Həzrət Əzrayilin (ə) ürəyi yandığı 2 nəfər

Həzrət Əzrayilin (ə) ürəyi yandığı 2 nəfər

24 Avqust 2021 - 10:33

134575

Bir gün Həzrət Peyğəmbər (s) əyləşmişdi və Əzrayil (ə) o Həzrəti (s) ziyarət etmək üçün gəlir. Həzrət (s) ondan soruşur: “Ey qardaş! Neçə min ildir ki, sən insanların ruhunu qəbz edirsən. Can alan zaman ürəyin kiminsə üçün yanıbmı?”.

Həzrət Əzrayil (ə) deyir: “Bu müddət ərzində ürəyim iki nəfər üçün yanmışdır:

1. Bir gün dəniz tufanlı idi. Dənizin dalğaları bir gəmini sındırdı və gəminin bütün sərnişinləri qərq oldular. Ancaq bir hamilə qadın nicat tapdı. O, gəminin bir taxta parçasının üstündə əyləşdi və mülayim dalğalar onu sahilə gətirdi. Bu zaman bir oğlan övladı dünyaya gətirdi. Mən həmin qadının canını almağa vəzifələndirildim. Ürəyim o oğlan uşağı üçün yandı.

2. Şəddad, Adın oğullarından biri idi. Ad isə o kəs idi ki, Hud peyğəmbər (ə) onun qövmünü hidayət etməyə vəzifələndirilmişdi. Şəddad uzun illər özü üçün böyük bağ inşa edir. Bütün sərvətini o behişti yaratmaq üçün sərf edir. Sütunlarını qızıldan edir. Onu görməyə getmək istəyəndə isə atdan düşən zaman sağ ayağını yerə qoydu, sol ayağını hələ yerə qoymamışdı ki, Allah mənə onun canını almağımı əmr etdi. O bədbəxt atla yer arasında ilişib qaldı və öldü. Ürəyim onun üçün yandı. Çünki bütün ömrünü bu behişti yaratmağa sərf etmişdi. Onu görmədən, ölüm onu yaxaladı.

Bu zaman Cəbrayil (ə) Həzrət Peyğəmbərin (s) yanına gəlir və deyir: “Ey Muhəmməd! Allah sənə salam göndərir və buyurur: “Əzəmət və cəlalıma and olsun ki, həmin uşaq elə Şəddad idi. Onu dənizdən Öz lütfümə görə götürdüm və anasız halda tərbiyə etdim. Padşahlıq məqamına çatdırdım.

Ancaq o, nemətə küfr etdi və təkəbbür etdi. Bizimlə müxaliflik bayrağını qaldırdı. Nəhayət bizim ağır əzabımız onu əhatə etdi ki, bəşər bilsin ki, biz kafirlərə möhlət vermirik. Onları boş buraxmırıq””. (İslami saytlara istinadən)

“Küfr edən kəslər onlara verdiyimiz möhlətin öz xeyirlərinə olmasını güman etməsinlər. Əslində Biz onlara (başa düşmələri üçün) möhlət veririk (lakin sonda bu, səbəb olur) ki, onlar (öz) günah(ların)I artırsınlar. Onlar üçün alçaldıcı bir əzab vardır”. (“Ali-İmran” 178).

Mənbə:Deyerler.org

Xəbər lenti

27 il yerin altında qalan şaxtaçı SAĞ TAPILDI
2024-04-25 23:09

Gürcüstan müxalifəti yeni mitinq elan etdi
2024-04-25 22:21

Orban qondarma liberal təbliğatına qarşı möhkəm dayanan, təqlid olunmalı bir nümunədir
2024-04-25 22:14

Gürcüstanla bağlı Avropa Parlamentində qəbul edilən qərarı "biabırçı" adlandırıb
2024-04-25 22:10

Gənc oğlan şəhərin mərkəzində güllələndi
2024-04-25 21:03

Qardabanidə qətl törədilib
2024-04-25 20:58

Analoji qətnamələrin yaradıcısı olan insanlar şüurlu və ya şüursuz şəkildə ölkəmizə ziyan vurmağa xidmət edirlər
2024-04-25 20:53

3 yaşlı uşağı avtomobil vurub
2024-04-25 19:49

Aprelin 29-dək olan hava proqnozu açıqlandı
2024-04-25 19:44

Avropa Parlamenti Gürcüstanla bağlı qətnamə qəbul etdi
2024-04-25 19:41