Tövbənin mənası

Tövbənin mənası

30 May 2023 - 05:37

393

Ölümdən qorxmamaq üçün ilk növbədə qorxuya səbəb olan şeyləri aradan qaldırmalıyıq. Ölüm qorxusunun səbəblərindən biri də etdiyimiz çoxlu azğınlıq və günahlarımızdır. Amma tövbə edib onu islah edərkən bilməliyik ki, Allah “Rəhmlidir” və Onun rəhməti qəzəbindən daha böyükdür.

Ölüm qorxusunun səbəblərini cavablandırdıqdan və qorxunun səbəblərini və köklərini araşdırdıqdan sonra, indi yeganə qurtuluş yolu olan tövbə və keçmiş günahları islah etmək haqqında Quran və hədislərə müraciət edirik. Hər şeydən əvvəl tövbənin nə demək olduğunu başa düşməliyik.

Tövbə qayıdış deməkdir və bu söz Quranda həm Allaha, həm də insana aid edilmişdir (Tövbə, 117-118). Allahın tövbəsi Onun lütf və rəhmətini bəndələrinə qaytarmaq, insanın tövbəsi isə keçmiş fəsad və hallarından dönmək deməkdir. Bu səbəbdən də hər bir insan tövbəsində Allahdan iki tövbə görürük;

Biri günahkar bəndələrə olan lütfünü qaytarmaqdır ki, bu lütflə insan öz pis əməllərini dərk edir. Həmçinin bu diqqətdən sonra insan da öz fikir və əməllərindən tövbə edib geri qayıdır. Digəri isə insanın tövbəsini qəbul etməkdir ki, Allah bir daha lütf göstərib onun tövbəsini qəbul edir.

Necə ki, ata oğluna lütf edib sərmayə verir. Bu oğul da eyni sərmayə ilə satmağa mal alır. Ata həmçinin həmin malı oğlundan daha baha qiymətə alır. Bu da əslində oğlunun ticarəti və qazancı və atanın iki lütfüdür.

Ona görə də insanın tövbəsi Allahın iki tövbəsi arasında elə qoyulur ki, əvvəlcə Allah insana öz eyiblərinə diqqət yetirmək imkanı verir. Sonra insan peşman olub o eyib və günahlardan tövbə edir. Sonra Allah onun tövbəsini qəbul edir. Bu da başqa bir lütfdür.

Quran bu həqiqəti belə bildirir: "Allah onlara (əvvəlki hallarına) qayıtmaq üçün tövbə nəsib etdi və tövbələrini qəbul buyurdu. Şübhəsiz ki, Allah tövbələri qəbul edəndir, rəhmlidir!" (Tövbə, 118).

Allah onlara Öz lütfünü verir və onlar pislik etdiklərini başa düşürlər. Sonra o insanlar tövbə edir. Bir daha Rəhman Allah onların tövbələrini qəbul edir və onları bağışlayar.

Möhsin Qəraəti tərəfindən yazılmış "İslamın əqidə prinsipləri (Məad)" kitabından götürülmüşdür.

mənbə: iqna

Xəbər lenti

Lazare Qriqoriadis bu gün cəzaçəkmə müəssisəsini tərk edəcək
2024-04-24 12:24

Rustavi Sakrebulo sədri tutduğu vəzifədən uzaqlaşdırılıb
2024-04-24 12:19

Rustavi meriyasında qarışıqlıq yaranıb
2024-04-24 11:27

İsveçrəli tələbə müsəlman oldu
2024-04-24 11:14

Bu qanunun qəbulu Avropaya inteqrasiya yolunda irəliləmək üçün zəruri şərtdir
2024-04-24 10:15

İvanişvilini fondu “Kartu” futbol komandasına mükafat olaraq 30 milyon lari vəd edir
2024-04-24 10:10

Rusiya vətəndaşları Tbilisidə rus qanununa etiraz etməməyə çağırılır
2024-04-24 10:05

Qəzza fəlakəti 200-cü günündə – DƏHŞƏTLİ STATİSTİKA
2024-04-24 09:53

Dünyada bu qədər qida zibilliyə atılır - Şok hesabat
2024-04-23 21:42