşmanlığımızı ikiqat artırır.

Odur ki, indi vaxtımız var. Gənclik fürsətindən istifadə edib Allaha yaxınlaşaq. Allah sevgisini, Allaha marağı və Allaha diqqəti qəlbimizdə bərqərar edək ki, Allah bizi peşmanlıq günündə peşmançılıq çəkənlərdən qərar verməsin və cənnətində bizi qərar versin.

mənbə: iqna

Xəbər lenti

Parlament yaxınlığına xüsusi təyinatlılar və su reaktiv maşını cəlb olunub
2024-04-16 22:42

Tbilisidə aksiya zamanı DİN-in bir əməkdaşı yaralanıb
2024-04-16 22:16

Çiçinadze küçəsində etirazçılarla polis arasında fiziki qarşıdurma baş verib
2024-04-16 21:38

Gürcüstan DİN Tbilisidə mitinq təşkilatçıları və iştirakçılarına xəbərdarlıq edib
2024-04-16 20:42

Aksiya ilə əlaqədar Rustaveli prospekti bağlandı
2024-04-16 20:29

Gürcüstan düzgün yoldadır, biz bu yolu keçmişik və müsbət effekt ortadaır
2024-04-16 19:32

“Gürcüstan yenidən sovetləşməyə imkan verməyəcək!”
2024-04-16 19:24

“Xarici təsirin şəffaflığı haqqında” qanun layihəsini baxılmaq üçün seçib, alternativ qanun layihələrini isə rədd edib
2024-04-16 18:59

17 aprel üçün xarici valyutanın rəsmi məzənnəsi
2024-04-16 18:32

Ərini qətlə yetirmək ittihamı ilə saxlanılan qadın azadlığa buraxıldı
2024-04-16 14:20