Roma Papası Ayətullah Sistaninin istəyini yerinə yetirə biləcəkmi?

Roma Papası Ayətullah Sistaninin istəyini yerinə yetirə biləcəkmi?

08 Mart 2021 - 06:46

134491

Bu gün : 8 Mart 2021, Bazar ertəsi Dəstək ol Haqqımızda Bizimlə əlaqə Əsas Səhifə İraq Suriya Fələstin Yəmən İran Türkiyə Ərəb dünyası Qərb Afrika Asiya Digər Araşdırma Region Hərbi Multimedia Məqalə Mövqe İslam Arxiv Roma Papası Ayətullah Sistaninin istəyini yerinə yetirə biləcəkmi? - Təhlil İraqa səfər edən Roma Papası Fransisk Nəcəf şəhərinə gələrək İslam dünyası və ölkənin nüfuzlu mərceyi-təqlid alimi Seyid Əli əl-Sistani ilə görüşüb. Adətən heç bir görüş keçirməyən 90 yaşlı Ayətullah Sistani özünün Həzrət Əlinin (ə) ziyarətgahının yaxınlığında yerləşən evində Roma Papası ilə görüşüb və heç bir hökumət nümayəndəsinin iştirakına razılıq verməyib.

Görüş zamanı hər iki tərəfin açıqlamaları olub və vacib məqamlara toxunulub. Roma Papası Ayətullah Sistaninin İraqda müxtəlif azlıqlar, xüsusilə xristianlara dəstək xarakterli çıxışları və addımlarını təqdir edib. Papa Fransisk Ayətullah Sistaniyə təşəkkür edib və bildirib ki, o, son illər şiddət və böyük çətinliklərə rəğmən insan həyatının müqəddəs mahiyyətini və İraq xalqının birliyinin vacibliyini təsdiq edərək zəif və təqib olunan insanları müdafiə etmək üçün haqq səsini çatdırıb. Təxminən 1 saata yaxın davam edən görüş zamanı Ayətullah Sistani isə qeyd edib ki, müasir dövrdə bəşəriyyətin üzləşdiyi böyük problemlər və onlara qalib gəlmək üçün Allah-təalaya iman etmək və yüksək əxlaqi dəyərlərə bağlılıq lazımdır. O, xüsusi ilə olaraq vurğulayıb ki, dünyanın müxtəlif ölkələrində insanlar ədalətsizlik, zülm, yoxsulluq, fikri və dini zorakılıq, insanların əsas azadlıqlarının boğulması və sosial ədalətin olmamasından əziyyət çəkirlər. İraqın nüfuzlu alimi millətlərin, xüsusi ilə də region xalqlarının, eləcə də Fələstin xalqının düçar olduqları müharibə, zorakılıq, iqtisadi müharisə, qaçqınlıq və digər məsələləri də önə çəkib.

Ayətullah Sistaninin çıxışı zamanı region ölkələrdəki mövcud problemləri dilə gətirməsi, xüsusilə Fələstini qeyd etməsi Roma Papasına bir istək kimi qiymətləndirilir. Ayətullah Sistani İraqda xristian və digər dinlərin nümayəndələrinin sərbəst və amanda yaşaması, “İŞİD” kimi terror təşkilatının məhv edilməsində böyük pay sahibi olması kimi, Roma Papasının da Fələstin və region ölkələri ilə bağlı məsələlərdə ciddi mövqe qoymasını istəyib. Dini liderlərin nüfuz dairəsi və kütləyə təsiretmə mexanizmini nəzərə alsaq, Papa Fransiskin bu sahədə ciddi tövhələr vermək imkanı var. Əslində Ayətullah Sistani Roma Papası ilə görüşdə bu mövzuya toxunaraq qeyd edib ki, dini və mənəvi liderlər müxtəlif çətinliklərin aradan qaldırılması istiqamətində addımlar atmalı və ölkələri siyasətlərində müharibə deyil, ağıl və məntiq yolunu seçməyə təşviq etməlidir. “Böyük güclərin öz mənafelərini genişləndirmək və təmin etməsi, ləyaqətlə yaşamaq haqqına malik olan xalqların hüquqlarının əleyhinə olmamalıdır”, - deyə iraqlı din alimi bildirib. Ayətullah Sistaninin Vatikan lideri ilə görüş zamanı İraq hökumətindən heç bir nümayəndənin iştirakına icazə verməməsi, mərceyi-təqlid alimin müstəqil fəliyyət göstərməsi və ölkədəki nüfuzundan xəbər verir. Ayətullah Sistaninin İraqdakı nüfuzu İŞİD-lə bağlı verdiyi fətvasından sonra bir daha dünyaya aydın olub. Belə ki, terrorçuların işağlına məruz qalan İraqın şəhərləri məhz mərceyi-təqlid alimin cihad fətvasından sonra azad edilməyə başlanılmışdı. Onun cihad fətvasına təkcə şiələr deyil, həmçinin əhli-sünnə məzhəbindən olan iraqlılar, həmçinin xristianlar ləbbeyk demişdi.

Roma Papasının İraqa səfər etməsində əsas məqsədlərdən biri də ölkə ilə bağlı bəzi planların həyata keçirilməsidir. İraqın nüfuzlu şəxsləri arasında Ayətullah Sistaninin ilk sıralarda qərarlaşması ölkə ilə bağlı vacib qərarların onunla razılaşdırılması zərurətini yaradıb. Mümkündür ki, pandemiya şəraitində İraqa səfər edən Roma Papası mətbuata açıqlanmayan bəzi mesajları nüfuzlu din aliminə çatdırıb və onun münasibətini öyrənməyə çalışıb. İsətnilən halda Roma Papasının İraqa səfəri İslam dünyasının mərceyi-təqlid alimi Ayətullah Sistaninin nüfuzundan xəbər verir. Roma Papasının onunla görüşmək üçün böyük yol qət etməsi, İraqdakı dinlərarası səylərinə görə təşəkkür etməsi Ayətullah Sistani şəxsiyyətinin nə qədər ali olduğunu ortaya qoyur.

Bundan əlavə Nəcəf şəhərində baş tutan bu görüş həmçinin müsəlman-xristian cəmiyyətlərinin bir-birinə daha da yaxınlaşması, fikir ayrılıqlarının aradan qaldırılması və region ölkələrinin xalqları arasında vəhdətin yaranmasına öz tövhəsini verəcək.

mənbə: eastnews.org

Xəbər lenti

Aksiyada bibər qazından istifadə edilməsi nəticəsində bir neçə vətəndaş xəsarət alıb
2024-04-30 23:04

Tbilisidə aksiya iştirakçıları ilə hüquq-mühafizə orqanlarının əməkdaşları arasında növbəti qarşıdurma baş verdi- VİDEO
2024-04-30 22:36

Aksiya iştirakçıları hökumət administrasiyasına doğru hərəkət edir
2024-04-30 22:01

Hakim qətlə yetirilən Aytac Şahmarovanın anası və dayısını həbs cəzasına məhkum edib
2024-04-30 21:25

Tbilisidə etiraz aksiyası bərpa olunub, əraziyə xüsusi təyinatlılar cəlb edilib
2024-04-30 21:23

Putinin antidemokratik alətinə bənzəyən qanun narahatlıq doğurur
2024-04-30 19:46

“Kreml tərəfindən təyin olunan oliqarx bütün kartları masanın üstünə qoydu"
2024-04-30 19:37

Georgi Kalandarişvili yenidən Gürcüstan MSK-nın sədri seçilib
2024-04-30 19:32

1 may üçün xarici valyutanın rəsmi məzənnəsi
2024-04-30 19:15

Gürcüstanın turizm gəlirləri rekord həddə çatıb, azərbaycanlılar 40 milyon dollar xərcləyib
2024-04-30 16:09