“Gürcü Arzusu”nun təşəbbüsü LGBT fərdlərin hüquqlarına qarşı açıq hücumdur – Amnesty

“Gürcü Arzusu”nun təşəbbüsü LGBT fərdlərin hüquqlarına qarşı açıq hücumdur – Amnesty

27 Mart 2024 - 16:21

111

Beynəlxalq insan haqları təşkilatı "Amnesty International" Gürcüstan hakimiyyətini LGBT hüquqlarını məhdudlaşdıran qanun layihəsini rədd etməyə çağırır. Təşkilatın bəyanatında bildirilir ki, Avropa Birliyinə üzv olmaq istəyən bir ölkədə belə bir “zərərli təşəbbüs”ün həyata keçirilməsi narahatlıq doğurur.

“Amnesty İnternational” təşkilatının Şərqi Avropa və Mərkəzi Asiya üzrə direktor müavini Denis Krivoşeyevin sözlərinə görə, “Gürcü Arzusu”nun təqdim etdiyi konstitusiya düzəlişləri ayrı-seçkilik xarakteri daşıyır, “eynicinsli münasibətlərin təşviqi” kimi qiymətləndirilə bilən hər hansı ictimai fikir ifadəsini və ya ictimai toplantıları qadağan edir.

“Təklif olunan təşəbbüs Gürcüstanda insan haqlarına və xüsusilə LGBT insanların hüquqlarına açıq hücumdur. İnsan ləyaqətinə, azadlığa və ümumbəşəri bərabərliyə hörmət dəyərlərinə söykənən Avropa İttifaqına daxil olmağa can atan bir ölkədə hakim partiyanın belə zərərli təşəbbüsü həyata keçirməsi narahatedicidir.

Gürcüstan hökuməti bu açıq ayrıseçkilik xarakterli qanunvericiliyi təbliğ etməklə nəinki insan hüquqları prinsiplərinə xəyanət edir, həm də LGBTİ insanların hüquqlarının getdikcə daha çox pozulduğu regionda ən acınacaqlı nümunələri ilə də barışmış olur. Təklif olunan dəyişikliklər cinsi oriyentasiyadan və gender kimliyindən asılı olmayaraq, Gürcüstan Konstitusiyası ilə hər kəs üçün ifadə, toplaşma və birləşmək azadlığı kimi qorunan insan hüquqlarına birbaşa ziddir.

Biz Gürcüstan hakimiyyətini bu təşəbbüsü dərhal rədd etməyə və Gürcüstanda insan hüquqlarının müdafiəsini təmin etmək üçün etibarlı addımlar atmağa çağırırıq. LGBTİ insanların da hər bir fərd kimi ayrı-seçkilikdən müdafiə olunmaq, bütün insan hüquqlarından, o cümlədən ifadə və dinc toplaşmaq azadlığından tam və istisnasız istifadə etmək hüququ var”, - “Amnesty International” təşkilatının Şərqi Avropa və Mərkəzi Asiya üzrə direktor müavini Denis Krivoşev bildirib.

Amnesty International qeyd edir ki, “Gürcü arzusu” insan hüquqlarını məhdudlaşdıran qanunvericiliyə düzəlişləri “xarici agentlər” haqqında qanunun qəbuluna cəhddən bir il sonra təqdim edib. Beynəlxalq təşkilatın bəyanatına görə, Rusiya qanunvericiliyinə əsasən yaradılmış və vətəndaş cəmiyyəti qrupları üçün təhlükə yaradan qanun layihəsi Tbilisidə keçirilən kütləvi etirazlardan sonra ləğv edilib.

“Gürcü Arzusu” konstitusiyaya ailə dəyərləri və yetkinlik yaşına çatmayanların müdafiəsi motivi əsasında dəyişikliklər etmək istəyir. Hakim partiya konstitusiya dəyişikliklərini qəbul etmək üçün parlamentdə lazımi 113 səsə malik deyil. Çoxluğun lideri Mamuka Mdinaradze deyir ki, onlar dəyişikliklərin “indi olmada da, heç olmasa növbəti çağırış parlamentdə” dəstəklənməsi üçün hər şeyi edəcəklər.

mənbə: sakartvelosambebi

Xəbər lenti

Kobaxidze hökumətin "GRECO"nun antikorrupsiya qiymətləndirmə hesabatını gizlətdiyini inkar edir
2024-04-27 11:47

Ölkədə həyat səviyyəsi aşağı olduqca yüksək miqrasiya davam edəcək
2024-04-27 11:25

ABŞ-dan Gürcüstana XƏBƏRDARLIQ
2024-04-26 22:22

Avroparlamentarilərin tələb və şantaj cəhdlərinin Gürcüstan üçün dəyəri yoxdur
2024-04-26 21:50

“Gürcü Arzusu”nun mərkəzi ofisində təcili iclas keçirilir
2024-04-26 21:09

Qaratəhlə kəndində ağırlaşdırıcı şəraitdə qəsdən adam öldürməkdə təqsirli bilinən iki nəfər 20-20 il müddətinə azadlıqdan mərhum edilib
2024-04-26 20:52

Aytac Şahmarovanın anası və dayısı ilə bağlı hökmün bu tarixdə açıqlanacağı gözlənilir
2024-04-26 20:38

27 aprel üçün xarici valyutanın rəsmi məzənnəsi
2024-04-26 20:14

Viza liberallaşdırılması ləğv edilməyəcək...
2024-04-26 15:26

“ Biz viza liberallaşdırılmasına başladıq, amma onlar da hamı kimi bunu geriyə götürdülər”
2024-04-26 15:24