Polis Tbilisidə və regionlarda qanunsuz odlu silah və sursatlar müsadirə edib

Polis Tbilisidə və regionlarda qanunsuz odlu silah və sursatlar müsadirə edib

23 Mart 2023 - 07:30

134248

Daxili İşlər Nazirliyinin əməkdaşları tərəfindən son vaxtlar həyata keçirilmiş əməliyyat-axtarış və istintaq tədbirləri nəticəsində Tbilisi və bölgələrdə qanunsuz odlu silah-sursat götürülüb, 10 nəfər saxlanılıb, 2 nəfər ifşa edilib.

Məlumatı Daxili İşlər Nazirliyi yayıb.

Tbilisi Polis Departamentinin Baş İstintaq Bölməsinin və Baş Dedektivlər Bölməsinin əməkdaşlarının birgə keçirdikləri tədbirlər nəticəsində müxtəlif vaxtlarda əvvəllər məhkum olunmuş 2 nəfər - 1984-cü il təvəllüdlü Q.U. və 1984-cü il təvəllüdlü U.Ç. Tbilisidə saxlanılıb. Hüquq-mühafizə orqanlarının əməkdaşları hakimin hökmü əsasında Q.U.-nun yaşadığı ünvanda apardıqları axtarış nəticəsində 1 ədəd odlu silah, ağızlıq və 3 ədəd patronu sübut kimi götürüblər. U.Ç-nin şəxsi və avtomobilinə baxış nəticəsində 1 ədəd tüfəng, 29 ədəd patron və narkotik vasitə maddi sübut kimi götürülüb.

Tbilisi Polis Departamentinin Vake-Saburtalo baş bölməsinin əməkdaşları 1991-ci il təvəllüdlü N.N., 1970-ci il təvəllüdlü A.A. və əvvəllər məhkum olunmuş 1968-ci il təvəllüdlü A.M.-ni müxtəlif vaxtlarda saxlayıblar. Hüquq-mühafizə orqanlarının əməkdaşları tərəfindən Tbilisi şəhərində N.N.-nin üzərində şəxsi axtarış nəticəsində maddi sübut kimi 1 ədəd odlu silah, ağızlıq və 4 ədəd patron götürülüb, A.A-nın mənzilinə baxış zamanı isə 1 ədəd odlu silah, ağızlıq və 2 ədəd patron götürülüb. Polis A.M.-nin yaşadığı ünvana baxış nəticəsində 1 ədəd odlu silah, 8 ədəd patron və narkotik vasitə götürüb.
Sameqrelo Zemo-Svaneti Polis Departamentinin əməkdaşları iki nəfəri qanunsuz olaraq odlu silah əldə etmək, saxlamaq və gəzdirməkdə ittiham ediblər: 1973-cü il təvəllüdlü Z.K. və 1995-ci il təvəllüdlü V.B. İki nəfər - 1990-cı il təvəllüdlü D.A. və 1963-cü il təvəllüdlü V.A. isə ifşa edilib. Hüquq-mühafizə orqanlarının əməkdaşları onların yaşadıqları yerdə və iş yerlərində aparılan axtarışlar nəticəsində müxtəlif növ odlu silah və döyüş sursatları: avtomat, revolver, tapança, 6 ədəd tüfəng 18 patron və 2 ədəd ağızlıq aşkar ediblər.

Mtsxeta-Mtianeti Polis Departamentinin Tianeti rayon bölməsi əməkdaşları tərəfindən həyata keçirilən əməliyyat-istintaq tədbirləri nəticəsində qanunsuz olaraq odlu silah və döyüş sursatı əldə etmək və saxlamaq ittihamı ilə 1974-cü il təvəllüdlü M.Ç. saxlanılıb. Hüquq-mühafizə orqanlarının əməkdaşları saxlanılan şəxsin evinə baxış zamanı maddi sübut kimi oradan “AKS” markalı avtomat odlu silah, ağızlıq və 30 ədəd patron götürüblər.

İmereti, Raça-Leçxumi və Kvemo Svaneti Polis Departamentinin Oni rayon şöbəsinin əməkdaşları 1987-ci il təvəllüdlü İ.B.-ni saxlayıblar. Polis təqsirləndirilən şəxsin evinə baxış keçirərkən sübut qismində avtomat silah və ağızlıq götürüb.

Quriya Polis Departamentinin Ozurqeti rayon şöbəsinin əməkdaşları, əvvəllər məhkum olunmuş 1970-ci il təvəllüdlü Q.Ç. -ni qanunsuz olaraq odlu silah-sursat almaq və saxlamaq ittihamı ilə saxlayıblar. Saxlanılan şəxsin evinə baxış zamanı maddi sübut kimi 1 ədəd tapança və patron götürülüb.

Cinayətlər 7 ilə qədər azadlıqdan məhrumetmə ilə cəzalandırılır.

Qeyri-qanuni olaraq odlu silah və döyüş sursatı əldə etmə-saxlama-daşıma və narkotik vasitələrin qanunsuz alınması və saxlanması faktları üzrə istintaq Gürcüstan Cinayət Məcəlləsinin 236-cı maddəsinin 3-cü və 4-cü hissələri, habelə 260-cı maddəsi ilə aparılır.

mənbə: interpress

Xəbər lenti

"Avropalı həmkarlarımızdan status məsələmiz müzakirə olunanda bizə dəstək olacaqları vədini aldım"
2023-06-02 00:09

2 iyun üçün xarici valyutanın rəsmi məzənnəsi
2023-06-01 19:41

"Gürcüstan Azərbaycanla strateji tərəfdaşlığı daha da dərinləşdirməyə xüsusi önəm verir"
2023-06-01 19:29

Daha bir Rusiya aviaşirkəti Gürcüstana uçuşlara başlayır
2023-06-01 19:23

A kateqoriyalı taksilər bu gündən etibarən avtobus zolağında hərəkət edə biləcək
2023-06-01 13:03

Zelenski də Moldovadadır - Video
2023-06-01 12:21

Qərb İsveçin NATO-ya daxil olmasını sürətləndirmək üçün Türkiyəyə təzyiqi artırır
2023-06-01 12:16

Yer üzündə qiyamətin əlamətləri
2023-06-01 12:13

Müxalifət birləşə, böyük hərəkat başlaya bilər
2023-06-01 12:09

Qızıl-zinət əşyalarını bədəninə yapışdıraraq ölkəyə keçirməyə çalışan şəxs saxlanıldı
2023-06-01 12:04