Quranla bağlı müsəlmanın üç vəzifəsi

Quranla bağlı müsəlmanın üç vəzifəsi

04 Noyabr 2022 - 07:13

134687

İslam Peyğəmbərinə (s) görə Qurani-Kərim müsəlmanlar arasında ondan bir əmanətdir. Bu, düzgün qayğı göstərilməli olan bir əmanətdir. Halbuki Quranın qayğısına qalmaq təkcə onu təmiz saxlamaq demək deyil. Qurani-Kərimin qayğısına qalmaq üçün Quran məfhumlarını oxuyub ona əməl etmək lazımdır.

Quran insan sözü deyil, hər bir kəlməsi Allah kəlamıdır. Sözlərin yan-yana düzülməsi və cümlələrin qurulması Allahın vəhyidir. Hətta surələrin düzülüşü də Allah tərəfindən əmr edilmişdir.

Hər bir müsəlmanın Quran qarşısında üç əsas vəzifəsi vardır. Bu vəzifələr yerinə yetirilərsə, Quran həyatımıza girər, dərdlərimizə şəfa olar. Çünki o, ruhun qidasıdır.

Allah "Yunis" surəsinin 57-ci ayəsində bu məsələyə işarə edir: "(Ey insanlar!) Sizə Rəbbinizdən bir öyüd-nəsihət, ürəklərdə olana (cəhalətə, şəkk-şübhəyə, nifaqa) bir şəfa, möminlərə hidayət və mərhəmət (Quran) gəlmişdir!".

Bizim birinci vəzifəmiz Quranı öyrənməkdir. Həzrət Peyğəmbər (s) buyurur ki, sizin ən xeyirliniz Quranı öyrənən və öyrədəndir. İmam Sadiq (ə) həmçinin buyurur: “Möminə yaraşmaz ki, ölümündən əvvəl Quranı öyrənməmiş olsun”. Quran bizə nazil olub, onu oxuyub dərk etməsək, nə faydası var?

İkinci vəzifə, Quranı öyrəndikdən sonra onu oxumaqdır. Peyğəmbərdən (s) hədis nəql edilmişdir ki, ən fəzilətli ibadət Quran oxumaqdır.

İmam Sadiq (ə) buyurur: “Quran Allahın səninlə əhd-peymanıdır, ondan ən azı 50 ayə oxumaq lazımdır”. İmam Rza (ə) üç gündə bir dəfə Quran oxuyurdu. Mərhum İmam Xomeyninin (rəh) xəstəxanada son nəfəsini verən zaman sinəsinin üstündə Quran olub.

İmam Sadiq (ə) buyurur: Qiyamət günü insanlardan şikayət edəcək üç kateqoriya vardır: Namaz qılanı olmayan məscid, digəri insanların qədrini bilmədiyi və dini anlamaq üçün onun yanına getmədiyi alimdir. Üçüncüsü, üzərinə toz qonmuş Qurandır.

Üçüncü və ən mühüm vəzifəmiz Qurana tabe olmaqdır. Quranı öyrənmək və onu oxumaq da ona əməl etmək üçün müqəddimədir. Əgər biz “İyyəkə nəbudu və iyyəkə nəstəin” ayəsini oxusaq, həqiqətən yalnız Allaha ibadət etməliyik və çətinliklərdə, həqiqətən, yalnız Allahdan kömək istəməliyik.

mənbə: iqna

Xəbər lenti

Saxta sürücülük vəsiqəsi verən 4 nəfər saxlanıldı
2024-04-23 12:26

Gürcüstan hökumətinin qanun layihəsi Aİ dəyərlərinə uyğun gəlmir
2024-04-23 11:03

Ayaqüstə su içmək olmaz? – İslamda su içməklə bağlı tövsiyələr…
2024-04-23 11:00

Quranda izzəti-nəfs (ləyaqət) və emosional nizam-intizam
2024-04-23 10:57

Tbilisidə Rusiya xüsusi xidmət orqanları ilə əlaqəli təşkilat konfrans keçirib
2024-04-23 10:52

İşğalçı qüvvələrin nümayəndələri 2 Gürcüstan vətəndaşını həbs ediblər
2024-04-23 10:45

Rus qanununun qəbulu ilə Gürcüstan Almaniyada “təhlükəsiz ölkə” statusunu itirə bilər
2024-04-23 10:38

Aİ-yə kim, gürcü xalqı yoxsa “Gürcü Arzusu” hazır deyil?
2024-04-23 10:25

Qardabanidə mağaza qarət edilib
2024-04-23 09:56

Parlament yaxınlığında “Xarici təsirin şəffaflığı haqqında” qanun layihəsinə etiraz aksiyası davam edir
2024-04-22 22:26