Şərafətli kitabda ağır söz

Şərafətli kitabda ağır söz

17 Iyul 2023 - 06:06

264

İndiki dövrdə və keçmiş əsrlərdə danışanların sözü şəklində milyardlarla cümlə çap edilmişdir. Lakin Quran mətni öz vəsfində (ağır sözü) ifadə edən xüsusiyyətlərə malikdir. Bu vəsf Quranın 23 il ərzində nazil olması həqiqəti ilə yanaşı əlamətdardır.

Quranın "Müzzəmmil" surəsinin ilk ayələrində Quran ağır söz kimi vəsf edilir. Allah bu həqiqəti 5-ci ayədə belə bildirir:

«إِنَّا سَنُلْقي‏ عَلَيْكَ قَوْلاً ثَقيلا»

"Çünki tezliklə səni ağır bir sözlə ruhlandıracağıq!" (Müzzəmmil, 5).

Əllamə Təbatəbai “Əl-Mizan” təfsirində Quranın ağırlığını bir neçə şəkildə izah etmişdir:

1. Mənəvi ağırlıq: Bu səbəbdən Quran ağır bir kəlmədir ki, bu kitab elə bir maarifə sahibdir ki, onun məzmununu hər kəs dərk edə bilməz. Yalnız o kəslər Quranı başa düşə bilirlər ki, nəinki günah etmir həqiqətdə, günah barədə heç düşünmür. Quran ayələrinə əsasən, İmamlar (ə) hər bir günahdan pak edilmişdir: "Allah ancaq siz Əhli-beytdən çirkinliyi və günahı yox etmək və sizi tamamilə pak etmək istəyir" (Əhzab: 33).

Bəzən bu ağırlıq Həzrət Peyğəmbərin (s) üzündə və bədən hərəkətlərində görünür və səhabələri bu ağırlığın şahidi olurdular. İmam Əli (ə) bu barədə buyurur: “Maidə surəsi ona nazil olan zaman Peyğəmbər dəvəyə minmişdi. Vəhy Peyğəmbərə çox ağır gəldi ki, heyvan dayandı və qarnı aşağı düşdü. Bu zaman gördüm ki, heyvanın göbəyi yerə dəymək üzrədir.

2. Dini və əxlaqi təlimlərin həyata keçirilməsinin ağırlığı: Əllamə Təbatəbai Quranın bu cəhətinin ağırlığını qeyd etmək üçün bu ayəni başqa bir ayəyə istinad edir. Allah “Həşr” surəsinin 21-ci ayəsində buyurur: "(Ya Peyğəmbər!) Əgər Biz bu Quranı bir dağa nazil etsəydik, sən onun Allahın qorxusundan əyilib (təzim edərək) parça-parça olduğunu görərdin (halbuki ağıl və ruh sahibi olan insan onun öyüd-nəsihətlərindən ibrət almır). Biz bu misalları insanlar üçün çəkirik ki, bəlkə, düşünələr" (Həşər, 21).

Bu ayədə bir həqiqətdən bəhs edilir və o da budur ki, Quranda hidayət əskikliyi yoxdur. Bəzi insanların hidayətə qovuşmaması öz zəifliklərindəndir.

3. Quranı camaatda tətbiq etmək və insanları dəvət etməyin ağırlığı: Bu ağırlıq, Peyğəmbərin (s) bunu həyata keçirməkdə müşriklər və kafirlər tərəfindən işkəncələrə məruz qalması ilə əlaqədar idi. Məsələn, bu şəkildə (camaat içində Qurani-Kərimi həyata keçirmək) Peyğəmbər digər möminlərlə birlikdə 3 il Şibi-Əbi Talibdə çox əziyyətlər çəkdi. Bu müddət ərzində Peyğəmbərin (s) maddi yardımçısı olan Həzrət Xədicənin malı tükənmişdi. Peyğəmbərin və digər insanların Şibi-Əbi talibdə heç kimlə alver və alqı-satqı etmək haqqı yox idi.

Beləcə Peyğəmbərin (s) yoluna tikan və başına dəvənin içalatını tökürdüləür. Peyğəmbərə (s) o qədər əziyyət etdilər ki, həzrət buyurdu: "Heç bir peyğəmbər mənim qədər əziyyət olmamışdır".

mənbə: iqna

Xəbər lenti

ABŞ-dan Gürcüstana XƏBƏRDARLIQ
2024-04-26 22:22

Avroparlamentarilərin tələb və şantaj cəhdlərinin Gürcüstan üçün dəyəri yoxdur
2024-04-26 21:50

“Gürcü Arzusu”nun mərkəzi ofisində təcili iclas keçirilir
2024-04-26 21:09

Qaratəhlə kəndində ağırlaşdırıcı şəraitdə qəsdən adam öldürməkdə təqsirli bilinən iki nəfər 20-20 il müddətinə azadlıqdan mərhum edilib
2024-04-26 20:52

Aytac Şahmarovanın anası və dayısı ilə bağlı hökmün bu tarixdə açıqlanacağı gözlənilir
2024-04-26 20:38

27 aprel üçün xarici valyutanın rəsmi məzənnəsi
2024-04-26 20:14

Viza liberallaşdırılması ləğv edilməyəcək...
2024-04-26 15:26

“ Biz viza liberallaşdırılmasına başladıq, amma onlar da hamı kimi bunu geriyə götürdülər”
2024-04-26 15:24

Poniçalada din xadimini bıçaqlayan şəxs saxlanıldı
2024-04-26 15:20

Daxili İşlər Nazirliyinin əməkdaşı zor tətbiq etmə faktı ilə ifşa edilib
2024-04-26 13:50