Yevtuşenkov birbaşa Baydenin ailəsinə yaxındır - Kobaxidze

Yevtuşenkov birbaşa Baydenin ailəsinə yaxındır - Kobaxidze

20 Mart 2024 - 08:02

138

Baş nazir İrakli Kobaxidzenin sözlərinə görə, rus oliqarx Vladimir Yevtuşenkov Amerika Birləşmiş Ştatları prezidentinin ailəsinə yaxın şəxsdir və onun müttəfiqi Davit Xidaşelinin Gürcüstanın Müdafiə Nazirinin müşaviri kimi işləməsi ilə bağlı heç bir “spekulyasiyaya əsas yoxdur”.

Baş nazirin sözlərinə görə, Xidaşelinin heç bir məlumata, xüsusən də məxfi məlumatlara çıxışı olmayıb.

“Qərarımıza gəlincə, biz öz qərarlarımıza görə məsuliyyət daşıyırıq. Yekun olaraq, bu mövzu ətrafında müzakirə apardıq. Fevral ayında bitən bəzi əmək münasibətləri var idi.

Burada deyilirdi ki, bu şəxs Bayden ailəsinə yaxın adam olan Yevtuşenkova yaxındır və məncə, burada spekulyasiyaya əsas yoxdur. Yevtuşenkov birbaşa Bayden ailəsinə yaxındır. Amerika, onun Bayden ailəsi də daxil olmaqla, Amerika siyasi elitası ilə sıx əlaqələri olduğuna görə ona sanksiya tətbiq etmədi. Ona görə də mən hesab edirəm ki, burada spekulyasiyalara ehtiyac yoxdur.

Onun rusiyapərəst olub olmadığını bilmirəm [David Xidaşeli], amma bir daha təkrar edirəm, bu adam Amerikanın siyasi elitasına yaxın olan şəxs, Yevtuşenkovla yaxındır. Müdafiə naziri onun nazirliklə işini davam etdirməsinə ehtiyac görmədi”, – Kobaxidze jurnalistlərə deyib.

Rusiyalı oliqarxın müttəfiqi Davit Xidaşeli 2020-ci ildən 2024-cü ilin fevralın 9-dək Gürcüstanın Müdafiə Nazirinin müşaviri vəzifəsində çalışıb. 2022-ci ilin aprelində Gürcüstan hökuməti onun şirkətinə 49 il müddətinə Raça və Kvemo Svanetidə 104 712 hektar meşə sahəsi verib. O, 2007-2014-cü illərdə Yevtuşenkova məxsus Rusiyanın “Sistem” korporasiyasının vitse-prezidenti olub.

“Sistem” Krımın ilhaqını dəstəkləyən böyük bir konqlomeratdır. Buraya 2021-ci ildən hərbi pilotsuz təyyarələr istehsal edən və Rusiya Müdafiə Nazirliyinə xidmət edən “Krondşadt” şirkəti də daxildir. “Sistem”in sahibi milyarder biznesmen, Putinin ən yaxın çevrəsinin üzvü Vladimir Yevtuşenkovdur. Ukraynada müharibə başlayandan sonra oliqarxa Böyük Britaniya, Avstraliya, Ukrayna və Yeni Zelandiya tərəfindən sanksiya tətbiq edilib. 2023-cü ilin noyabrında məlum olub ki, “Sistem” Amerika Birləşmiş Ştatları tərəfindən də sanksiyaya məruz qalıb. Lakin Vladimir Yevtuşenkovun özü ABŞ-ın sanksiya tətbiq etdiyi rusiyalı milyarderlər sırasında deyil.

“The New York Post” bir ay əvvəl məqalə dərc edib ki, Vladimir Yevtuşenkova ABŞ prezidenti Co Bayden administrasiyasının rusiyalı müxalifətçi və Kreml tənqidçisi Aleksey Navalninin ölümü və Ukraynada başlanan müharibəyə cavab olaraq 500-dən çox şəxs və şirkətə tətbiq etdiyi maliyyə sanksiyaları yenə də təsir göstərməyib. “The New York Post” yazır ki, Vladimir Yevtuşenkovun güman ki, Co Baydenin oğlu Hanter Baydenlə əlaqələri var və onunla 2012-ci ilin martında Nyu-Yorkda, 2013-cü ilin yanvarında isə Vaşinqtonda görüşüb.

mənbə: sakartvelosambebi

Xəbər lenti

"Gürcüstan-ABŞ münasibətlərinə yenidən baxılmalıdır"
2024-04-28 22:03

Tbilisidə etirazçılar yolu bağladılar
2024-04-28 20:59

Dövlət bu şəxslərə ev verəcək
2024-04-28 19:10

"Mənə hansı sanksiyaları tətbiq edəcəklərini məmnuniyyətlə gözləyəcəyəm”
2024-04-28 18:54

Stokholmda yenə Quran yandırıldı- VİDEO
2024-04-28 15:33

Polis Tbilisi və regionlarda qanunsuz odlu silah və sursat götürüb, 6 nəfər saxlanılıb
2024-04-28 15:28

Polşada qanunsuz yaşayan Gürcüstan vətəndaşları saxlanılıb
2024-04-28 13:47

Bu gün Respublika meydanında rus qanununa qarşı “ Avropa yürüşü “ keçiriləcək
2024-04-28 13:44

İtaliyada mənzildən oğurluq edən Gürcüstan vətəndaşı saxlanılıb
2024-04-28 13:42

BMT: “Altı ayda Qəzzada 13 min uşaq ölüb”
2024-04-28 12:07