Avtomobillərlə bağlı yeni qaydalar tətbiq olunacaq

Avtomobillərlə bağlı yeni qaydalar tətbiq olunacaq

03 Fevral 2023 - 07:55

134606

Hökumət tərəfindən hazırlanmış Gürcüstanın 2030-cu ilə qədər iqlim dəyişikliyi strategiyasında bildirilir ki, 2030-cu ilə qədər nəqliyyat sektorunda zərərli qazların miqdarı 15% azalmalıdır.

2030-cu ilə qədər ölkədə qeydiyyatda olan avtomobillər arasında elektromobillərin payı 5%-ə, hibrid avtomobillərin payı isə 20%-ə çatdırılmalıdır.

Sənəddə o da qeyd olunub ki, texniki cəhətdən sağlam avtomobillərin payı artırılmalıdır. Strategiya texniki baxışdan yan keçmə və birdəfəlik manipulyasiyalar meylini azaltmaq məqsədilə nəqliyyat vasitələrinin texniki baxışına dair normativ aktlara və inzibati xətalar məcəlləsinə dəyişikliklərin həyata keçirilməsini nəzərdə tutur. Strategiya həmçinin az və sıfır emissiyalı avtomobillərin, elektromobillərin istifadəsinin təşviq edilməsini, eyni zamanda, benzin və dizellə işləyən avtomobillərin aktivliyinin azaldılmasını və köhnə, ekoloji cəhətdən səmərəli olmayan avtomobillərin idxalının azaldılmasını nəzərdə tutur. Elektrikli avtomobillərin istifadəsini təşviq etmək üçün dövlət xərc-fayda təhlili əsasında əlavə optimal vergi güzəştləri müəyyən edəcək, Tbilisidə elektriklə işləyən avtomobillər üçün infrastrukturu təkmilləşdirəcək, iqtisadi məqsədəuyğunluq əsasında köhnə yüngül avtomobillər üçün idxal vergisinin artırılması imkanlarını nəzərdən keçirəcək və idxal edilən avtomobillərdə xərc-effektivlik təhlili əsasında emissiya standartını tətbiq edəcək (mühərrik EUR4 / EUR5). Ən az səmərəli avtomobillərin avtomobil bazarından yığışdırılması və parkın yenilənməsi təkcə onun orta səmərəliliyini deyil, ümumilikdə havanın keyfiyyətini də artıracaq. Elektrikli nəqliyyat vasitələrinin gətirilmə sürətinin artırılması (eləcə də elektriklə işləyən avtomobillərin infrastrukturunun təkmilləşdirilməsi) və mövcud parkın mərhələli şəkildə dəyişdirilməsi təmin ediləcək. Avtomobil fəallığının azalması ilə yanaşı, sürücülərin müəyyən hissəsi əsas nəqliyyat vasitəsi kimi ictimai nəqliyyatdan istifadəyə keçəcək.

mənbə: interpress

Xəbər lenti

ABŞ-dən İsrailə qarşı sanksiyalar
2024-04-19 22:05

Qazaxın 4 kəndi Azərbaycana qaytarıldı
2024-04-19 22:00

Tbilisidə keçirilən etiraz aksiyaları zamanı beş polis yaralanıb
2024-04-19 20:35

Liluaşvili: Zuqdidi və Rustavi Sakrebulolarında Milli Hərəkat və Gürcü arzusu arasında razılaşma əldə olunub
2024-04-19 20:32

Saraçlı kəndində amansızlıqla qətlə yetirilən İsə Hüseynovun atası danışdı -VİDEO
2024-04-19 20:27

Nazir Aleko Elisaşvilinin işi ilə bağlı suala belə cavab verib
2024-04-19 20:23

20 aprel üçün xarici valyutanın rəsmi məzənnəsi
2024-04-19 19:35

Gürcüstan DTX Rusiyanın Abxaziyada inşa etdiyi limanla bağlı xəbərdarlıq edib
2024-04-19 15:15

NATO “xarici agentlər” qanununun Gürcüstan parlamentində qəbul edilməsindən narahatdır
2024-04-19 15:12

Cənab Bidzinaya aidiyyatı yoxdur, amma olsa belə, nə olsun ki?
2024-04-19 12:35