Fasiqlər kimlərdir?

Fasiqlər kimlərdir?

06 Sentyabr 2021 - 10:21

134588

Qurani-Kərim fasiq insanlarla əhd bağlamağı yer üzərində edilən fəsad hesab edir. Çünki fasiq insanlar Allahla bağladıqları əhdi unudub, insanlara ziyan vurmaqla məşğuldurlar. Belə insanlarla necə əhd bağlamaq olar ki?! Onlara necə etimad etmək olar ki?!

Əhdə vəfa etmək – dinimizin buyurduğu vacib əməllərdəndir ki, cəmiyyətdə etimadı artırar və insanları bir-birinə yaxınlaşdırar. Dinimiz buyurur ki, mömin – fərqi yoxdur, istər iqtisadi, istər siyasi, istər ailə içində – əgər söz verərsə, ona əməl etməsi zəruri mövzulardan olar. “Və əhd-peymanınıza (istər Allahın sizlə olan əhd-peymanı olsun, istər sizin Allahla olan əhd-peymanınız, yaxud sizin özünüzün bir-birinizlə olan əhd-peymanınız) vəfa edin. Həqiqətən (Qiyamət günü) peymandan soruşulacaqdır (peyman sahibindən, ya canlandırılaraq peymanın özündən soruşacaqlar)”. (“İsra” 34).

Əbu Malik nəql edir ki, İmam Səccada (ə) dedim ki, məni dinin bütün qanunlarından xəbərdar etsin. Həzrət (ə) buyurdu: “Haqqı demək, ədalətli hökumət etmək, əhdə vəfa etmək – hamısı dinin qanunlarındandır”.

Həzrət Peyğəmbər (s) buyurur: “Hər kim əhdinə vəfa etməz – onun dini olmaz”.

Bəs fasiqlər kimlərdir?

“Şübhəsiz, Allah hər hansı bir misalı çəkməkdən – ağcaqanad olsun, ondan böyüyü, ya balacası – utanmaz. İman gətirənlər (fikirləşərək məqsədi dərk etməklə və ya mütləq itaət və tabeçilik vasitəsi ilə) bilirlər ki, bu, onların Rəbbi tərəfindən olan bir həqiqətdir. Kafirlər isə deyərlər: «Görəsən Allahın bu məsəldən məqsədi nədir?!» (Bəli, Allah) onunla (bir həqiqəti bəyan etməklə) çoxlarını azdırır (onların ixtiyari azğınlığa düşmələrinə səbəb olur) və çoxlarını onunla hidayət edir.

(Allah) onunla ancaq fasiqləri azdırır. Həmin kəsləri ki, Allahla əhd-peyman bağladıqdan sonra onu pozur (Allahın hökmləri əqli və nəqli cəhətdən sübuta yetirildikdən sonra onlarla müxalifət edir), Allahın, birləşdirilməsini əmr etdiyi şeyləri (qohum-əqrəba, məsumlar və din kimi şeylərlə əlaqəni) kəsir və yer üzündə fitnə-fəsad törədirlər. Ziyana uğrayanlar da onlardır”. (“Bəqərə” 26-27).

Uca Allah buyurur ki, fasiqlərin əhdinə əhəmiyyət verməyin. Çünki onlar Allahla bağladıqları əhdə vəfa etmirlər, sizinlə bağladıqları əhdə vəfa etməklərini gözləyirsinizsə, yanılırsınız. Hər kim əhdinə vəfa etməz – fasiq olar. Fasiqlər isə yer üzərində fəsad edən insanlardırlar.

Mənbə: deyerler.org

Xəbər lenti

Tələbələrin “ Rus qanunu”na etiraz aksiyası bu gün də davam edəcək
2024-05-19 14:06

Zurabişvili Makronu Gürcüstana dəvət edib
2024-05-19 13:09

Nəhəng meteorit görənləri heyrətə gətirdi - VİDEO
2024-05-19 13:04

Gürcüstan parlamenti Prezidentin mübahisəli qanunla bağlı vetosunu dəf edə biləcək
2024-05-19 12:55

Gecə saatlarında evə silhalı şəxslər girib - Bir nəfər ölüb iki nəfər yaralanıb
2024-05-19 12:18

Sabah parlamentdə prezidentin ofşor qanun layihəsinə veto qoyması müzakirə olunacaq
2024-05-19 11:53

“Gördüklərimizin şəffaflıqla heç bir əlaqəsi yoxdur”
2024-05-18 22:28

Etiraz aksiyasının davam etdiyi Tbilisidə Rusiya və “Gürcü Arzusu”nun bayraqları yandırıldı- VİDEO
2024-05-18 22:25

“Prezident Salome Zurabişvilinin şəffaflıq haqqında qanuna veto qoyması sonrakı müzakirələr üçün imkan yaradır”
2024-05-18 22:22

Qardabanidə bacısını qətlə yetirən şəxsə həbs cəzası verildi
2024-05-18 22:19