Siyasi partiya kimi formalaşan “Xalq Gücü”nün sədri Sozar Subar seçilib

Siyasi partiya kimi formalaşan “Xalq Gücü”nün sədri Sozar Subar seçilib

19 Mart 2024 - 07:53

108

İki il əvvəl parlament çoxluğunun üzvləri tərəfindən yaradılan “Xalqın Gücü” ictimai hərəkatı siyasi partiya kimi formalaşıb. Qurultayda partiyanın sədri deputat Sozar Subar seçilib.

Subar bildirib ki, bu gün “Xalqın Gücü” siyasi mübarizənin yeni mərhələsinə başlayır. O, 2008-ci ilin avqust müharibəsi zamanı “Vahid Milli Hərəkat”ın törətdiyi “görünməmiş vətənə xəyanət aktı”nı araşdıracağına söz verib.

“Yalnız agentlik cinayət məsuliyyətinə cəlb olunarsa, biz nəhayət, radikalizmə və “qütbləşmə”yə qalib gələ və Gürcüstanın suverenliyinin qorunması üçün uzunmüddətli təminat yarada bilərik. “Milli Hərəkat” və onun bütün əlaltıları ədalət qarşısında cavab verənə qədər bu ölkədə sülh, sabitlik, iqtisadi rifah, işğaldan azad olmaq, milli maraqların təmin edilməsi getdikcə çətinləşəcək.

Biz bu gün siyasi mübarizənin yeni mərhələsinə başlayırıq və bu mərhələdə bizim əsas vəzifələrimizdən biri “Milli Hərəkat”ı və onun ortağı olan xarici qurumu vətənimizə, xalqımıza qarşı törətdiyi cinayətlərə görə mühakimə etmək olacaq”, - deyə Sozar Subar bildirib.

“Biz keçmişi saxlayır və yenini axtarırıq” – “Xalqın Gücü”nün liderlərindən biri olan Dimitri Xundadzenin fikrincə, bu, siyasi partiyanın “əsas istiqamət oxu” olacaq.

“Mütərəqqi mühafizəkarlıq keçmişlə məhdudlaşmır, o, inkişafa, yeniliyin qəbuluna yönəlib, lakin keçmişin dəyərlərinə xələl gətirmədən. “Xalqın Gücü”nün siyasəti həmişə həqiqətə və ölkəmizin mənafelərinə əsaslanacaq. İnanırıq ki, bu yolda cəmiyyətdən böyük dəstək alacağıq”, - deyə Xundadze bildirib.

“Xalqın Gücü”nün qurultayında deputat Mixeil Kavelaşvili də çıxış edib. Onun bəyan etdiyi kimi, “Xalqın Gücü”nün əsas məqsədləri “xalqı həqiqətlə silahlandırmaq, vətənimizin əmin-amanlığını və təhlükəsizliyini qorumaq, ölkənin firavanlığı üçün çalışmaq” olacaq.

“Bu məqsədlərə çatmaq üçün xalqı milli mənlik şüuru, tanrıdan qorxan, azad insanların birləşməsi lazımdır ki, qarşıdan gələn 2024-cü ilin oktyabrında keçiriləcək seçkilərdə buradakı satqın və xəyanətkar kolaborasionistləri vasitəsilə vətənimizi tabe etmək və əsarət altına almaq istəyən şər qüvvələr üzərində inamlı qələbə qazanılsın”, - Kavelaşvili bildirib.

“Xalqın Gücü” 2022-ci ilin avqustunda “Gürcü Arzusu”ndan formal olaraq ayrılmış deputatlar – Sozar Subar, Dimitri Xundadze, Mixeil Kavelaşvili və Quram Maçaraşvili tərəfindən təsis edilib. Daha sonra onlara Viktor Caparidze, Daçi Beraia, Eka Sepaşvili, Davit Kaçarava və Zaal Mikeladze də qoşulub. Onlar “Gürcü Arzusu” ilə birlikdə hələ də parlament çoxluğundadırlar. 2023-cü ilin əvvəlində “Xalqın Gücü”nün müəllifliyi ilə “xarici agentlər haqqında” qanun layihəsi parlamentdə qeydiyyata alınıb və parlament çoxluğunun birinci oxunuşda qəbul etdiyi vətəndaş cəmiyyətini gözdən salmaq məqsədi daşıyan “rus qanunu” kütləvi etirazlar və beynəlxalq təzyiqlər nəticəsində ləğv edilib.

mənbə: sakartvelosambebi

Xəbər lenti

"Gürcüstan-ABŞ münasibətlərinə yenidən baxılmalıdır"
2024-04-28 22:03

Tbilisidə etirazçılar yolu bağladılar
2024-04-28 20:59

Dövlət bu şəxslərə ev verəcək
2024-04-28 19:10

"Mənə hansı sanksiyaları tətbiq edəcəklərini məmnuniyyətlə gözləyəcəyəm”
2024-04-28 18:54

Stokholmda yenə Quran yandırıldı- VİDEO
2024-04-28 15:33

Polis Tbilisi və regionlarda qanunsuz odlu silah və sursat götürüb, 6 nəfər saxlanılıb
2024-04-28 15:28

Polşada qanunsuz yaşayan Gürcüstan vətəndaşları saxlanılıb
2024-04-28 13:47

Bu gün Respublika meydanında rus qanununa qarşı “ Avropa yürüşü “ keçiriləcək
2024-04-28 13:44

İtaliyada mənzildən oğurluq edən Gürcüstan vətəndaşı saxlanılıb
2024-04-28 13:42

BMT: “Altı ayda Qəzzada 13 min uşaq ölüb”
2024-04-28 12:07