Peyğəmbərlərin vəzifəsi insanları pislikdən çəkindirməkdir

Peyğəmbərlərin vəzifəsi insanları pislikdən çəkindirməkdir

04 Dekabr 2023 - 06:32

279

Allahın peyğəmbərlərinin müxtəlif missiyaları vardır ki, onlardan biri də insanları pislikdən çəkindirməkdir.

İslam Peyğəmbəri (s) digər peyğəmbərlər kimi insanları pis işlərdən çəkindirərdi. «وینهاهم عن المنكر»

Ərəblərin Peyğəmbərdən əvvəlki həyatı fikri, mədəni, dini, sağlamlıq, iqtisadi, təhlükəsizlik və sosial şərait baxımından ən pis vəziyyətdə idi. Bunların hər biri üçün Həzrət Əlinin (ə) kəlamlarından bir nümunə nəql edirik:

Fikri baxımdan: Hidayət nuru tamamilə sönmüş, heyrət və korluq hamının qəlbini fəth etmişdi: «فالهدى خامل و العمى شامل»

Mədəni nöqteyi-nəzərdən: Kitab oxuya bilən yox idi:

«و لیس احد من العرب یقرء كتابا»

İnanca görə: Onlar kəpənəklər kimi daşdan və ağacdan düzəldilmiş bütlərin ətrafında dolanıb sitayiş edirdilər: «و الاصنام فیكم منصوبة»

Sağlamlıq nöqteyi-nəzərindən: Çirklənmiş su və çürük yeməklər istifadə edirdilər: «یشربون الكدر»، «و طعامها الجیفة».

İqtisadi nöqteyi-nəzərdən: Onlara elə bir yoxsulluq hakim idi ki, insanların əksəriyyəti üçün quru çörəkdən başqa heç nə yox idi:

«و تأكلون الجشب»

Təhlükəsizlik baxımından: insanların qəlbini qorxu, beyinlərini isə qılınc idarə edirdi. Qəlblərə bağlanan qorxu, ayrılan isə qılınc idi. «شعارها الخوف و دثارها السیف»

Onlar bir-birindən qorxurdular və hamı dəhşətə gəlirdi, amma eyni zamanda cəsarətli görünür, qılınc çəkir, bir-birini hədələyirdilər.

Sosial nöqteyi-nəzərdən: Tayfalar arasında parçalanma və qarşıdurma elə olub ki, bəzən kiçik bir bəhanə üçün bir-birinin qanını tökür, qohumluq əlaqələri qırılırdı. Zəif olan həqiqət, güclü olan şeytan idi. Gözlərin sürməsi göz yaşları idi. Bu acınacaqlı hallar Həzrət Əlinin (ə) ifadəsində belə vəsf olunur: «تسفكون دمائكم وتقطعون ارحامكم»

Bir sözlə, camaat şirk, təfriqə, zülm və yoxsulluq zülmətində mövhumatların içində boğularaq heyrətə düşərək ən pis həyatın içində yaşayırdı. İslam Peyğəmbəri (s) gəlib bütün bu zülm və nifrət pərdələrini, qara buludları götürdü. Bəli, peyğəmbərlərin işlərindən biri də pis əməllərdən çəkindirmək və fitnə-fəsadla mübarizə aparmaqdır. Allahın Rəsulu (s) bütün fitnələrə qarşı mübarizə aparırdı: O fitnələr adam öldürmək, uşaq öldürmək, İranda padşahlara və Ərəbistanda bütlərə səcdə etmək, sələmçilik və içki içməyin yayılması kimi pisliklərdən ibarət idi: "Həqiqətən də insanları xilas etmək üçün hansı xidmət bu pisliklərlə mübarizə aparmaqdan daha dəyərlidir."

Əgər dünya əhli səmavi rəhbərlərin və əsl islahatçıların həyat və fədakarlıqları ilə tanış olsalar, heç vaxt fəhlələrə və məhrumlara dəstək olmaq adı ilə ən yaxşı saraylarda yaşayan rəhbərləri, elm və fəlsəfə adı ilə zəhmətkeşləri və milyonlarla insanı məhv edən saxta filosofları məsum rəhbərlərdən üstün tutmazdılar.

Peyğəmbərlər həm dürüst, həm də uğur qazanmış, digərləri isə nə dürüst, nə də müvəffəqiyyətli olmuşdur. Çünki illər keçdikcə biz süni məktəblərin qeyri-kafiliyindən, onların mənfi reaksiyalarından bezmişik və bəzi insanlar hərdən cəmiyyət üçün doğru sözlər, düzgün planlar ortaya qoyurlarsa da, biz daha yaxşısını həmin peyğəmbərlərin məktəblərində görürük.

Axı islahatçıların və qeyri-səmavi liderlərin vizyonu ölümə qədərdir. Peyğəmbərlərin təqdim etdiyi planın isə əbədi təsiri var. Başqalarının təqdim etdiyi plan həyatın bir cəhətini təkmilləşdirir, lakin digər sahələrə məhəl qoymur. Bəzən insanın əsaləti və azadlığı kimi bütün əxlaqi və sosial dəyərlərə laqeyd qalırlar.

Bəzən iqtisadiyyata o qədər diqqət yetirir və onu əsasa çevirirlər və bütün sosial, siyasi və ideoloji hadisələrə iqtisadi şərh verirlər ki, başqa dəyərlər unudulur.

Amma peyğəmbərlərin ilahi planı bir dəyəri azaltmadan və ya bir əsası görməzdən gəlmədən insana təqdim edilir və bu, peyğəmbərin planının imtiyazlarından biridir. Bu İslam dinidir ki, onun döyüş meydanında da namaz, əxlaq və səhiyyə görsənir. Camaat namazı təkcə ibadət deyil, həm də siyasi və ictimai ölçülərə malikdir.

Möhsin Qəraəti tərəfindən yazılmış "İslamın əqidə prinsipləri (Nübüvvət)" kitabından götürülmüşdür.

mənbə: iqna

Xəbər lenti

“Gördüklərimizin şəffaflıqla heç bir əlaqəsi yoxdur”
2024-05-18 22:28

Etiraz aksiyasının davam etdiyi Tbilisidə Rusiya və “Gürcü Arzusu”nun bayraqları yandırıldı- VİDEO
2024-05-18 22:25

“Prezident Salome Zurabişvilinin şəffaflıq haqqında qanuna veto qoyması sonrakı müzakirələr üçün imkan yaradır”
2024-05-18 22:22

Qardabanidə bacısını qətlə yetirən şəxsə həbs cəzası verildi
2024-05-18 22:19

Parlament Zurabişvilinin qoyduğu vetonu ləğv edə bilər, amma...
2024-05-18 22:15

Zurabişvili xarici agentlər haqqında qanuna veto qoyub
2024-05-18 22:06

Öllkəyə və xalqa qarşı sanksiyalar tətbiq etmək yanaşması yanlışdır
2024-05-18 18:20

Bizimlə kim, hansı qüvvə danışır? - İnsanları zorlayan, öldürən, işgəncə verənlər!
2024-05-18 17:04

ABŞ Nümayəndələr Palatasının Xarici Əlaqələr Komitəsinin üzvü Gürcüstanda baş verən hadisələrə cavab olaraq qanun layihəsi təqdim etməyi planlaşdırır
2024-05-18 16:55