Pulumuzun niyə bəzən bərəkəti olmur?

Pulumuzun niyə bəzən bərəkəti olmur?

25 May 2021 - 08:01

134474

Ruzini verən Allahdır. Bütün varlıqların bu dünyada bəhrələndikləri hər bir neməti Allah onlara əta etmişdir. Ondan istifadə yollarını da müəyyən edib, bəyan etmişdir. İnsan hər nə qədər yesə, içsə və istifadə etsə Allah yenə nazil edər. Ona görə də Allah mütləq Rəzzaqdır. Allah hər bir insana ruzi verər – istər mömin olsun, istər kafir və ya münafiq. (Tebyan)

Lakin Allah Təala Quran ayələrində buyurur ki, Mənim ruzimi halal yolla əldə edin. Dinin göstərişlərinə əsasən də istifadə edin. Əgər ruzi haram yolla əldə olunarsa, haram mal hesab olunar. Onu istifadə edən şəxs isə günahkar olar. Hər birimiz Allahın ruzisini yeyirik. Bəzilərimiz bu ruzini Allahın təyin etdiyi yollarla əldə edirik. Lakin bəzilərimiz onun qanunlarının əksinə əməl edərək, əldə edirik.

Bəs necə olur ki, ruzinin bərəkəti olmur?

Allah Təal Quranda buyurur: “Şübhəsiz, Allahın kitabını daim oxuyan və namaz qılan, ruzi olaraq onlara verdiklərimizdən (Allah yolunda) gizli və aşkar xərcləyənlər, əsla kasadlığı və ziyanı olmayan bir ticarətə ümidvardırlar”. (“Fatir” 29).

“Buna görə də Allahın şəriət baxımından halal və zatən pak olaraq sizin ruziniz etdiyi şeylərdən yeyin, istifadə edin və əgər yalnız Ona ibadət edirsinizsə, Allahın nemətinə şükür edin”. (“Nəhl” 114).

O insanlar ki, Allahın ruzisi onlara yetişən zaman ona şükür etməz və Allahı yada salmazlar, ruzilərinin bərəkəti necə ola bilər ki? Allah bütün məxluqlarına ruzi verər. Ancaq haramxorların ruzilərinin bərəkətini aradan aparar. O kəslər ki, Allaha şükür etməz və nemətini yada salmaz, Allah həmin insanın ruzisinin bərəkətini aradan aparar.

Bəs necə edək ki, ruzimizin bərəkəti çox olsun?

Yeməyə başlayan zaman “Bismillah”la başlayıb, “Əlhəmdulillah”la bitirmək – həmin nemətin artmasına səbəb olar və bərəkətini artırar. Amma o zamana qədər ki, İlahi nemətlərə görə şükür edilməz, həmin nemət artmaz. İmam Əli (ə) buyurur: “Nemətə şükür etmək neməti artırar, naşükürlük etmək isə əlindən çıxardar”.

O zaman ki, əməllərimizin sayəsində özümüzlə Allah arasında divar hörərik və ürək səmamızı qara buludlarla doldurarıq - Allahla rabitənin şirinliyinin necə hiss edə bilərik ki? Yaxşı olar ki, həyatımızın çətinliklərini hissələrə bölək. Hər birini ayrıca təhlil edək, sonra onu həll etməyə çalışaq. Baxaq görək ki, maddi ruzinin vasitəsilə necə mənəvi ruziyə çata bilərik. Ruzimizin bərəkətini Allaha şükür edərək artıraq və haram tikədən çəkinək.

mənbə: deyerler.org

Xəbər lenti

27 il yerin altında qalan şaxtaçı SAĞ TAPILDI
2024-04-25 23:09

Gürcüstan müxalifəti yeni mitinq elan etdi
2024-04-25 22:21

Orban qondarma liberal təbliğatına qarşı möhkəm dayanan, təqlid olunmalı bir nümunədir
2024-04-25 22:14

Gürcüstanla bağlı Avropa Parlamentində qəbul edilən qərarı "biabırçı" adlandırıb
2024-04-25 22:10

Gənc oğlan şəhərin mərkəzində güllələndi
2024-04-25 21:03

Qardabanidə qətl törədilib
2024-04-25 20:58

Analoji qətnamələrin yaradıcısı olan insanlar şüurlu və ya şüursuz şəkildə ölkəmizə ziyan vurmağa xidmət edirlər
2024-04-25 20:53

3 yaşlı uşağı avtomobil vurub
2024-04-25 19:49

Aprelin 29-dək olan hava proqnozu açıqlandı
2024-04-25 19:44

Avropa Parlamenti Gürcüstanla bağlı qətnamə qəbul etdi
2024-04-25 19:41