Həzrət İsanın (ə) çarmıxa çəkilməsi haqqında Qurani-Kərimin rəyi

Həzrət İsanın (ə) çarmıxa çəkilməsi haqqında Qurani-Kərimin rəyi

13 Iyul 2023 - 09:31

282

İsa Məsih (ə) Qurani-Kərimdə xüsusi bir şəxsiyyət sayılır; Pak doğulub və pak qalıb. İnsanları xilas etmək üçün axirəz-zamanda zühur edənə qədər Allahın yanındadır.

İsa Məsih (ə.s) din və kitab sahibi olan Allahın xüsusi peyğəmbərlərindəndir. O, hörmətli, pak, xeyirxah və Allahın dərgahına yaxın bir insandır.

İsa Məsihin (ə) anası hamilə olan və Allahın əmri ilə və evlənmədən Məsihi dünyaya gətirən Məryəmdir (ə). Həzrət Məryəm (ə) Bəni-İsrail padşahlarının qorxusundan oğlunu Misirə apardı. İsa təxminən 12 il gizli yaşadı. Sonra Şama getdi və Nasirə adlı bir şəhərdə yaşadı.

İsa (ə) 30 yaşında peyğəmbər oldu. Allah tərəfindən ona Məsihin dinini təbliğ etmək, insanları Allaha və sülhə, dostluğa, qardaşlığa dəvət etmək əmri verildi. Bu səbəbdən yəhudilər ona qarşı çıxdılar və hətta onu öldürməyə cəhd etdilər. Amma Allah o Peyğəmbəri Cəbrayıl vasitəsilə xilas etdi.

İsa Məsihin (ə) taleyi ilə bağlı fikir ayrılıqları mövcuddur. Lakin tarixi kitablarda deyildiyi kimi, İsa (ə) 33 və ya 93 yaşında öldürülmüş və ya Allah tərəfindən asimana aparılmışdır.

İsa Məsih (ə) insanları ilahi dinə dəvət etdikdən sonra yəhudi ağsaqqalları və kahinləri ona qarşı çıxdılar və onu həbs etməyi planlaşdırdılar. İsa Məsihin (ə) yoldaşlarından birinin köməyi ilə onu həbs edə bildilər. Mühakimədən sonra onu çarmıxa çəkdilər ki, ölsün.

Bu hadisə ilə bağlı müxtəlif rəvayətlər var. Yəhudilərin və Xristianların tarixi və dini kitabları bunu müxtəlif yollarla ifadə etmişdir ki, bu da çoxlu fərqlərə malikdir.

Yəhudilər İsa Məsihin (ə) həbs olunduğuna, mühakimə olunduğuna, işgəncələrə məruz qaldığına və bu işgəncələrdən sonra öldüyünə inanırlar.

Xristianlar da inanırlar ki, İsa Məsih (ə) həbs edilib işgəncələrə məruz qalıb, ölübvə dəfn olunub. Lakin üç gündən sonra dirilib asimana gedib Allah yanında yer alıb.

Amma Quran ayələrinə görə həbs edilən şəxs İsa Məsihə (ə) bənzəyirdi; Beləliklə, başqa bir insan haqsız yerə mühakimə olundu və işgəncələrə məruz qaldı və öldü.

Yəhudilərin planını bildikdən sonra İsa Məsih Allahın əmri ilə asimana getdi. Buna görə də İsa Məsih (ə) sağdır və axirəz-zamanda qayıdacaq. Necə ki, Qurani-Kərimdə buyurulur:

"(Onların lənətə düçar olmalarının bir səbəbi də:) “Biz, Allahın elçisi Məryəm oğlu İsa əl-Məsihi öldürdük”, -demələridir. Halbuki onlar İsanı nə öldürdülər, nə də çarmıxa çəkdilər. Onlarda yalnız belə bir təsəvvür yarandı. Bu haqda ixtilafda olanlar onun (şəxsən öldürülməsi) barəsində, əlbəttə, şəkk-şübhə içərisindədirlər. Onların buna dair heç bir məlumatı yoxdur. Onlar ancaq zənnə qapılırlar. Həqiqətdə onu (İsanı) öldürməmişlər. (Nisa, 157)

mənbə: iqna

Xəbər lenti

Eynəyi cızıqlardan xilas edən təbii üsul
2024-04-27 12:44

Kobaxidze hökumətin "GRECO"nun antikorrupsiya qiymətləndirmə hesabatını gizlətdiyini inkar edir
2024-04-27 11:47

Ölkədə həyat səviyyəsi aşağı olduqca yüksək miqrasiya davam edəcək
2024-04-27 11:25

ABŞ-dan Gürcüstana XƏBƏRDARLIQ
2024-04-26 22:22

Avroparlamentarilərin tələb və şantaj cəhdlərinin Gürcüstan üçün dəyəri yoxdur
2024-04-26 21:50

“Gürcü Arzusu”nun mərkəzi ofisində təcili iclas keçirilir
2024-04-26 21:09

Qaratəhlə kəndində ağırlaşdırıcı şəraitdə qəsdən adam öldürməkdə təqsirli bilinən iki nəfər 20-20 il müddətinə azadlıqdan mərhum edilib
2024-04-26 20:52

Aytac Şahmarovanın anası və dayısı ilə bağlı hökmün bu tarixdə açıqlanacağı gözlənilir
2024-04-26 20:38

27 aprel üçün xarici valyutanın rəsmi məzənnəsi
2024-04-26 20:14

Viza liberallaşdırılması ləğv edilməyəcək...
2024-04-26 15:26