Bunu edən şəxslər 300 lari məbləğində cərimə və ya inzibati həbslə cəzalandırılacaq

Bunu edən şəxslər 300 lari məbləğində cərimə və ya inzibati həbslə cəzalandırılacaq

23 Mart 2023 - 09:14

134251

İctimai istifadə üçün nəzərdə tutulmuş obyektin zədələnməsinə-dağıdılmasına görə inzibati məsuliyyət müəyyən edilir.

InterPress.ge xəbər verir ki, parlament birinci oxunuşda “İnzibati Xətalar Məcəlləsinə” xüsusi maddənin əlavə edilməsini dəstəkləyib, buna əsasən meydanda, parkda, yeraltı keçidlərdə yerləşdirilmiş infrastrukturun, inventarın, ictimai istifadə üçün nəzərdə tutulmuş obyektlərin, o cümlədən yol nişanlarının, svetoforların, açıq hava müşahidə kameralarının qəsdən zədələnməsi və ya məhv edilməsi, habelə ictimai nəqliyyatın qəsdən zədələnməsi və ya ictimai nəqliyyatdan mövcud olan inventarın qəsdən zədələnməsi və ya məhv edilməsi 300 lari cərimə ilə nəticələnəcək.

Eyni hərəkətin təkrarlanması 500 lari məbləğində cərimə və ya 5 günə qədər inzibati həbslə nəticələnəcək.

Hazırda qüvvədə olan qanunvericiliyə əsasən, bələdiyyə və ya dövlət əmlakının zədələnməsi və ya məhv edilməsi yalnız zədələnmiş və ya məhv edilmiş əşyanın dəyəri 150 laridən artıq olduqda məsuliyyət yaradır. Zədələnmiş və ya məhv edilmiş əşyanın dəyəri 150 laridən artıq olmadıqda, şəxs məsuliyyət daşımır.

“Gürcü arzusu”nun deputatları “İnzibati Xətalar Məcəlləsi”nə dəyişikliklər hazırlayıblar. Təşəbbüskarların sözlərinə görə, son dövrlərdə müxtəlif şəxslər tərəfindən ictimai istifadə üçün nəzərdə tutulmuş obyektlərə qəsdən ziyan vurulması hallarının sayı artıb.

“Tez-tez baş verən hallara görə həm bələdiyyələrin, həm də dövlətin əmlakına xeyli ziyan dəyir. Ona görə də ictimai istifadə üçün nəzərdə tutulan obyektin qəsdən zədələnməsi və ya məhv edilməsi kimi vandalizm halı lazımi cavabsız qalır”, - deyə təşəbbüs müəllifləri bildiriblər.

"İnzibati Xətalar Məcəlləsi"nə dəyişikliklərin təşəbbüskarları bunlardır: - Anri Oxanaşvili, Davit Matikaşvili, İrakli Şatakişvili, Rati İonatamişvili, Quram Maçaraşvili, Aluda Ğuduşauri, Aleksandre Tabatadze, İrakli Çikovani, İrakli Zarkua, Beka Davituliani, Qiorqi Amilaxvari, Mixeil Sarcveladze və Nino İobaşvili.

mənbə: interpress

Xəbər lenti

"Avropalı həmkarlarımızdan status məsələmiz müzakirə olunanda bizə dəstək olacaqları vədini aldım"
2023-06-02 00:09

2 iyun üçün xarici valyutanın rəsmi məzənnəsi
2023-06-01 19:41

"Gürcüstan Azərbaycanla strateji tərəfdaşlığı daha da dərinləşdirməyə xüsusi önəm verir"
2023-06-01 19:29

Daha bir Rusiya aviaşirkəti Gürcüstana uçuşlara başlayır
2023-06-01 19:23

A kateqoriyalı taksilər bu gündən etibarən avtobus zolağında hərəkət edə biləcək
2023-06-01 13:03

Zelenski də Moldovadadır - Video
2023-06-01 12:21

Qərb İsveçin NATO-ya daxil olmasını sürətləndirmək üçün Türkiyəyə təzyiqi artırır
2023-06-01 12:16

Yer üzündə qiyamətin əlamətləri
2023-06-01 12:13

Müxalifət birləşə, böyük hərəkat başlaya bilər
2023-06-01 12:09

Qızıl-zinət əşyalarını bədəninə yapışdıraraq ölkəyə keçirməyə çalışan şəxs saxlanıldı
2023-06-01 12:04