Tbilisinin bəzi ərazilərində iriqabaritli avtomobillərin hərəkəti qadağan ediləcək

Tbilisinin bəzi ərazilərində iriqabaritli avtomobillərin hərəkəti qadağan ediləcək

13 Dekabr 2023 - 10:33

285

Tbilisi meriyasının təqdim etdiyi və parlamentdə üçüncü oxunuşda müzakirəyə çıxarılan qanun layihəsinə əsasən, saat 08:00-11:00-dək və 17:00- 20:00-dək bələdiyyənin inzibati sərhədləri daxilində ümumi istifadədə olan avtomobil yollarında M3, N2 və N3 kateqoriyalı nəqliyyat vasitələrinin hərəkəti qadağan ediləcək.

Bu barədə Tbilisi meri paytaxt hökumətinin bu gün keçirilən iclasında bildirib.

“Bu gün Tbilisidə 650 minə qədər avtomobil hərəkət edir ki, bu da xüsusilə pik saatlarda tıxaclar yaradır. Tıxacların yaranmasına böyük ölçüləri olan nəqliyyat vasitələri əhəmiyyətli töhfə verir, ölçüləri və həcminə görə nəqliyyatın hərəkətinə böyük maneə törədir, həmçinin yol-nəqliyyat hadisələri baş verir ki, bu da ən böyük problemdir, çünki hərəkət praktiki olaraq uzun müddət dayanır”, - deyə Kaxa Kaladze bildirib.

Tənzimləmə bütün şəhərə təsir etməyəcək və pik saatlarda böyük axınların olduğu və hərəkətin çətin olduğu hissələrdə nəqliyyatın hərəkəti qadağan ediləcək. Məhdudiyyət şənbə və bazar günləri, Əmək Məcəlləsində nəzərdə tutulmuş bayram günləri, eləcə də avqust ayına şamil edilmir.

“Onu da qeyd etmək lazımdır ki, bu tənzimləmənin ümumiyyətlə tətbiq edilməyəcəyi müəyyən müstəsna hallar olacaq. Bu müstəsna hallar aydın şəkildə əsas ictimai ehtiyaclarla bağlıdır, məsələn: ictimai nəqliyyat; bələdiyyə və ya dövlət infrastruktur layihələrinin həyata keçirilməsi üçün zəruri olan nəqliyyat; şagirdlərin və tələbələrin hərəkəti üçün zəruri olan nəqliyyat; turizm fəaliyyətinin həyata keçirilməsi üçün lazım olan nəqliyyat və s”, - Tbilisi meri bildirib.

Qanunda qeyd olunan qaydaların pozulmasına görə - birinci hal üçün 1000 lari, təkrar və sonrakı hallar üçün isə 3000 lari məbləğində cərimələr nəzərdə tutulub.

Merin sözlərinə görə, məhdudiyyət ilkin mərhələdə iqtisadi sektora və biznesə müəyyən təsir göstərəcək. Müvafiq olaraq, biznes assosiasiyaları və biznes sektorunun nümayəndələri ilə bir sıra görüşlər keçirilib, burada qanun layihəsinin təfərrüatları müzakirə edilib.

mənbə: interpress

Xəbər lenti

“Aİ-yə namizəd [ölkə] Kremlin marioneti kimi idarə oluna bilməz”
2024-05-07 19:49

Güclü yağışlar Gürcüstanda ciddi problemlər yaradıb
2024-05-07 19:43

Gürcüstanın Aİ-yə namizədlik statusunun dayandırılması üçün Borellə müraciət edilib
2024-05-07 19:36

Anonymous Kobaxidzeyə: “ Etirazçılara hücum etməyə davam etsəniz, hökumət saytlarına hücum etməklə cavab verəcəyik“
2024-05-07 15:00

Vəliəhd Salmana sui-qəsd: ölənlər var
2024-05-07 12:48

Bu gün Tbilisidə növbəti etiraz aksiyası baş tutacaq
2024-05-07 12:41

Avtomobillə çaya düşən üç yeniyetmədən daha birinin meyiti tapıldı
2024-05-07 12:37

Qudauri (post)-Kobi hissəsində nəqliyyatın hərəkəti qadağan edilib
2024-05-07 12:35

İslam fiziki gözəlliyə, ədəb-ərkana dəyər verir
2024-05-07 12:07

Mülki əhali İsrail ordusunun nəzarətə götürdüyü Rəfahı tərk edir - VİDEO
2024-05-07 12:04