"Vaqiə" surəsində dünyanın sonunda baş verəcək hadisələr

"Vaqiə" surəsində dünyanın sonunda baş verəcək hadisələr

19 Yanvar 2023 - 06:41

134555

Axirəz-zaman və dünyanın sonu haqqında müxtəlif nəzəriyyələr var. Lakin nəzəriyyələrin əksəriyyəti heyrətamiz və çətin hadisələrin dünyanı bürüyəcəyinə inanır. "Vaqiə" surəsi bu vəziyyəti vəsf edir.

Qurani-Kərimin əlli altıncı surəsi "Vaqiə" adlanır. 96 ayədən ibarət bu surə Qurani-Kərimin 27-ci cüzündə yer alıb. Məkkədə nazil olan bu surə Peyğəmbərə (s) nazil olan qırx dördüncü surədir.

"Vaqiə" hadisə deməkdir. Qiyamət gününün adlarındandır; Birinci ayədə bu söz işlədildiyi üçün bu surə "Vaqiə" adlanır.

"Vaqiə" surəsi qiyamət günü və onun hadisələri haqqında danışır; O gün insanlar diriləcək və dünyada etdikləri əməllər mühasibə olunacaq. Əvvəldə, onun bəzi hadisələri, məsələn, yerin vəziyyətinin dəyişməsi, orada zəlzələlərin baş verməsi və dağların parçalanmasından danışır. Sonra insanları üç qrupa bölür və hər bir qrupun aqibətini bəyan edir: (1) qabaqcıl olanlar qrupu, (2) Sağ dəstə (3) Sol dəstə. Bundan sonra Allahın rübubiyyətini, Qiyamət gününü və Quranı inkar etməklə məşğul olan solçu qrupa cavab olaraq dəlillər qeyd edir. İnsanları tövhid və Qiyamət gününə iman gətirməyə dəvət edir.

"Vaqiə" surəsinin məzmunu ilə bağlı bunları qeyd etmək olar:

Qiyamətin başlanğıcı və onun çətin və dəhşətli hadisələrindən bəhs edir. O gün insanların dünyada etdiklərinə görə üç dəstəyə bölünməsindən danışır; Allaha yaxın insanların məqamı və cənnətdəki mükafatlarını qeyd edir. İkinci qrup, yəni sağ qrup və onlar üçün olan ilahi nemətlərin növləri haqqında müzakirə aparır. Sol qrup və onların cəhənnəmdəki ağrılı cəzaları haqqında danışılır. Allahın qüdrətini, insanın dəyərsiz bir nütfədən yaradılmasını, Allahın nişanələri olan bitkilərdə həyatın olmasını, yağışın yağmasını və atəşin nurunun mövcudluğunu bəyan etməklə qiyamətin isbatı üçün dəlilləri ifadə edir.

İnsanın ölüm halının və dünyadan başqa bir dünyaya köçməsinin təsviri, möminlərin mükafatı və kafirlərin cəzası "Vaqiə" surəsində bəhs edilən digər mövzulardandır.

Sağ qrup cənnət, sol qrup isə cəhənnəm əhlidir. Lakin "Vaqiə" surəsinin 10-cu ayəsində “qabaqcıl olanlar” qrupu haqqında buyurur: "Öndə olanlar, onlar (dünyada Allah yolunda, imanda, əməldə, xeyirdə öndə olduqları kimi, axirətdə də) öndədirlər!". Təfsirçilər müxtəlif fikirlərə malikdirlər. Seyyid Məhəmmədhüseyn Təbatəbai Quranın digər ayələrindən belə nəticəyə gəlir ki, birinci “öndə olanlar”dan məqsəd yaxşı işlərdə öndə olanlardır. İkinci “öndə olanlar”dan məqsəd isə Allahın məğfirət və rəhmətinə çatmaqda öndə olanlardır. Çünki yaxşı işlərdə üstün olmaq, Allahın bağışlamasına nail olmaqda insanın öndə olmasına səbəb olur.

mənbə: iqna

Xəbər lenti

Bu tarixdən ölkədə havanın temperaturu yüksələcək
2024-05-12 23:19

Rustaveli prospekti etirazçılar tərəfindən bağlandı
2024-05-12 22:56

Xüsusi təyinatlılar Parlament yaxınlığına səfərbər olunub
2024-05-12 21:57

Gürcüstanın daxili işlər naziri nümayişçilərə xəbərdarlıq edib
2024-05-12 21:55

Prezident “Xarici təsirin şəffaflığı haqqında” qanuna veto qoyacaq
2024-05-12 20:29

Gürcüstan parlamenti mayın 14-də qalmaqallı qanuna üçüncü oxunuşda baxacaq
2024-05-12 20:21

Zurabişvili "xarici təsirin şəffaflığı haqqında" qanunun icrasını noyabra qədər təxirə salmağı təklif edib
2024-05-12 20:16

Gürcüstan Prezidenti Tbilisidə etiraz iştrakçilarını diqqətli olmağa çağırıb
2024-05-12 20:07

Strateji tərəfdaşlıq konkret addımlarla ifadə edilməlidir
2024-05-12 18:52

Gürcüstanın Baş naziri: Radikal müxalifət parlamentə və polisə qarşı zorakılıqlar planlaşdırır
2024-05-12 18:25