ABŞ-dan Gürcüstana XƏBƏRDARLIQ

ABŞ-dan Gürcüstana XƏBƏRDARLIQ

26 Aprel 2024 - 18:22

186

Amerika Birləşmiş Ştatları Senatının ikipartiyalı qrupu aprelin 26-da Gürcüstanın baş nazirinə məktub göndərərək dərin narahatlığını ifadə edib və baş nazirə xəbərdarlıq edib ki, əgər yenidən təşəbbüs edilən "xarici agentlər" haqqında qanun layihəsi qanuna çevrilərsə, onlar ABŞ-ın Gürcüstanla bağlı siyasətinin dəyişdirilməsini təşviq etmək məcburiyyətində qalacaqlar.

Bu barədə Amerikanın səsi məlumat yayıb.

14 senatorun İrakli Kobaxidzeyə göndərdiyi misli görünməmiş narahatlıq notası Senat tərəfindən qeydə alınan digər bəyanatlar arasında ən sərt notadır.

İkipartiyalı məktuba Avropada Təhlükəsizlik və Əməkdaşlıq üzrə Alt Komitənin sədri senator Cin Şahin və Senatın Xarici Əlaqələr Komitəsində rütbəli respublikaçı senator Ceyms Rişi rəhbərlik edib.

Onlar Gürcüstan hökumətini ABŞ-Gürcüstan münasibətlərini təhdid edən, həmçinin ayrı-ayrı şəxslərə qarşı sanksiyalar tətbiq etmək, hökumətin birbaşa maliyyələşdirməsini kəsmək və viza məhdudiyyətlərini genişləndirmək imkanlarını artıran qanunu geri götürməyə çağırırlar.

“Amerikanın səsi”nin əldə etdiyi məktubun nüsxəsinə görə, senatorlar ölkədə "Xarici təsir agentləri haqqında" qanun qüvvəyə minərsə, Vaşinqtonu Gürcüstana qarşı siyasətini dəyişməyə təşviq edəcəklər.

Senatorlar baş nazir İrakli Kobaxidzeyə yazıblar ki, onlar Gürcüstanın çoxdankı dostları kimi Gürcüstan hökumətinin “rus tipli xarici agentlər haqqında qanun”u yenidən tətbiq etmək qərarından “dərin narahatlıq” ifadə etməyə “məcbur olublar”.

Avropa İttifaqının bir çox yüksək rütbəli məmurları kimi senatorlar da deyirlər ki, “Gürcü Arzusu”nun təşəbbüsü ilə hazırlanan qanun layihəsinin hədəfi “Gürcüstan demokratiyasının həyati damarı” olan vətəndaş cəmiyyəti və müstəqil mediadır. Bundan əlavə, qanun layihəsi ABŞ və Avropanın dəstəyinə, 1991-ci ildən bəri Gürcüstanın suverenliyinə və demokratik transformasiyalara dəstək üçün yüz milyonlarla dollar sərmayə qoyan Gürcüstanın tərəfdaşlarına qarşı yönəlib.

mənbə: interpress

Xəbər lenti

Anonymous Kobaxidzeyə: “ Etirazçılara hücum etməyə davam etsəniz, hökumət saytlarına hücum etməklə cavab verəcəyik“
2024-05-07 15:00

Vəliəhd Salmana sui-qəsd: ölənlər var
2024-05-07 12:48

Bu gün Tbilisidə növbəti etiraz aksiyası baş tutacaq
2024-05-07 12:41

Avtomobillə çaya düşən üç yeniyetmədən daha birinin meyiti tapıldı
2024-05-07 12:37

Qudauri (post)-Kobi hissəsində nəqliyyatın hərəkəti qadağan edilib
2024-05-07 12:35

İslam fiziki gözəlliyə, ədəb-ərkana dəyər verir
2024-05-07 12:07

Mülki əhali İsrail ordusunun nəzarətə götürdüyü Rəfahı tərk edir - VİDEO
2024-05-07 12:04

Gürcüstanın yeni qanunu münasibətlərimizə xələl gətirəcək
2024-05-07 10:58

Verada silahlı atışma olub
2024-05-06 22:20

Marneulidə "Coca-Cola" daşıyan maşın mebel mağazasına çırpılıb
2024-05-06 22:16