“Hökuməti tənqid edənləri susdurmaq üçün hazırlanıb”

“Hökuməti tənqid edənləri susdurmaq üçün hazırlanıb”

21 Aprel 2024 - 08:41

204

Amerika Birləşmiş Ştatlarının Gürcüstandakı keçmiş səfiri Keli Deqnan “xarici agentlər haqqında” qanun layihəsi barədə danışarkən deyib ki, xalqın rədd etdiyi qanunun yenidən gündəmə gəlməsinə səbəb oktyabrın 26-da keçiriləcək parlament seçkiləri ola bilər.

Aprelin 18-də hazırda ABŞ-ın Birləşmiş Qərargah Rəisləri Komitəsinin sədrinin xarici siyasət üzrə müşaviri olan Keli Deqnan Bolonyada “Gürcüstan – Demokratiya və Avro-Atlantik inteqrasiya uğrunda mübarizə” adlı panel müzakirədə iştirak edib. Onun açıqlamalarının tərcüməsini “Formula” telekanalı yayımlayıb.

“İndi hakim partiya parlamentdə bu russayağı qanun layihəsinin təşəbbüskarı olduqda gürcülər yenidən küçələrdədir. Dünən birinci oxunuşda qəbul olundu və xalqın iradəsinə baxmayaraq, bu proses sona çatsa, təəccüblənmərəm. Düşünürəm ki, beynəlxalq müşahidəçilərin (“Gürcü Arzusu” üzvləri son bir ildə yerli müşahidəçiləri gözdən salmaqla keçiriblər) olmaması üçün xarici agentlər haqqında qanun yenidən tətbiq oluna bilər ki, heç kim onları tənqid etməsin və oktyabrdaki seçkinin ədalətliliyinə münasibət bildirməsin. Cəmiyyətin ciddi şəkildə rədd etdiyi qanunun bərpası bəhanəsi barədə həqiqətən başqa izahım yoxdur.

Gürcülərin tarixi azadlıqsevər gürcülərin “bəsdir” dediyi döyüşlər və nümunələrlə doludur. Bilmirəm bu dəfə belə bir müarizə nəyə gətirib çıxaracaq, bəlkə bu xarici agentlər qanunu olacaq və ya oktyabrda keçiriləcək başqa bir saxtalaşdırılmış seçki və ya tamamilə başqa bir şey olacaq, amma əminəm ki, Gürcüstanı 26 əsrdir suveren millət kimi saxlayan müstəqillik və azadlığa bağlılıq ruhu bir daha qalib gələcək”, - Deqnan bildirib.

Keli Deqnanın sözlərinə görə, digər keçmiş ölkələr kimi Gürcüstanın da öz oliqarxları və endemik korrupsiyası var - əsasən yüksək səviyyədə.

“Gürcüstan bu illər ərzində demokratik institutlarının qurulmasında təsirli irəliləyiş əldə edib, lakin bu, çox ağır işdir və institutlar hələ də kövrəkdir. Onların bir çoxu hücuma məruz qalır, çünki mövcud hökumət hakimiyyəti gücləndirir və daha bərabər şərait yaradacaq bəzi islahatları dəyişməyə çalışır. Müstəqillik əldə etdikdən sonra Gürcüstanda birpartiyalı idarəetmə və böyük kadr siyasəti var ki, bu da sovet sistemindən mirasdır.

Xoşbəxtlikdən onun da fəal vətəndaş cəmiyyəti var, lakin indi o da hücuma məruz qalır, çox güman ki, bu xarici agent qanun layihəsinin yenidən gündəmə gəlməsi ilə əlaqədardır. Bir il əvvəl on minlərlə gürcü hökuməti tənqid edənləri susdurmaq üçün nəzərdə tutulmuş qanunu rədd etmək üçün küçələrə çıxdıqda bu qanun xalq tərəfindən qəti şəkildə rədd edildi. Rusiyada qəbul edilən analoji qanunun təsirini bilənlərdən hər biriniz bilir ki, bu qanun vətəndaş cəmiyyətini Rusiyadan qovdu və ya onu tamamilə sıxışdırdı.

Gürcüstanda hakimlər klanı var - həmin klan Saakaşvilinin vaxtında mövcud olub. Bunlar hakimiyyətdə olanlar üçün özlərini vazkeçilməz edən və iqtidarı birləşdirən hakimlərdir. Müstəqil hakim olsan və onların əmrinə əməl etməsən, Gürcüstanın hansısa bölgəsinə, ailəndən uzaqlara köçürüləcəksən və belə cəzalandırılacaqsan”, - deyə Deqnan bildirib. ölkə prezidentdir.

mənbə: sakartvelosambebi

Xəbər lenti

Qardaş qardaşı qətlə yetirdi
2024-07-27 13:12

Telavidə iki nəfəri öldürən şəxs saxlanılıb
2024-07-27 13:08

Güclü yağış Rikotidə yenidən problemlər yaradıb
2024-07-27 13:03

Gürcüstanda zəlzələ baş verib
2024-07-27 13:00

Rusiyada qadın mədəsində güllə olan körpə dünyaya gətirib
2024-07-27 12:53

Kutaisi yolunda qəza olub
2024-07-26 23:19

Batumi Beynəlxalq Festivalında “Ceyran” Azərbaycan milli rəqs ansamblı mükafatlandırılıb.
2024-07-26 21:53

Hərbi-Gürcüstan yolu selə görə bağlanıb
2024-07-26 20:48

Gürcüstanın ən yaşlı azərbaycanlısı vəfat etdi
2024-07-26 20:45

Gürcüstan prezidenti və baş naziri Fransada
2024-07-26 20:32