Böyük və kiçik günahları tanımağın meyarları

Böyük və kiçik günahları tanımağın meyarları

27 Noyabr 2023 - 10:07

319

Böyük və kiçik günahların nə olması barədə alimlər arasında ixtilaflar vardır. Onları müəyyən etmək üçün ümumilikdə 5 meyar qeyd ediblər.

Bu 5 meyar bunlardan ibarətdir:

1. Qurani-Kərimdə Allahın cəza verəcəyini vəd etdiyi günahlar

2. İslamın hədd təyin etdiyi günahlar. Məsələn, spirtli içki içmək, zina etmək, oğurluq etmək və s.

3. Dinə etinasızlığı göstərən hər hansı günahlar.

4.Böyüklüyü və haramlığı qəti dəlil ilə sübuta yetirilmiş günah.

5. Quran və sünnədə günah edəni şiddətlə xəbərdar etdiyi hər bir günah

Böyük günahların sayı ilə bağlı 7-10, 34 və 40 kimi müxtəlif rəqəmlər qeyd olunur. Bunun səbəbi ayə və rəvayətlərdən toplanan böyük günahların hamısının eyni olmamasıdır.

İmam Xomeyninin (r.ə) “Təhrirül-vəsilə” kitabında qeyd olunan böyük günahlardan bəziləri aşağıdakılardır:

1. Allahın rəhmətindən ümidini kəsmək

2.Allahın tədbirindən amanda olmağı düşünmək

3. Allaha, Peyğəmbərə (s) və Məsumlara (ə) yalan sözlər aid etmək.

4. İnsanı öldürmək

5. Valideynlərə hörmətsizlik etmək

6. Yetimlərin malını zülmlə yemək

7. İffətli qadınlara böhtan atmaq

8. Cihaddan qaçmaq

9. Ailə bağlarını qırmaq

10. Cadu və sehr

11. Zina

12. Homoseksuallıq

13. Oğurluq

14. Yalandan and içmək

15.Şahidliyi gizlətmək

16. Yalan şahidlik etmək

17. Əhdi sındırmaq

18.Vəsiyyətə zidd hərəkət etmək

19. Şərab içmək

20. Sələmçilik, faizə pul vermək

21. Haram malı yemək

22. Qumar

23. Ölü heyvan əti yemək və qan içmək

24. Donuz əti yemək

25. Dini qaydalara görə kəsilməyən heyvanın ətini yemək

26.Tərəzidə az satmaq

27. Dinini itirəcəyi bir yerə hicrət etmək

28.Zalımlara kömək etmək

29. Zalımlara güvənmək

30. Səbəbsiz yerə başqalarının haqqını özünə saxlamaq

31. Yalan danışmaq

32. Təkəbbürlü olmaq

33. israf etmək

34. Xəyanət etmək

35. Qeybət etmək

36.sözgəzdirmək

37.Bihudə işlərlə məşğul olmaq

38.Həccə əhəmiyyət verməmək

39. Namazı tərk etmək

40. Zəkatı verməmək

41.Kiçik günahlarda israr etmək.

Allaha şərik qoşmaq, Onun göstərişlərini inkar etmək, övliyalara qarşı düşmənçilik etmək ən böyük günahlardandır.

Bundan əlavə, Kəbəni, Qurani-Kərimi, Peyğəmbəri (s) və imamları təhqir etmək və s. böyük günahlardandır.

Həzrət Əli (ə) günahları üç yerə bölür: Bağışlana bilən günahlar, bağışlanmayan günahlar və sahibi üçün həm bağışlanacağına ümid etdiyi, həm də cəzalanacağından qorxduğu günahlar.

Allahın bağışladığı günah, bəndəsini dünyada cəzalandırdığı, axirətdə isə cəzalandırmayacağı günahdır. Allah bəndəsinə iki dəfə əzab verməkdən daha hikmətlidir və daha böyükdür.

Bağışlanmayan günah insanların bir-birinə olan haqqıdır. Başqa sözlə desək, məzlumun razılığı olmadan bəndələrin bir-birinə zülmü bağışlanmaz.

Üçüncüsü, Allahın bəndəsindən gizlətdiyi və tövbəsini qəbul etdiyi günahdır. Bəndə həm günahından qorxur, həm də Rəbbinin bağışlamasına ümid edir.

Möhsin Qəraətinin yazdığı "Günahları tanımaq" kitabından götürülmüşdür.

mənbə: iqna

Xəbər lenti

Kutaisi yolunda qəza olub
2024-07-26 23:19

Batumi Beynəlxalq Festivalında “Ceyran” Azərbaycan milli rəqs ansamblı mükafatlandırılıb.
2024-07-26 21:53

Hərbi-Gürcüstan yolu selə görə bağlanıb
2024-07-26 20:48

Gürcüstanın ən yaşlı azərbaycanlısı vəfat etdi
2024-07-26 20:45

Gürcüstan prezidenti və baş naziri Fransada
2024-07-26 20:32

Kaxa Kaladze “Pirveli” teleşirkətinə qarşı İcra Bürosuna müraciət edib
2024-07-26 20:28

Batumidə bir nəfəri yaralayıblar
2024-07-26 20:25