Bu gün Xanım Zeynəbin (s.ə) mövlud günüdür

Bu gün Xanım Zeynəbin (s.ə) mövlud günüdür

30 Noyabr 2022 - 05:51

134846

Hicri qəməri tarixi ilə cəmadiül-əvvəl ayının beşi İslam Peyğəmbərinin (s) nəvəsi, birinci imam Əli ibni Əbu-Talibin (ə) qızı, Kərbəla həqiqətlərini dünyaya çatdıran, Kərbəla səhnəsinin misilsiz qadın qəhrəmanı Xanım Zeynəbin (ə) mövlud günüdür.

Xeber.ge xəbər verir ki, həzrət Zeynəb hicrətin 6-cı ilində, cəmadiül-əvvəl ayının 5-də Mədinə şəhərində Peyğəmbər ailəsində, İmam Əli (ə) və Peyğəmbərin qızı xanım Fatimeyi-Zəhranın (ə) evində dünyaya gəlib. Peyğəmbər yeni doğulmuş körpənin adını Zeynəb qoyub. Zeynəb "atasının zinəti və bəzəyi" deməkdir. Həzrət Zeynəb beş ilə qədər Peyğəmbərlə bir zamanda və bir məkanda yaşayıb.

Xanım Zeynəb İmam Hüseyn (ə) ilə birlikdə Kərbəlada olub, tarixin ən böyük cinayətinə şahidlik edib və o cinayəti hamıdan çox ifşa edib. Kərbəla döyüşü sonrasında Məhərrəm ayının onunda (Aşura günü) digər Əhli-beyt üzvlərilə birlikdə əsir düşmüş və Üməyyə məmurları tərəfindən Kufəyə, oradan da Şama aparılmışdır. Əsarəti boyu başqa əsirləri qoruyub saxlaması ilə yanaşı insanlara irşad edici, aydınlaşdırıcı xütbələr də oxumuşdur. Xanım Zeynəb şücaət, fəsahat və bəlağəti ilə nümunə göstəriləcək bir şəxsiyyəti ilə Kərbəla qiyamının daima yadda qalmasına səbəb olmuşdur. Kərbəla faciəsinin əsl şahidi olan xanımın ləqəblərindən biri də “Ümmul-Məsaib”dir. Bu, dəhşətli "müsibətlər görümüş qadın", deməkdir.

Tarixi qeydlərə görə xanım hicrətin 63-cü ilində elə Şamda vəfat etmiş və orada dəfn edilmişdir. Daha çox məqbul hesab edilən tarixçi rəylərinə görə həzrət Zeynəbin məzarı indiki Dəməşq şəhərində Seyyidə Zeynəb qəsəbəsindədir. Onun məzarı üzərində həmişə çoxlu sayda zəvvar olub. Əhlibeytsevər zəvvarlar Suriyada daxili müharibə dövründə təkfirçi qüvvələrin təhdid və hücumlarına baxmayaraq həzrət Zeynəbin məqbərəsini tək qoymadılar və onu qoruyaraq Əhli-Beytə olan sevgisini bir daha isbat etdilər.

mənbə: salamnews.org

Xəbər lenti

Gürcüstandakı hadisələrdə Rusiya izi yoxdur
2024-05-03 22:59

Tbilisidə “Şəffaflıq Qanunu”na qarşı aksiya keçirilir
2024-05-03 22:03

Salome Zurabişvili ölkədə baş verənlərlə bağlı Şarl Mişel ilə telefon danışığı aparıb
2024-05-03 20:43

Prezident ofşor qanununa veto qoydu
2024-05-03 19:49

Gürcüstan DİN: Ötən gün 23 etirazçı həbs olunub
2024-05-03 19:04

“ Mən Derek Şoleyə 2020-23-cü illərin iki inqilabi cəhdindən səmimi məyusluğumu bildirdim”
2024-05-03 18:56

4 may üçün xarici valyutanın rəsmi məzənnəsi
2024-05-03 18:38

Qori -Xaşuri yolunda qəza baş verib
2024-05-03 15:25

”Rus qanunları Gürcüstanda heç vaxt qəbul edilməyib və gələcəkdə də qəbul edilməyəcək“
2024-05-03 15:22

3 nəfər 12-ci sinif şagirdi avtomobillə Nakra çayına düşüb
2024-05-03 14:07