Ayətullah Xamenei lazım gələrsə ölkədə uranın 60 dərəcədə zənginləşdiriləcəyini bildirib

Ayətullah Xamenei lazım gələrsə ölkədə uranın 60 dərəcədə zənginləşdiriləcəyini bildirib

23 Fevral 2021 - 06:18

134435

“İranın uranın zənginləşdirmə həddi 20 faiz deyil. Ölkənin ehtiyacına uyğun və nüvə mühərrikləri üçün lazım gələrsə, uranın zənginləşdirməsini 60 faizə də çatdıra bilərik.”

Xeber.ge saytı xəbər verir ki, bunu İranın İslam İnqilabının Ali lideri Ayətullah Seyid Əli Xamenei ölkənin “Xubriqan Məclisi” üzvlərilə görüşü zamanı deyib.

ABŞ sanksiyalarına, nüvə sazişində olan Avropa dövlətlərinin öhdəliyinə əməl etməməsinə cavab olaraq atılan addımları dəstəkləyən Ayətullah Xamenei bildirib ki, uranın 20 dərəcədə zənginləşdirilməsi ölkənin ehtiyaclarını təmin etmir və bu proses lazım gələrsə 60 faiz dərəcəsində həyata keçirilə bilər.

Ayətullah Xamenei hökuməti və parlamenti nüvə sazişi məsələsində fərqli mövqedən çıxış etməməyə çağırıb və deyib:

"Bu işlər onların (qərb dövlətlərinin) metodudur. İran İslam Respublikası bu metodu qəbul etmir və ona görə də nüvə silahı haqqında heç düşünmür. Lakin ölkənin ehtiyacları üçün əlverişli nüvə tenxologiyası gücünü əldə etməkdə qərarlıyıq. İranın uranın zənginləşdirmə həddi 20 faiz deyil. Ölkənin ehtiyacına uyğun və nüvə mühərrikləri üçün lazım gələrsə, uranın zənginləşdirməsini 60 faizə də çatdıra bilərik...İndi bir neçə illik müqavilə imzalanıb, əgər onlar bu müqaviləyə əməl etsələr, biz də onların əməl etdiyi müddətə qədər əməl edəcəyik. Lakin Qərb ölkələri özləri də çox yaxşı bilirlər ki, biz nüvə silahı ardınca deyilik. Nüvə silahı məsələsi bir bəhanədir, onlar bizim adi silahlarımıza belə qarşı çıxırlar. Bizim müdafiə imkanlarımıza qarşdırlar. Çünki onlar İranın güc komponentlərini əlindən almaq istəyirlər.”

Ayətullah Xamenei əlavə edib:

“Bir gün ola bilər ki, neft tükənsin və ya başqa bir cəhətdən atom enerji stansiyaları onların yerini tutsun. Çünki daha sağlam, daha təmiz və daha ucuz enerjini nüvə stansiyasından əldə etmək mümkündir. Bizim də həmin vaxt nüvə texnologiyasına ehtiyacımız olacaq. Zənginləşdirməyə ehtiyac olanda həmin vaxt başlamq olmaz, bu gün başlamaq lazımdır ki, lazım olanda bu imkanımız olsun. Hegemon Qərb dövlətləri bunu istəmir. Onlar istəyir ki, İran nüvə enerjisinə ehtiyacı olan zaman onlara möhtac olsun və beləliklə, İranı şantaj etmək üçün nüvə enerjisindən bir vasitə kimi istifadə etsinlər. Hazırda nefti çox aşağı qiymətə ölkələrdən alırlar və hələ bir borclu da çıxarırlar. Əgər neft qərb ölkələrinin, məsələn, İngiltərənin, Fransanın və Almaniyanın əlində olsaydı və biz onlardan neft almaq istəsəydik, bizə nefti şüşədə belə verməzdilər. Uranın zənginləşdirilməsi İranın ehtiaycıdır, biz bunu edəcəyik və bundan zor tətbiq etmək üçün vasitə kimi istifadə etmələrinə də icazə verməyəcəyik.”

Mənbə:SalamNews

Xəbər lenti

Öllkəyə və xalqa qarşı sanksiyalar tətbiq etmək yanaşması yanlışdır
2024-05-18 18:20

Bizimlə kim, hansı qüvvə danışır? - İnsanları zorlayan, öldürən, işgəncə verənlər!
2024-05-18 17:04

ABŞ Nümayəndələr Palatasının Xarici Əlaqələr Komitəsinin üzvü Gürcüstanda baş verən hadisələrə cavab olaraq qanun layihəsi təqdim etməyi planlaşdırır
2024-05-18 16:55

Rusiya Ukraynada yaşayış məntəqəsini ələ keçirdiyini açıqlayıb
2024-05-18 15:20

Bu gün Tbilisidə bir sıra yürüş və aksiya keçiriləcək
2024-05-18 15:10

Kurs dəyişmədən Gürcüstan yenidən Rusiya İmperiyasının quberniyasına çevriləcək
2024-05-18 15:05

Gürcüstan Prezidenti əcnəbi agentlər haqqında qanuna dəyişiklik etməyəcək
2024-05-18 13:49

Bu qanunu səhv hesab etmişdim və heç nə dəyişməyib
2024-05-18 13:40

Rus qanununu vasitəsilə fiziki şəxsləri də cərimələmək mümkün olacaq
2024-05-18 13:31

İrakli Kobaxidzeni gözləyən tələbələrin toplaşdığı Tbilisi Dövlət Universitetinin həyətində qarşıdurma yaşanıb- VİDEO
2024-05-18 13:06