Bir ovucdan artıq yeyilməsi orqanizmə ziyandır

Bir ovucdan artıq yeyilməsi orqanizmə ziyandır

25 Mart 2024 - 07:02

247

Mütəxəssislər çoxlu qoz-fındıq istehlakının yüksək xolesterola səbəb ola biləcəyini və həzm sisteminə mənfi təsir göstərdiyini bildirib.

Xeber.ge xəbər verir ki, sağlam qəlyanaltı sayılan quru qoz-fındıq həddindən artıq istehlak edildikdə zərərlidir. Bildirilir ki, bu çərəzləri az miqdarda yemək lazımdır.

İstehlak edilən qidaların bədən sistemlərinin işləməsi və sağlamlığı ilə yaxından əlaqəli olduğuna diqqət çəkən mütəxəssislər çərəzlərin mikro və makro elementlər baxımından çox zəngin bir tərkibə sahib olduğunu vurğulayıb.

Tərkibindəki mikroelementlər, fitonutrientlər, antioksidantlar, doymamış Omeqa-3 yağ turşuları və vitamin, minerallar səbəbiylə qoz-fındıq sağlam qidadır, ciddi müsbət təsirlərə malikdir. Lakin qoz-fındıq həm də karbohidrat və kalori ehtiva etdiyi üçün istehlak edildikdə bəzi zərərlərlə qarşılaşa bilərik.

Bu səbəbdən gündə bir ovuc qoz-fındıq istehlak etmək, tərkibindəki vitamin və minerallar baxımından bədənimizə müəyyən müsbət təsir göstərir. Fındığın həzm sisteminə müsbət təsir etdiyi və tərkibindəki E vitamini sayəsində dərinin gözəlləşməsinə töhfə verdiyini də vurğulanıb. Qozun eyni zamanda beyin və nevrologiya baxımından da ciddi faydaları var.

Qoz immunitet sistemi ilə bağlı bir çox problemə müsbət təsir edir. Eyni zamanda dırnaqlarımızda və daxili orqanlarımızda meydana gələ biləcək pozğunluqların qarşısını almaq xüsusiyyətinə malikdir.

Qurudulmuş qoz-fındıq çiy və qovrulmuş halda istehlak edilir. Ancaq istiyə nə qədər çox məruz qaldıqca müsbət təsirləri də azalır. Ona görə də mümkün qədər çiy halda istehlak etmək daha faydalıdır.

Xüsusilə səhər yeməyimizdə istifadə etmək orqanizmimizə çox faydalı olacaq. Arıqlamaq istəyənlər və gündə iki dəfə yemək yeməyə çalışanlar səhər yeməyinə qoz-fındıq qatsalar, uzun müddət tox qala bilərlər.

Həddindən artıq istehlak edildikdə xolesterinin artmasına səbəb ola bilər. Bəzi insanlarda həzm sisteminə də mənfi təsir göstərə bilər. Qozun tərkibindəki duz yüksək olarsa və həddindən artıq istehlak edilərsə, təzyiq xəstələrinin təzyiqini yüksəldə bilər. Böyrək xəstəliyi olan insanlar qoz-fındıqları çox ehtiyatla istehlak etməlidirlər.

Çünki qoz-fındıq maqnezium və kaliumla zəngin qidalardır. Kalium normal insanlar üçün faydalı ola bilər, lakin böyrək problemi olan insanlarda bədənə yük olacağı üçün nəzarətli şəkildə istehlak edilməlidir

mənbə: oxu.az

Xəbər lenti

Qardaş qardaşı qətlə yetirdi
2024-07-27 13:12

Telavidə iki nəfəri öldürən şəxs saxlanılıb
2024-07-27 13:08

Güclü yağış Rikotidə yenidən problemlər yaradıb
2024-07-27 13:03

Gürcüstanda zəlzələ baş verib
2024-07-27 13:00

Rusiyada qadın mədəsində güllə olan körpə dünyaya gətirib
2024-07-27 12:53

Kutaisi yolunda qəza olub
2024-07-26 23:19

Batumi Beynəlxalq Festivalında “Ceyran” Azərbaycan milli rəqs ansamblı mükafatlandırılıb.
2024-07-26 21:53

Hərbi-Gürcüstan yolu selə görə bağlanıb
2024-07-26 20:48

Gürcüstanın ən yaşlı azərbaycanlısı vəfat etdi
2024-07-26 20:45

Gürcüstan prezidenti və baş naziri Fransada
2024-07-26 20:32