Ermənistanın 4 ümumtəhsil məktəbində Azərbaycan dili öyrənilir

Ermənistanın 4 ümumtəhsil məktəbində Azərbaycan dili öyrənilir

16 Sentyabr 2022 - 07:54

134480

Ölkənin ümumtəhsil məktəblərində regional dillərin tədrisi proqramı 2022-ci ilin sentyabrından başlayıb.

Xeber.ge xəbər ki, Ermənistanın 23 məktəbində region ölkələrinin dilləri öyrənilir. Sputnik Armeniya xəbər verir ki, bu barədə ölkənin Təhsil, Elm, Mədəniyyət və İdman Nazirliyinin 9 sentyabr 2022-ci il tarixinə olan məlumatlarında deyilir.

Nazirlikdən agentliyin sorğusuna cavab olaraq verilən məlumata görə, 23 məktəbdən 9-da türk, 7-də fars, 4-də Azərbaycan, 3-də gürcü dili tədris olunur.

Təhsil ya dərnəklər formatında, ya da üçüncü xarici dil formatında aparılır. Qarışıq formatdan istifadə edən məktəblər də var.

Təlimin formatından asılı olaraq müəllimin peşəkar keyfiyyətlərinə olan tələblər də dəyişir. Dərnəklər formatında bir məcburi şərt tətbiq olunur - müəllimin ali peşə təhsili olmalıdır.

Söhbət üçüncü xarici dilin tədrisindən gedirsə, o zaman ölkənin ümumtəhsil müəssisələrinin müəllimlərinə dair tələblər (pedaqoji ixtisas, iş təcrübəsi, yenidənhazırlanma, attestasiya və s.) tətbiq edilir.

Ermənistanda kadrların kifayət qədər olub-olmaması ilə bağlı suala nazirlik əmin edib ki, onlara regionun bu və ya digər dilini öyrətmək istəyən mütəxəssislərdən çoxlu məktublar və zənglər gəlir və hətta bu cür tədrisi təşkil etmək istəyən məktəblərin siyahısı da təqdim olunur. Bu siyahıya hazırda 400-ə yaxın təhsil müəssisəsi daxildir.

Digər bir mühüm məsələ həm müəllimlər, həm də tələbələr üçün kurikulumların, dərsliklərin, dərs vəsaitlərinin, tədris materiallarının hazırlanmasıdır.

Bununla bağlı nazirlik qeyd edib ki, proqramlar mütəxəssislər və İrəvan Dövlət Universiteti ilə əməkdaşlıq çərçivəsində hazırlanıb. Peşəkarlar öz rəylərini bildiriblər, bundan sonra Ermənistanın təhsil, elm, mədəniyyət və idman nazirinin fərmanı ilə bu proqramların məktəblərdə istifadəsinə icazə verilib.

“Hazırda layihə sınaqdan keçirilir və nəticələrə əsasən dərsliklərin tərtibi prosesinə başlanılacaq”, - deyə nazirlikdən məlumat verilib.

Xatırladaq ki, respublikanın ümumtəhsil məktəblərində regional dillərin tədrisi proqramı 2022-ci ilin sentyabrından başlayıb. Proqrama əsasən, Azərbaycan və türk dillərinin tədrisi yalnız böyüklər üçün məktəblərdə - 10-12-ci sinif şagirdləri üçün təşkil olunacaq. Gürcü və fars dillərini öyrənmək ibtidai və orta sinif şagirdləri üçün əlçatan olacaq.

mənbə: sputnik.az

Xəbər lenti

May ayının 2-dək olan hava şəraiti açıqlandı
2024-04-29 15:21

13 yaşlı qızını zorlamaqda ittiham olunan ata saxlanıldı
2024-04-29 15:19

Hüquq məsələləri üzrə komitənin iclasında Levan Xabeişvili ilə Mamuka Mdinaradze arasında şifahi qarşıdurma olub
2024-04-29 15:13

Moskvada OLAY: 12-ci mərtəbədən yıxılan uşaq sağ qaldı
2024-04-29 14:41

Gürcüstan Milli Bankı I rübdə valyuta bazarından 214 milyon dollar alıb
2024-04-29 14:39

Gürcüstanda son 10 ildə 1,5 milyard dollar vergi borcu silinib
2024-04-29 14:37

Tbilisidən Batumiyə səyahət 3,5 saata enib
2024-04-29 12:43

Avroparlamentarilərin tələb və şantaj cəhdlərinin Gürcüstan üçün dəyəri yoxdur
2024-04-29 12:40

Rus qanununun ikinci oxunuşu zamanı da onlayn medianın parlamentə buraxılmasına icazə verilməyəcək
2024-04-29 12:35

Keçmiş nazir Aleksi Petriaşvili parlamentin qarşısında keçirilən aksiyada saxlanılıb
2024-04-29 12:28