ABŞ-da ilk dəfə Azərbaycan multikulturalizmi fənni tədris ediləcək

ABŞ-da ilk dəfə Azərbaycan multikulturalizmi fənni tədris ediləcək

07 Oktyabr 2022 - 06:24

134487

Xeber.ge xəbər verir ki, ilk dəfə olaraq Azərbaycan dili və multikulturalizmi fənninin tədrisi ABŞ-da həyata keçiriləcək. Hazırda Brinqam Younq Universitetində 40.000-dən yuxarı tələbə təhsil alır

ABŞ-da ilk dəfə Azərbaycan multikulturalizmi fənni tədris ediləcək. Bu barədə Bakı Beynəlxalq Multikulturalizm Mərkəzinin mətbuat xidmətindən məlumat verilib.

Bildirilib ki, ABŞ-ın Yuta ştatında səfərdə olan Bakı Beynəlxalq Multikulturalizm Mərkəzinin icraçı direktoru Rəvan Həsənov bir sıra mühüm görüşlər keçirib.

Salt Lake City şəhərinin meri xanım Erin Mendenhall və Yuta Ştatının Senatının sədri cənab Stüart Adams ilə görüşdə icraçı direktor Azərbaycanın multikulturalizm siyasəti, Azərbaycan Prezidenti İlham Əliyevin beynəlxalq təşkilatlarda geniş maraq doğuran qlobal təşəbbüsləri haqqında geniş məlumat verib.

Görüşdə, eyni zamanda, 44 günlük Vətən müharibəsi zamanı işğaldan azad edilən tarixi torpaqlarımızda mədəni irsimizə qarşı törədilən vandalizm aktları və ərazilərimizin minalarla çirkləndirilməsi barədə də ətraflı bilgi verilib.

Görüşlər zamanı Multikulturalizm Mərkəzinin ingilis dilində nəşr etdiyi Qarabağ, Şuşa və Qafqaz Albaniyası irsinə həsr olunan kitabları da hədiyyə edilib.

ABŞ səfəri çərçivəsində BBMM-in icraçı direktoru R.Həsənov Brinqam Younq Universitetinin Hüquq və Din fakültəsinin dekanı, professor Bred Şarf və Sosial Elmlər Fakültəsinin dekanı, professor Skot Miller ilə də görüşu baş tutub.

Görüşdə 2023-cü ilin qış semestrindən etibarən, Brinqam Younq Universitetində Bakı Beynəlxalq Multikulturalizm Mərkəzinin dəstəyi ilə Azərbaycan dili və multikulturalizmi fənninin tədris olunması barədə qərar qəbul edilib.

Qeyd edək ki, bununla da ilk dəfə olaraq Azərbaycan dili və multikulturalizmi fənninin tədrisi ABŞ-da həyata keçiriləcək. Hazırda Brinqam Younq Universitetində 40.000-dən yuxarı tələbə təhsil alır.

Bu layihə ilə bağlı ilkin razılıq Bakı Beynəlxalq Multikulturalizm Mərkəzi və Azərbaycanın Los Anceles şəhərindəki sabiq baş konsulu, hazırda Azərbaycan Respublikasının Almaniyadakı səfiri Nəsimi Ağayevin danışıqları sayəsində əldə edilib.

mənbə: sputnik.az

Xəbər lenti

“Gürcü Arzusu" üzvləri ilə "Vahid Milli Hərəkat" üzvləri arasında qarşıdurma yaranıb- Video
2023-11-30 20:13

Ermənistanda yeni problem: Yanvarın 1-dən etibarən...
2023-11-30 19:05

Marneulidə avtomobil ilə motosiklet toqquşub
2023-11-30 18:53

Aytac Şahmarovanın qətli ilə bağlı məhkəmə prosesi işin əhatə dairəsinə görə təxirə salınıb
2023-11-30 18:50

“Milli Hərəkat” partiyası bolşevik və menşeviklərə bölündü
2023-11-30 18:35

1 dekabr üçün xarici valyutanın rəsmi məzənnəsi
2023-11-30 18:24

Tbilisidə polis avtomobili ilə təcili yardım maşını toqquşub
2023-11-30 14:55

Ştaynmayeri Qətərdə qarşılayan olmadı - Video
2023-11-30 13:33

Rusiya və Gürcüstan sərhədində 3 400-ə yaxın yük maşını qalıb
2023-11-30 13:27

Keçmiş həyat yoldaşının evinə dinləmə cihazları yerləşdirən şəxs saxlanıldı
2023-11-30 11:53