“Qriqoryanın Tbilisiyə səfəri Qafqazda sülh prosesinin bir hissəsidir”

“Qriqoryanın Tbilisiyə səfəri Qafqazda sülh prosesinin bir hissəsidir”

28 Noyabr 2023 - 15:19

339

"Bakıda Azərbaycan, Gürcüstan və Türkiyə müdafiə nazirlərinin üçtərəfli görüşündən sonra Ermənistanın Təhlükəsizlik Şurası katibi Armen Qriqoryanın Tbilisiyə səfəri Qafqazda sülhün yaranması istiqamətində atılan addımların bir hissəsidir".

Bu fikri Gürcüstanın Strateji Planlaşdırma Mərkəzinin rəhbəri, politoloq Levan Mamaladze Armen Qriqoryanın Tbilisiyə səfərini şərh edərkən deyib.

Onun sözlərinə görə, Ermənistan tərəfi öz təhlükəsizliyini gücləndirmək üçün Gürcüstanla sıx təmaslar qurur. Bu da onunla bağlıdır ki, artıq Ermənistan tərəfi Azərbaycanla sülh müqaviləsinin imzalanması üçün hazırdır.

Levan Mamaladze qeyd edib ki, Ermənistan Rusiya ilə hərbi sahədə təmasları azaltdığı üçün özünü təhlükə altında sayır. Ermənistan mümkün təhlükə anında Gürcüstan tərəfdən onlara dəstək gəlməsini istəyir.

"Həm sülh prosesi, həm də regionda təhlükəsizliyin qorunması üçün Gürcüstanla Azərbaycan çox mühüm işlərə imza atırlar. Təbii ki, bu prosesə Ermənistanın da qoşulması olduqca vacibdir. Belə olan zaman isə heç kimə regionda çaxnaşma yaratmaq imkanı verilməyəcək. Regionda üçüncü ölkələrin qızışdırdığı münaqişələr tarixin bir parçası olmalıdır", - politoloq bildirib.

L.Mamaladzenin sözlərinə görə, rəsmi Tbilisi həm də İrəvandan Gürcüstanın ərazi bütövlüyünün tanınmasını tələb edir: "Bu məsələni Ermənistanın baş naziri Nikol Paşinyan da dilə gətirib. Maraqlısı odur ki, Abxaziyada yaşayan ermənilər bu çıxışa etiraz edənlər sırasındadır. Orada kompakt şəkildə yaşayan radikal erməni qrupları konkret olaraq Gürcüstanın ərazi bütövlüyünün tanınmasına qarşı çıxırlar. Elə bu qruplar da Abxaziyanın Gürcüstanla əlaqəsinin kəsilməsində böyük rol oynayırlar".

"Azərbaycanın mövqeyi bəllidir. Ölkəniz hər zaman Gürcüstanın ərazi bütövlüyünü tanıyıb. Biz də bu səbəbdən dost və qardaş ölkə olan Azərbaycanın daim yanındayıq", - L.Mamaladze vurğulayıb.

mənbə: report

Xəbər lenti

Üzüm bağında kişi meyiti tapılıb
2024-09-18 14:05

Gürcüstanın ərazi sularında Hindistan bayrağı altında üzən tanker üzmə qaydalarını pozduğuna görə saxlanılıb
2024-09-18 14:02

Gürcüstanda yağmurlu hava nə vaxtadək davam edəcək?
2024-09-18 13:59

Gürcüstan sərhədini qrup şəklində qanunsuz keçən şəxslər saxlanılıb
2024-09-18 13:57

Borrell Gürcüstanı LGBT təbliğatına qarşı olan qanunu ləğv etməyə çağırıb
2024-09-18 13:33

96 faizi sudan ibarət olan xiyarın inanılmaz faydaları
2024-09-18 12:47

İran səfiri partlayışda gözünü itirib
2024-09-18 12:16

Gürcüstan ABŞ ilə münasibətləri nəzərdən keçirə bilər
2024-09-18 12:03

İsraildən kiber-hücum: peycerlər partladıldı - 11 ölü, 4 min yaralı
2024-09-18 11:52

Gürcüstanda LGBT təbliğatı və cinsiyyətin dəyişdirilməsi qadağan edilib
2024-09-18 11:36