İnsanları azğınlıqdan uzaqlaşdıran kitab

İnsanları azğınlıqdan uzaqlaşdıran kitab

20 Oktyabr 2023 - 07:54

313

Qurani-Kərim Allaha doğru addım atmağın ən yaxşı yoludur. İnsanları doğru yoldan azdırmaz.

İnsan bir yol tapmaq və gedəcəyi yerə ən yaxşı şəkildə çatmaq üçün bildiyi yolla getməlidir. Yolu bildiyini iddia edən, amma əslində onu bilməyən insan məqsədinə çata bilmir və bu yolda getməkdən yorulur.

Həzrət Əli (ə) Quranı vəsf edərkən deyir ki, Quran heç vaxt insanları doğru yoldan azdırmaz. Nəhcül-Bəlağənin 133-cü xütbəsində buyurur: "Quran ayələrindən bəziləri digərlərini təyid edir və bir-birinə şəhadət verir. Onda Allah barəsində heç bir ziddiyyət yoxdur və dostlarını Allaha qarşı çıxarmaz".

Quran Allah tərəfindən nazil edilən bir kitabdır və onun heç bir ayəsində heç bir ziddiyyət yoxdur. Quranda bu ziddiyyət aşkar edilsəydi, bu kitab Allahın kitabı olmazdı. Allah “Nisa” surəsinin 82-ci ayəsində buyurur: “Məgər onlar Quranı araşdırıb düşünmürlərmi? Əgər o, Allahdan başqasından gəlsəydi, onda çoxlu uyğunsuzluq və ziddiyyətlər tapardılar!”

Həzrət Əlinin (ə) yuxarıda qeyd etdiyimiz Quran tərifi ilə bağlı Ayətullah Məkarim Şirazi deyir ki, Quran ayələri heç kəsi haqq yolundan sapdırmayacaq, əksinə, həmişə doğru yola yönəldəcək. Həmçinin ümidini Qurana bağlayan heç kəs məyus olmayacaq.

Belə olduğu halda, Həzrət Əlinin (ə) nitqinin ikinci hissəsində bir ziddiyyət nümunəsi var və bunu izah etmək lazımdır: Tarix boyu Quran oxuyanların və hafizlərin cəhənnəmə düçar olduqları və haqq yolundan azaraq öldükləri görülmüşdür. Məsələn: Bir gecə Həzrət Əli (ə) Kufə məscidindən çıxıb Kumeyllə birlikdə evə gedirdi. Onlar yolda olarkən bir evin yanından keçdilər. Evdə Quran oxunurdu. Quran oxuyan şəxsin səsi Kumeyli dərindən təsirləndirdi və onu özünə cəlb etdi. Amma bu, sevinci haqqında heç nə demirdi. Bu hadisə xəvaricin Həzrət Əliyə (ə) müharibə elan edənə qədər davam etdi. İki ordu arasında müharibə başladı. Nəhayət, Həzrət Əli (ə) qılıncının ucu ilə o gecə Quran oxuyan şəxsin başına işarə edərək, onu Kumeylə göstərərək dedi: “Bu, o gecə Quran oxuyan və səni özünə cəlb edən şəxsin başıdır".

Dərinliyi dərk olunmayan dəniz

Bəs necə olur ki, gecələr Quran oxuyan adam Allahın Vəlisi ilə döyüşdə həlak olur?

Quranın özü insanları hidayətə və doğru yola yönəldir. Amma Quranla insanlara hidayət etməli olan şəxs imamdır. Quranı məsum imamlardan daha çox bilən yoxdur. Deməli, İmamın Quran haqqındakı anlayışıdır ki, həm hidayət edir, həm də nicat verir.

Peyğəmbərimiz (s) Səqəleyn hədisində buyurur: “Mən sizin aranızda iki ağır və qiymətli əmanət qoyuram. Onlar Allahın kitabı (Quran) və mənim Əhli-beytimdir. İnsanlar Dinləsin! Şübhəsiz ki, mən Allahın mesajını çatdırdım. Şübhəsiz ki, onlar hovuzun (Kövsər) yanında mənə çatana qədər bir-birindən ayrılmazlar...”.

mənbə: iqna

Xəbər lenti

Gürcüstandakı hadisələrdə Rusiya izi yoxdur
2024-05-03 22:59

Tbilisidə “Şəffaflıq Qanunu”na qarşı aksiya keçirilir
2024-05-03 22:03

Salome Zurabişvili ölkədə baş verənlərlə bağlı Şarl Mişel ilə telefon danışığı aparıb
2024-05-03 20:43

Prezident ofşor qanununa veto qoydu
2024-05-03 19:49

Gürcüstan DİN: Ötən gün 23 etirazçı həbs olunub
2024-05-03 19:04

“ Mən Derek Şoleyə 2020-23-cü illərin iki inqilabi cəhdindən səmimi məyusluğumu bildirdim”
2024-05-03 18:56

4 may üçün xarici valyutanın rəsmi məzənnəsi
2024-05-03 18:38

Qori -Xaşuri yolunda qəza baş verib
2024-05-03 15:25

”Rus qanunları Gürcüstanda heç vaxt qəbul edilməyib və gələcəkdə də qəbul edilməyəcək“
2024-05-03 15:22

3 nəfər 12-ci sinif şagirdi avtomobillə Nakra çayına düşüb
2024-05-03 14:07