Gürcüstan və Azərbaycan arasında yeni sərhəd keçid məntəqəsinin inşası planlaşdırılır

Gürcüstan və Azərbaycan arasında yeni sərhəd keçid məntəqəsinin inşası planlaşdırılır

17 Mart 2023 - 15:31

2012

Azərbaycan Rusiya ilə yanaşı, digər ölkələrlə mövcud olan keçid məntəqələrinin inkişaf etdirməklə bütün sərhəd buraxılış məntəqələrində infrastruktur imkanlarının genişləndirilməsi üzərində işləyir.

Bu barədə Azərbaycan Dövlət Gömrük Komitəsinin (DGK) sədri Şahin Bağırov deyib.

Onun sözlərinə görə, ardıcıl olaraq mərhələlərlə bu layihələrin üzərində iş aparılır: "Bu sahələrdə müvafiq layihələr mövcuddur. Dövlət başçısı tərəfindən bu məsələyə xüsusi diqqət yetirilir ki, infrastrukturun modernləşdirilməsi ixrac potensialının artırılmasına, tranzit üçün əlverişli şəraitin yaradılmasına, ölkələr və qonşular arasında, o cümlədən də yüklərin axınına şərait yaradacaq".

Ş. Bağırov bildirib ki, Gürcüstanla da qarşılıqlı razılıq əsasında yeni keçid məntəqəsinin inşası nəzərdə tutulub: "Bu məsələ hələlik öz həllini tapmayıb, o nöqteyi-nəzərdən ki, layihələndirmə işləri aparılmalıdır və maliyyə məsələləri həllini tapmalıdır. Bu, zaman çəkəcək. Amma bununla bağlı müəyyən işlər aparılır".

Qeyd edək ki, Azərbaycan və Gürcüstan arasında dövlət sərhədini keçmək üçün 6 buraxılış məntəqəsi müəyyən edilib. Daimi, beynəlxalq, sərnişin və yük əlaqələri üçün dəmir yolunda “Böyük-Kəsik (Azərbaycan) - Qardabani (Gürcüstan), avtomobil yolunda - “Qırmızı körpü” (Azərbaycan) – “Krasniy Most” (Gürcüstan), “Mazımqara” (Azərbaycan) – “Tsodna” (Gürcüstan). Daimi avtomobil, sərnişin və yük əlaqələri üçün birgə, beynəlxalq, avtomobil buraxılış məntəqələri “İpəkyolu” (Azərbaycan) – “Abreşumis Qza” (Gürcüstan), daimi, dövlətlərarası sərnişin və yük əlaqələri üçün piyadalar üçün avtomobil yolunda “Sadıxlı” (Azərbaycan) – “Vaxtangisi” (Gürcüstan), mövsümi dövlətlərarası, sərnişin və yük əlaqələri üçün yalnız sərhədyanı rayonlarda yaşayan vətəndaşlar üçün piyadalar üçün avtomobil yolunda “Muğanlı” (Azərbaycan) – “Samtatskaro” (Gürcüstan).

Tərəflərin səlahiyyətli orqanları ayrı-ayrı protokollarla “İpəkyolu” – “Abreşumis Qza” birgə buraxılış məntəqəsindən daşınan mal və nəqliyyat vasitələri ilə bağlı sərhəd və gömrük prosedurlarını tətbiq olunma prinsiplərini müəyyən edəcəklər.

mənbə: interpress

Xəbər lenti

Belarusda taktiki nüvə silahı yerləşdirəcəyik
2023-03-25 21:48

"Gürcüstanda media mühitinin daraldığını görürük"
2023-03-25 16:04

Xviça Kvaratsxeliya nişanlandı
2023-03-25 15:48

Mübarək Ramazan ayının 3-cü gününün duası
2023-03-25 12:36

Gürcüstanda zəlzələ oldu
2023-03-25 11:47

İvanişvili oliqarxdır, onun təsiri var
2023-03-25 11:02

Prezident Nika Qvaramianı əfv edə bilər
2023-03-25 10:59

“Saakaşvilinin əfvi mənim səlahiyyətimdədir, vəziyyətini diqqətlə izləyirik”
2023-03-25 10:29

Pilotun halı pisləşdi, sərnişin onu əvəz etdi
2023-03-24 22:41

"Hökumət seçicilərin istəklərini onlara çatdırmalıdır"
2023-03-24 22:31