İslam fiziki gözəlliyə, ədəb-ərkana dəyər verir

İslam fiziki gözəlliyə, ədəb-ərkana dəyər verir

07 May 2024 - 08:07

122

Peyğəmbərimizin (s) həyatına nəzər saldıqda gözəllik və zinət dəfələrlə xatırlanmış, namaz qılarkən və məscidlərdə nizam və gözəllik tövsiyə edilmişdir.

Nizam və intizamın bir mənası bəzənmək və gözəl görünməkdir. Nəzmli insanların ilk əlamətlərindən biri zahiri görünüşlərində təmizliyə və nizama önəm vermələridir.

Peyğəmbərimiz (s) rəvayətlərinin birində belə buyurmuşdur: "Uca Allah gözəlliyi sevər və onun nemətlərinin bəndəsinə təsirini görməyi sevər".

Başqa bir rəvayətdə isə deyilir ki, “Allah-taala pis iyli və iy verənlərə nifrət edir”.

Qurani-Kərimdə “Əraf” surəsinin 32-ci ayəsində ilahi zinətlərdən istifadə etməyə icazə verilməsindən bəhs edilir: "De: Allahın Öz bəndələri üçün yaratdığı zinətləri və pak ruziləri kim haram etmişdir?! De: Onlar (həmin zinət və pak ruzilər) dünya həyatında iman gətirən kəslər üçündür (hərçənd ki, kafirlər də onlarla şərikdirlər), Qiyamət günü isə yalnız onlara (möminlərə) məxsus olacaqdır. Biz Öz ayələrimizi bilən dəstə üçün beləcə ətraflı bəyan edirik".

Bu ayədə dünya həyatında zinət və pak ruzilərin möminlər üçün olduğu bildirilir. Kafirlər də bu ruzilərdən bəhrələnirlər, lakin Qiyamət günü bu, ancaq möminlərə aid olar.

Əvvəlki ayədə, yəni “Əraf” surəsinin 31-ci ayəsində möminlərə öz əməllərini və toplu ibadət yerlərini həm maddi, həm də mənəvi cəhətdən bəzəmək əmr edilmişdir. “Ey Adəm övladları! Hər namaz qıldığınız zaman gözəl geyinin, yeyin-için, amma israf etməyin. Çünki Allah israf edənləri sevməz”.

Ayədə bildirilir ki, istər ibadət zamanı, istərsə də başqa vaxtlarda ədəb qaydalarına uyğun geyinmək vacibdir. Müsəlmanlara ibadət yerlərinə və məscidlərə gedərkən yaxşı geyinmək, səliqəli və təmiz olmaq tövsiyə olunur. Çünki insan Allahın hüzurunda ən gözəl şəkildə hazır olmalıdır.

Məscidlərin təmiz, səliqəli və gözəl qoxulu olması məsciddə rahatlıq və cəlbedicilik yaratmaqla yanaşı, başqalarının da bu yerlərə maraq göstərməsinə səbəb olur. Bu iş başqalarına zərər verməyəcək dərəcədədir.

“Zinət”in mənası geyinməyin həm mənəvi, həm də estetik baxımdan vacib və zəruri olduğunu göstərir. Zinətə cismani və fiziki zinətlər, yəni təmiz paltar geyinmək, saçları daramaq, gözəl qoxular vurmaq və s., eləcə də insani keyfiyyətlər, əxlaqi xüsusiyyətlər, niyyət təmizliyi və ixlas kimi mənəvi zinətlər daxildir.

mənbə: iqna

Xəbər lenti

Tələbələrin “ Rus qanunu”na etiraz aksiyası bu gün də davam edəcək
2024-05-19 14:06

Zurabişvili Makronu Gürcüstana dəvət edib
2024-05-19 13:09

Nəhəng meteorit görənləri heyrətə gətirdi - VİDEO
2024-05-19 13:04

Gürcüstan parlamenti Prezidentin mübahisəli qanunla bağlı vetosunu dəf edə biləcək
2024-05-19 12:55

Gecə saatlarında evə silhalı şəxslər girib - Bir nəfər ölüb iki nəfər yaralanıb
2024-05-19 12:18

Sabah parlamentdə prezidentin ofşor qanun layihəsinə veto qoyması müzakirə olunacaq
2024-05-19 11:53

“Gördüklərimizin şəffaflıqla heç bir əlaqəsi yoxdur”
2024-05-18 22:28

Etiraz aksiyasının davam etdiyi Tbilisidə Rusiya və “Gürcü Arzusu”nun bayraqları yandırıldı- VİDEO
2024-05-18 22:25

“Prezident Salome Zurabişvilinin şəffaflıq haqqında qanuna veto qoyması sonrakı müzakirələr üçün imkan yaradır”
2024-05-18 22:22

Qardabanidə bacısını qətlə yetirən şəxsə həbs cəzası verildi
2024-05-18 22:19