Gürcüstan müsəlmanlarından alınmış 234 məscid onlara qaytarılıb

Gürcüstan müsəlmanlarından alınmış 234 məscid onlara qaytarılıb

27 Sentyabr 2023 - 07:52

325

Sovet dövründə Gürcüstan müsəlmanlarının əlindən alınmış 234 məscid müstəqillik illərində onların özlərinə qaytarılıb.

Bunu Gürcüstanın paytaxtı Tbilisidə Dini Qurumlarla İş üzrə Dövlət Komitəsinin (DQİDK) və Gürcüstanın Dini Məsələlər üzrə Dövlət Agentliyinin (SARI) birgə təşkilatçılığı ilə keçirilən “Dinlərarası dialoqda dövlətin rolu” adlı beynəlxalq konfransda SARI sədri Zaza Vaşakmadze deyib. O, bildirib ki, 2014-cü ildən bəri SARI tərəfindən Gürcüstandakı provaslav kilsəsi istisna olmaqla dini icmaların inkişafına 14 milyon dollar ayrılıb.

O, Gürcüstanda müxtəlif dinlərin və məzhəblərin nümayəndələrinin tarixən sülh içində yaşadığını, dövlətin ölkədəki tolerantlığın gücləndirilməsi istiqamətində konkret addımlar atdığını vurğulayıb.

“Gürcüstan tarixən çoxmillətli çox dinli xristian ölkəsidir, biz bir sıra mədəniyyətə və dinə ev sahibliyi edirik. Bu vaxtadək burada heç bir qarşıdurma baş verməyib. Gürcüstanda hakimiyyət dinlərarası dialoqun əsas zəmanətçisidir”.

Zaza Vaşakmadze Gürcüstandakı kilsələrin 96%-nin provaslav dini icmasına məxsus olduğunu bildirib.

O, müasir dövrdə dini qarşıdurmaların artdığını, bu səbəbdən dövlətin dinlərarası dialoqun təşkilində önəmli rol oynaya biləcəyini vurğulayıb.

O qeyd edib ki, müsəlmanlar Gürcüstanda dövlət quruculuğunda iştirak edirlər.

“Bizim vətəndaşlarımız etnik və mədəni mənsubiyyətindən asılı olmayaraq bərabərdir və dövlət quruculuğunda birlikdə iştirak edirlər. Müasir dövrün əsas problemlərindən biri dini qarşıdurmalardır və bu dövlətin rolunu bu sahədə daha da artırır, dövlət dinlərarası və mədəniyyətlərarası dialoqda böyük rol oynaya bilər”.

Vaşakmadze qeyd edib ki, Gürcüstanda hakimiyyət dini azlıqların gürcü xalqı ilə assimilyasiya olmadan inkişafına dəstək verir. O, Azərbaycan və Gürcüstan arasında dini sahədə əlaqələrin daha da yüksək səviyyəyə qaldırılacağını vurğulayıb.

mənbə: apa

Xəbər lenti

Ümumdünya Turizm Günü Tbilisidə keçiriləcək
2024-05-19 19:18

Konqresmen Co Vilson Gürcüstanda baş verən hadisələrə cavab olaraq qanun layihəsi təqdim edəcək
2024-05-19 18:41

Orta yaşlı kişinin avtomobil idarə edərkən qəfil ürəyi dayanıb
2024-05-19 18:37

Polis Senakidə baş vermiş qətl hadisəsi ilə bağlı bir nəfəri saxlayıb
2024-05-19 18:29

İran Prezidenti helikopterin sərt enişi nəticəsində xəsarət almayıb
2024-05-19 17:49

İran Prezidentini aparan helikopter sərt eniş edib, Rəisinin vəziyyəti məlum deyil
2024-05-19 17:33

Tələbələrin “ Rus qanunu”na etiraz aksiyası bu gün də davam edəcək
2024-05-19 14:06

Zurabişvili Makronu Gürcüstana dəvət edib
2024-05-19 13:09

Nəhəng meteorit görənləri heyrətə gətirdi - VİDEO
2024-05-19 13:04

Gürcüstan parlamenti Prezidentin mübahisəli qanunla bağlı vetosunu dəf edə biləcək
2024-05-19 12:55