Misir və Sübhanın həbsi ilə bağlı apellyasiya şikayəti veriləcək

Misir və Sübhanın həbsi ilə bağlı apellyasiya şikayəti veriləcək

07 Dekabr 2022 - 17:24

134689

Ukraynada iki azərbaycanlının həbsi ilə bağlı məhkəmə qərarından apellyasiya şikayəti veriləcək.

Xeber.ge xəbər verir ki, həbs edilən azərbaycanlıların vəkili Valeri Dobranitsanın Report-a verdiyi məlumata görə, ötən gün Kiyev vilayətinin Obuxovski rayon məhkəməsində Azərbaycan vətəndaşları Misir Qasımlı və Sübhan Quliyev 8 il azadlıqdan məhrum ediliblər.

"Biz məhkəmədən ədalətli qərar gözləyirdik. Amma təəssüf ki, qeyri-qanuni qərar verildi. İndi Kiyev apellyasiya məhkəməsinə şikayət verməyə hazırlaşırıq. Çünki hökmə qədər məhkəməyə tərəfimizdən dəfələrlə faktlar təqdim olunub ki, bu prosesin predmeti saxtalaşdırılıb. Amma təəssüf ki, nəzərə alınmadı. Bu 1 il 8 ay müddətində biz prokurorlardan Azərbaycan vətəndaşlarının günahını təsdiq edən bir fakt eşitmədik. İttihamları uydurma hesab edirik. Bunu hətta zərərçəkmiş şəxsdən də eşitdik", - vəkil bildirib.

Onun sözlərinə görə, dəlil kimi göstərilən geyimlər də şübhəlidir:

"Şalvarda qan izləri var, amma heç bir ot, torpaq izi filan yoxdur. Halbuki zərərçəkmiş şəxs deyir ki, onu yerdə sürüyüblər və bunun bir izləri olmalı idi".

Vəkil qeyd edib ki, iş gedən dövrdə dəfələrlə Azərbaycanın Ukraynadakı Səfirliyinə müraciət edilib:

"Onlardan aldığım cavab məktublarında bildirilirdi ki, hər şey qanun çərçivəsində həll olunacaq. Lakin təəssüf ki, biz yekunda heç cür qane etməyən məhkəmə qərarı gördük. Biz dayanmayacağıq, mübarizəmizi davam etdirəcəyik. Appelyasiya qane etməsə, Ali Məhkəməyə müraciət edəcəyik. Çünki əvvəldən də dediyim kimi, bu iş düzgün aparılmayıb. Misirgil qeyri-qanuni həbs olunublar".

mənbə: axar.az

Xəbər lenti

“Gördüklərimizin şəffaflıqla heç bir əlaqəsi yoxdur”
2024-05-18 22:28

Etiraz aksiyasının davam etdiyi Tbilisidə Rusiya və “Gürcü Arzusu”nun bayraqları yandırıldı- VİDEO
2024-05-18 22:25

“Prezident Salome Zurabişvilinin şəffaflıq haqqında qanuna veto qoyması sonrakı müzakirələr üçün imkan yaradır”
2024-05-18 22:22

Qardabanidə bacısını qətlə yetirən şəxsə həbs cəzası verildi
2024-05-18 22:19

Parlament Zurabişvilinin qoyduğu vetonu ləğv edə bilər, amma...
2024-05-18 22:15

Zurabişvili xarici agentlər haqqında qanuna veto qoyub
2024-05-18 22:06

Öllkəyə və xalqa qarşı sanksiyalar tətbiq etmək yanaşması yanlışdır
2024-05-18 18:20

Bizimlə kim, hansı qüvvə danışır? - İnsanları zorlayan, öldürən, işgəncə verənlər!
2024-05-18 17:04

ABŞ Nümayəndələr Palatasının Xarici Əlaqələr Komitəsinin üzvü Gürcüstanda baş verən hadisələrə cavab olaraq qanun layihəsi təqdim etməyi planlaşdırır
2024-05-18 16:55

Rusiya Ukraynada yaşayış məntəqəsini ələ keçirdiyini açıqlayıb
2024-05-18 15:20