Yer üzü Allahın vəlisindən boş olmayacaq

Yer üzü Allahın vəlisindən boş olmayacaq

21 Fevral 2024 - 08:58

242

“Rəd” surəsinin 7-ci ayəsində bəşər cəmiyyətlərində həmişə Allah tərəfindən seçilmiş bir rəhbər olduğu və yerin ilahi höccətdən boş olmadığı və olmayacağı başa düşülür.

Bütün dinlərdə və inanclarda dünyanı ədalətlə dolduracaq bir xilaskarın çıxacağına inam var, ancaq xilaskarın kim olduğu və bəzi xüsusiyyətləri ilə bağlı ixtilaflar var.

Qurani-Kərimdə xilaskarın zühuru məsələsini iki növ ayədən anlamaq olar. Birinci qrup ayələr ilahi höccətin insanlar arasında olmasının zəruri olduğunu bildirən ayələrdir. İkinci qrup, salehlərin, zəiflərin və məzlumların qalib gələcəyini müjdələyən ayələrdir. Əvvəlcə birinci qrup ayələrə işarə edilir.

“Rəd” surəsinin 7-ci ayəsində buyurulur: “Sən ancaq xəbərdarlıq edənsən və hər ümmətin bir bələdçisi vardır”.

Bu ayədən belə başa düşülür ki, Allaha dəvət edən insanlar iki növdür. Xəbərdar edənlər və doğru yola yönəldənlər. İkisi arasında nə fərq var? Xəbərdarlıq azmışların doğru yola qayıtmasına və ondan dönməməsinə kömək etmək, hidayət isə doğru yolda olanların irəli getməsinə kömək etməkdir. Başqa sözlə desək, xəbərdarlıq edən (münzir) yaradan, bələdçi (hadi) isə insanların tərəqqisinə kömək edəndir.

Şübhəsiz ki, bu ayələrdə Peyğəmbərimiz (s) bir rəhbər olaraq tanıtılır. Lakin bu ayədən başa düşülən budur ki, buradakı bələdçi Peyğəmbərimizdən (s) başqa, onun yolunu və şəriətini davam etdirəcək və qoruyacaq birini nəzərdə tutur.

“Fatir” surəsinin 24-cü ayəsi: “...Elə bir ümmət yoxdur ki, onların arasından qorxudan olmasın”.

Bu ayədə hər ümmətə xəbərdarlıq edən peyğəmbər göndərildiyi bildirilir. “Rəd” surəsinin 7-ci ayəsi sübut edir ki, hər bir ümmət üçün bir rəhbər vardır.

İbn Kəsir, Təbəri, Fəxr Razi, Əbu Həyyan Əndəlus və Nişaburi kimi bir çox tanınmış sünni alimləri bu cümlənin təfsirində İbn Abbasdan bir rəvayət nəql etmişlər: “Peyğəmbər əlini sinəsinə qoyub dedi: “Mən qorxudanam. Əli isə mənim əmrlərimə yol göstərəndir və o, hidayət edəndir”.

Buna görə də bu ayədən belə başa düşülür ki, insan cəmiyyətlərində həmişə Allahın seçdiyi bir rəhbər vardır. Bəşər tarixi boyu yer üzü heç vaxt hidayət və ilahi rəhbərdən boş olmamışdır və olmayacaqdır.

mənbə: iqna

Xəbər lenti

Kutaisi yolunda qəza olub
2024-07-26 23:19

Batumi Beynəlxalq Festivalında “Ceyran” Azərbaycan milli rəqs ansamblı mükafatlandırılıb.
2024-07-26 21:53

Hərbi-Gürcüstan yolu selə görə bağlanıb
2024-07-26 20:48

Gürcüstanın ən yaşlı azərbaycanlısı vəfat etdi
2024-07-26 20:45

Gürcüstan prezidenti və baş naziri Fransada
2024-07-26 20:32

Kaxa Kaladze “Pirveli” teleşirkətinə qarşı İcra Bürosuna müraciət edib
2024-07-26 20:28

Batumidə bir nəfəri yaralayıblar
2024-07-26 20:25

27 iyul üçün xarici valyutanın rəsmi məzənnəsi
2024-07-26 20:12

Müxalifət Gürcüstanı Rusiya ilə müharibəyə sürükləmək istəyirdi
2024-07-26 16:02

Tramp Netanyahunun əlini sıxmaqdan nümayişkaranə şəkildə imtina etdi - VİDEO
2024-07-26 15:55