“Xarici təsirin şəffaflığı haqqında” qanun layihəsini baxılmaq üçün seçib, alternativ qanun layihələrini isə rədd edib

“Xarici təsirin şəffaflığı haqqında” qanun layihəsini baxılmaq üçün seçib, alternativ qanun layihələrini isə rədd edib

16 Aprel 2024 - 14:59

111

Parlament “Gürcü Arzusu”nun təşəbbüsü ilə irəli sürülmüş “Xarici təsirin şəffaflığı haqqında” qanun layihəsini baxılmaq üçün seçib, buna görə də “Gürcüstan naminə” siyasi qrupunun hazırladığı iki alternativ layihəni rədd edib.

Səsvermə prosesi yekdilliklə aparılıb.

Parlamentin “Xarici təsirlərin şəffaflığı haqqında” qanun layihəsinin qəbulu və alternativ layihələrin rədd edilməsi barədə qərarını 78 deputat dəstəkləyib, 25-i isə əleyhinə səs verib.

“Xarici təsirin şəffaflığı haqqında” qanun layihəsinin müəllifi və təşəbbüskarı “Gürcü Arzusu” fraksiyasıdır. Onun məzmunu ötən il başlanmış və etirazlar nəticəsində “yıxılan” layihəyə bənzəyir. “Şəffaflığın təmin edilməsi məqsədi ilə” qanun layihəsində qeyri-sahibkar (qeyri-kommersiya) hüquqi şəxslərin və kütləvi informasiya vasitələrinin gəlirlərinin müəyyən həcmi - xüsusilə, 20%-dən çoxu xaricdən gələrsə, həmin təşkilatların xarici dövlətin maraqlarını həyata keçirən təşkilat kimi qeydiyyata alınması nəzərdə tutulur.

Qanun layihəsinə əsasən, “xarici dövlətin maraqlarını həyata keçirən təşkilat” hesab edilən hər bir təşkilat eyni adlı məlumat bazasında dövlət reyestrində qeydiyyatdan keçməlidir. Qeydiyyat zamanı alınan gəliri əks etdirmək lazım gələcək. Eyni zamanda, təşkilatların hər il maliyyə bəyannaməsini doldurmaq öhdəliyi olacaq.

Alternativ qanun layihələrinə gəlincə, bu, parlamentin “Gürcüstan naminə” siyasi qrupunun üzvləri tərəfindən irəli sürülüb. “İşğalçı ölkənin - Rusiya Federasiyasının təsirindən qorunma haqqında” layihəsi ilə işğalçı ölkənin təsir agenti, Rusiya Federasiyasının gücü müəyyən edilir və işğalçı ölkənin maraqlarından və onun mənafeyindən irəli gələrək ölkəyə, o cümlədən Gürcüstanın Avropa İttifaqına və Şimali Atlantika Müqaviləsi Təşkilatına tam inteqrasiyasına mane olmaq məqsədi daşıyırsa, bu cür fəaliyyətlər qadağan edilir.

“Xarici təsirin şəffaflığı haqqında” qanun layihəsinə daha bir alternativ olan “Qrantlar haqqında” və “Mühasibat uçotu, hesabatlılıq və audit haqqında” qanunda hazırlanan dəyişikliklərlə həm Gürcüstandan, həm də xarici ölkələrdən maliyyələşən təşkilatlar ilin sonundan üç ay müddətində müvafiq orqana illik fəaliyyət hesabatı təqdim etməyə borcludur. İllik hesabata hesabat ili ərzində qrant alanın aldığı hər bir qrant haqqında məlumat, o cümlədən qrantın məqsədi, həcmi və digər əsas tələbləri daxil edilməlidir.

mənbə: interpress

Xəbər lenti

Zurabişvili “Gürcü Arzusu”nun Tbilisidə keçirəcəyi mitinqi tənqid edib
2024-04-29 22:44

QHT-lər üçün ayrılan xarici pullar kəşfiyyat şəbəkələrinə xərclənir
2024-04-29 22:37

Gürcüstanı gürcü xalqının seçdiyi hökumət idarə etməlidir
2024-04-29 22:32

Baş nazir danışıqlara başlanılması üçün Aİ-yə müraciət edib
2024-04-29 22:29

Müəyyən qüvvələr Gürcüstanın Ukraynanın taleyini bölüşmədiyini qəbul edə bilmirlər
2024-04-29 22:25

Bolnisidə qəza zamanı qarşıdurma yaranıb
2024-04-29 22:23

Hər bir vətəndaş Tbilisiyə nəyi dəstəkləmək üçün gəldiyini çox yaxşı bilir
2024-04-29 22:17

Avropa Parlamentinin qətnaməsində irəli sürülən tələb faktlarla təsdiqlənmir
2024-04-29 21:20

Gürcüstan Parlamentinin Hüquq Komissiyası “xarici agentlər haqqında” qanun layihəsini dəstəkləyib
2024-04-29 20:55

Sabiq prezident Strasburq məhkəməsindən şikayətini geri götürüb
2024-04-29 20:37