Cin nədir?

Cin nədir?

11 Yanvar 2024 - 06:55

261

İnsanlar tarix boyu Allahdan başqa görünməz, fövqəladə varlıqlara inanmış, müxtəlif dövrlərdə və coğrafi bölgələrdə bu varlıqların yaxşı və pislərinə müxtəlif adlar vermişlər.

İslamda Allahın, mələyin, iblisin, cinnin və peyğəmbərin xüsusiyyətləri və funksiyaları tam müəyyən edilmişdir.

Cin Allahın oddan yaratdığı varlıqlardan biridir. Onun rütbəsi insandan aşağıdır. İnsan gözünə görünməyən bu varlıqların bir missiyası var və qiyamət günü bir yerə toplanacaqlar.

İnsanların cinlərdən üstün olduğuna dəlil cinlərdən olan şeytanın Adəm peyğəmbərə səcdə etməli olmasıdır. “Kəhf” surəsi, 50-ci ayədə deyilir: “Bir zaman mələklərə: “Adəmə səcdə edin!” – demişdik. İblisdən başqa hamısı səcdə etdi. O, cinlərdən idi, Rəbbinin əmrinə qarşı çıxdı. İndi Mənim yerimə onu və onun arxasınca gedənləri dost tutursan? Halbuki onlar sizin düşmənlərinizdir. Zalımlar üçün nə pis seçimdir!”

Quranda cinlərlə bağlı qeyd olunan bəzi xüsusiyyətlər:

1.Cin oddan yaradılmışdır. “Ər-Rəhman” surəsi, 15-ci ayə: “O, cinləri oddan yaratdı”.

2. Onlardan bəziləri saleh möminlər, bəziləri də kafirdirlər. “Cin” surəsi, 11-ci ayə: “Həqiqətən, aramızda xeyirxahlar var, amma aramızda fərqli olanlar da var. Bir sözlə, biz müxtəlif qruplardan ibarətik”.

3.Qiyamət günü onlar üçündə var. “Cin” surəsi, 15-ci ayə: “Doğru yoldan azanlar cəhənnəmin yanacağı oldular”.

4. Cinlərin qeybi bilmək qüdrəti var idi. Lakin sonradan bu güc onların əlindən alındı. Cin surəsinin 9-cu ayəsi: “Halbuki biz (əvvəllər) göyə qulaq asmaq üçün otura biləcəyimiz yerlərdə oturardıq; Amma indi kim qulaq asmaq istəsə, onu gözləyən od topu ilə qarşılaşır”.

5.Cinlər bəzi sirlər haqqında malik olduqları məhdud biliklərlə insanlarla ünsiyyət qurur və onları aldadırlar. “Cin” surəsinin 6-cı ayəsi: “İnsanlar bəziləri cinlərdən bəzilərinə sığınır və onları daha da azğınlaşdırırdılar”.

6. Cinlərdən bəziləri digər cinlərdən daha çox gücə malikdirlər. “Nəml” surəsinin 39-cu ayəsi: “Cinlərdən bir cin dedi: “Sən yerindən qalxmamış onu sənə gətirəcəyəm. “Mən həqiqətən bu işə qadirəm, etibarlı biriyəm” dedi.

7. İnsanların ehtiyac duyduğu bəzi işləri görməyə qüdrəti var. Səbə surəsi 12-13-cü ayələr: “Biz Süleyman üçün küləyi (ram etdik). (Onun) sübh gedişi bir aylıq yol və axşam gedişi də bir aylıq yol idi. Onun üçün biz mis mədənini əritdik, axıtdıq. Cinlər arasında Rəbbinin izni ilə onun tabeliyində işləyənlər də var idi. Onlardan kim əmrimizdən dönsə, ona od əzabını daddırardıq”.

“Onlar Süleymanın istəyinə uyğun olaraq hündür və əzəmətli binalar, heykəllər, hovuz kimi qablar və daşınmaz qazanlar düzəldirdilər. Ey Davud ailəsi! Minnətdarlıq üçün səy göstərin. “Bəndələrim arasında şükür edən çox azdır”.

8- Cinlərin yer üzündə yaradılışı insanların yaranmasından əvvəl olmuşdur. Hicr surəsinin 27-ci ayəsi: “Cinlərə gəlincə, Biz onları əvvəllər oddan yaratmışdıq”.

Şeytan kimdir?

Cinlər haqqında çoxlu xurafatlar var və onların qəribə, qorxulu və zəhərli varlıqlar olduğu deyilir. Bu xurafatları bir kənara qoysaq, məsələnin mahiyyəti məqbul olar. Alimlər deyirlər ki, insanların duyğuları ilə anladıqları şeylər, hissləri ilə dərk edə bilmədikləri ilə müqayisədə əhəmiyyətsizdir.

İnsanların görə bilmədiyi bir damla suda, bir damla qanda minlərlə canlı olduğuna heç kim inanmırdı. Bundan əlavə, alimlər gözlərimizin məhdud rəngləri gördüyünü, qulaqlarımızın isə məhdud səs dalğalarını eşitdiyini söyləyirlər.

Hisslərimizlə dərk edə bilmədiyimiz hər cür varlığın bu dünyada mövcud olması təəccüblü olmamalıdır. Qurani-Kərimdə cinlərin varlığı və xüsusiyyətlərindən bəhs edilir və bunu inkar etmək üçün heç bir rasional səbəb yoxdur. Ona görə də bunu qəbul etməklə insanlar arasında yayılmış xurafatlardan çəkinmək lazımdır.

Nümunə Təfsir, (cild 25, səh. 154)

mənbə: iqna

Xəbər lenti

Qori -Xaşuri yolunda qəza baş verib
2024-05-03 15:25

”Rus qanunları Gürcüstanda heç vaxt qəbul edilməyib və gələcəkdə də qəbul edilməyəcək“
2024-05-03 15:22

3 nəfər 12-ci sinif şagirdi avtomobillə Nakra çayına düşüb
2024-05-03 14:07

5G-dən 500 dəfə sürətli internet sınaqdan keçirildi
2024-05-03 14:04

Gürcüstan XİN Fransaya cavab verib: Qeyri-obyektivsiniz
2024-05-03 13:59

” Biz Gürcüstan liderlərini qanun layihəsini geri götürməyə çağırırıq“
2024-05-03 13:57

Gürcüstan parlamentində "sarı təhlükəsizlik" səviyyəsi daha iki gün qüvvədə olacaq
2024-05-03 13:54

ABŞ-la münasibətlərə yenidən başlamaq xüsusi səylər tələb edir
2024-05-03 13:51

“ Mən Gürcüstan hakimiyyətini bu qanun layihəsini geri götürməyə və dialoqa çağırıram“
2024-05-03 11:17